Digwyddiadau WAPPAR - Cynhadledd Hyfforddi a Mentora

Bydd y gynhadledd yn canolbwyntio ar:  Hyfforddi a Mentora mewn Hinsawdd o Newid. 

Bydd hyn yn rhoi cyfle rhagorol i glywed gan ymarferwyr arbenigol a chyfle i gymryd rhan mewn gweithdai diddorol ac eglurhaol.

Yn rhan o Brifysgol Cymru Y Drindod Dewi Sant, mae gan yr Academi gefndir cryf mewn hwyluso datblygiad hyfforddwyr a mentoriaid ar gyfer y gweithle ac mae’n bleser mawr ganddi estyn gwahoddiad i ymarferwyr, arweinwyr fel hyfforddwyr/mentoriaid, ymchwilwyr Meistr/Doethuriaeth a’n cyn-fyfyrwyr a’r rheini sy’n prynu hyfforddiant, i rannu arfer gorau ac ymchwil yn y maes.

Cynigir cyfraniadau mewn sesiynau cyfochrog ar themâu Hyfforddi a Mentora mewn Hinsawdd o Newid. Bydd y cyflwyniadau drwy gyfrwng gweithdai, arddangosiadau perfformio ac arfer.

Bydd y gynhadledd hon hefyd yn cynnal digwyddiad rhwydweithio ar gyfer Cymdeithas Hyfforddi’r Academi, canolbwynt Cymru gyfan ar gyfer arfer gorau hyfforddi a mentora.

Cewch eich annog i gofnodi eich adfyfyrio o’r diwrnod, i ddechrau neu barhau gyda dyddlyfr adfyfyrio sy’n cefnogi datblygiad parhaus fel hyfforddwr a/neu fentor.