Archaeoleg (BA)

Archaeoleg yw’r astudiaeth o orffennol dyn trwy archwilio olion ffisegol megis offer cerrig, crochenwaith ac esgyrn, yn ogystal ag adeiladau, strwythurau, cofadeiliau a thirweddau. Mae’n ceisio datgelu sut y trefnir cymdeithasau cyfoes a chymdeithasau’r gorffennol, sut mae dynoliaeth yn rhyngweithio gydag amgylcheddau a thirweddau, a sut mae syniadau ynglŷn â’r byd i’w gweld yn y gwrthrychau mae pobl wedi’u creu.

Er mwyn deall y gorffennol yn fanwl, mae angen mynd i’r afael â materion damcaniaethol a moesegol. Golyga hyn ein bod yn archwilio materion megis treftadaeth, portreadu, defnydd tir, technoleg, newid amgylcheddol, marwolaeth, gwrthdaro, credoau ac esblygiad corff, meddwl a syniadau dyn, gyda’r bwriad o ehangu gwybodaeth o’r modd mae dynoliaeth wedi cyrraedd y fan lle mae erbyn heddiw.

Mae nifer o fodylau’n cynnwys taith maes i safleoedd a thirwedd hanesyddol.

Caiff myfyrwyr sy’n astudio Archaeoleg yn Y Drindod Dewi Sant Llambed y cyfle i archwilio nifer o bynciau a thestunau diddorol tu hwnt. Ymhlith y rhain y mae’r canlynol:

• Archaeoleg Maes y Gad
• Cymdeithasau’r Oes Efydd
• Esblygiad Dynol
• Archaeoleg Forol
• Archaeoleg Baleoamgylcheddol

Asesir y rhaglen mewn amrywiaeth o ffyrdd a fydd yn cynnwys nifer o’r mathau a ganlyn o asesiad: traethodau rhwng 1,000 a 4,000 o eiriau, dadansoddi dogfen, adolygiadau llyfrau/cyfnodolion, adroddiadau byr a dyddlyfrau adfyfyriol, profion amser, dyddlyfrau maes, posteri, cyflwyniadau grŵp ac unigol.

Nod y Fframwaith yw datblygu eich sgiliau a’ch cymwyseddau proffesiynol ochr yn ochr â’ch gwybodaeth pwnc academaidd. Byddwch yn astudio hyd at 40 credit ar bob level trwy gydol eich rhaglen o’r Fframwaith Priodoleddau Graddedigion. 

Mae’r modylau Priodoleddau Graddedigion wedi’u cynllunio i’ch galluogi i ddatblygu, a phrofi, ystod o sgiliau sy’n ffocysu ar eich gyrfa ac yn gysylltiedig â’ch maes pwnc. Mae’r sgiliau hyn yn cynnwys medrusrwydd digidol, ymchwil a rheolaeth prosiect, yn ogystal â medrusrwydd personol fel cyfathrebu, creadigrwydd, hunan-fyfyrio, cadernid a datrys problemau. 

• Dysgwch ragor am y Fframwaith Priodoleddau Graddedigion

• Dr Louise Steel
• Dr Martin Bates
• Yr Athro Nigel Nayling
• Dr Ros Coard

Mae graddau’n bwysig; fodd bynnag, nid yw ein cynigion wedi’u seilio’n llwyr ar ganlyniadau academaidd. Mae gennym ddiddordeb mewn pobl greadigol sy’n arddangos ymrwymiad cryf i’w dewis faes pwnc ac felly rydym yn croesawu ceisiadau gan unigolion o amrywiaeth eang o gefndiroedd.

I asesu addasrwydd myfyrwyr ar gyfer eu dewis gwrs, rydym fel arfer yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried yn ogystal â'ch cymwysterau.

Mae’r Cyfleoedd gyrfaol a gwaith yn cynnwys:

• Rheoli ym meysydd llywodraeth a masnach
• Sector treftadaeth
• TGCh
• Gwaith y gymuned a llywodraeth leol
• Gwaith amgueddfeydd, arddangosfeydd ac archifau
• Archaeoleg maes proffesiynol
• Cyfleoedd ymchwil ac ôl-raddedig
• Addysgu, swyddog addysg
• Gwaith Gwirfoddol

Costau Ychwanegol

Mae’r Gyfadran wedi gwneud amcangyfrif gan dybio y bydd myfyrwyr yn prynu copïau newydd o’r llyfrau. Gallai myfyrwyr hefyd ddewis gwario arian ar argraffu fersiynau drafft o’u gwaith.

Gallai myfyrwyr wario hyd at £300 y flwyddyn ar lyfrau a deunyddiau ychwanegol cysylltiedig.

Disgwylir i fyfyrwyr gyflwyno 2 gopi caled o’u prosiect terfynol, ac amcangyfrifir y bydd cost rhwymo’r rhain yn £20.

Taith Maes ddewisol:
Mae’r Gyfadran yn gweithio i sicrhau bod ystod o ddewisiadau ar gael o ran gwaith maes a theithiau maes yn lleol ac yn rhyngwladol. Felly gall myfyrwyr ddewis cymryd lleoliadau mwy neu lai drud. Mae’r Gyfadran yn noddi’r rhain ond mae’r gost bob blwyddyn yn ddibynnol ar gostau hedfan, lleoliad, a chyfraddau cyfnewid arian. Isod nodir pegwn uchaf y costau disgwyliedig ar sail ble mae myfyrwyr cyfredol wedi ymgymryd â lleoliadau.

• Gwaith maes (yn ddibynnol ar ble mae’r myfyriwr yn penderfynu gwneud gwaith maes): oddeutu £500 i £1,500
• Teithiau unigol: oddeutu £5 i £50

Anthropoleg (BA)
Cod UCAS: L600
Ymgeisio drwy UCAS

Hanes yr Henfyd (BA)
Cod UCAS: V115
Ymgeisio drwy UCAS

Hanes 
Cod UCAS: V100
Ymgeisio drwy UCAS

Astudiaethau Canoloesol
Cod UCAS: V130
Ymgeisio drwy UCAS

Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Ysgoloriaethau a Bwrsarïau.

Ewch i dudalen Hafan Llety am ragor o wybodaeth