Ydds Hafan  -  Astudio Gyda Ni  -  Cyrsiau Israddedig  -  Astudiaethau Crefyddol (BA)

Astudiaethau Crefyddol (BA)

Mae’r radd hon yn rhoi i fyfyrwyr sylfaen yng nghredoau ac arferion ystod eang o grefyddau.

Bydd myfyrwyr sy’n astudio BA Astudiaethau Crefyddau yn datblygu dealltwriaeth o rôl crefydd yn y byd ac astudio tarddiad a datblygiad traddodiadau crefyddol, gan gynnwys Iddewiaeth, Cristnogaeth, Islam, Hindŵiaeth, Bwdhaeth a Siciaeth.

OPSIYNAU LLWYBR A SUT I YMGEISIO

Côd UCAS ac Opsiynau Anrhydedd Cyfun

Astudiaethau Crefyddol (BA)
Côd UCAS: L351
Ymgeisio drwy UCAS

Astudiaethau Crefyddol (BA) [Cyfrwng Saesneg]
Côd UCAS: RV60
Ymgeisio drwy UCAS

Astudiaethau Tsieineaidd ac Astudiaethau Crefyddol (BA)
Côd UCAS: TV16
Ymgeisio drwy UCAS

Astudiaethau Crefyddol gydag Astudiaethau Islamaidd (BA)
Côd UCAS: LQ63
Ymgeisio drwy UCAS

Anthropoleg ac Astudiaethau Crefyddol (BA)
Côd UCAS: RSA1
Ymgeisio drwy UCAS

Treftadaeth ac Astudiaethau Crefyddol (BA)
Côd UCAS: RHG1
Ymgeisio drwy UCAS

Astudiaethau Crefyddol ac Athroniaeth (BA)
Côd UCAS: VV6M
Ymgeisio drwy UCAS

Astudiaethau Crefyddol a Diwinyddiaeth (BA)
Côd UCAS: TRS1
Ymgeisio drwy UCAS

Astudiaethau Crefyddol gyda Seicoleg Gymhwysol (BA)
Côd UCAS: 7C29
Ymgeisio drwy UCAS

Astudiaethau Crefyddol gyda Blwyddyn Sylfaen (BA)
Côd UCAS: RSF1
Ymgeisio drwy UCAS

Crefydd, Moeseg a Seicoleg Gymhwysol (BA)
Côd UCAS: 7C29
Ymgeisio drwy UCAS

Crefydd, Athroniaeth a Moeseg (BA)
Côd UCAS: D2N4
Ymgeisio drwy UCAS

Astudiaethau Crefyddol a Diwinyddiaeth (BA)
Côd UCAS: TRS1
Ymgeisio drwy UCAS

Astudiaethau Crefyddol gydag Astudiaethau Addysg (BA)
Côd UCAS: VL64
Ymgeisio drwy UCAS

Crefydd, Diwinyddiaeth ac Athroniaeth (BA)
Côd UCAS: K219
Ymgeisio drwy UCAS


Cadw Lle ar Ddiwrnod Agored Cadw Lle ar Ddiwrnod Blasu Gofyn am Ragor o Wybodaeth                 Ymgeisio Nawr                 
Ffioedd Dysgu 2020/21:
£9,000 (Cartref/EU)
£11,500 (Dramor)

Pam dewis y cwrs hwn?

  • Ystod eang o fodylau ar bynciau perthnasol fel natur crefydd, y traddodiadau Abrahamaidd, neu gysyniadau crefyddol o rhyw a chenedl.
  • Modylau seiliedig ar arbenigedd ymchwil nodweddiadol darlithwyr mewn profiad crefyddol neu fudiadau crefyddol newydd.
  • Addysgu trochi arloesol mewn grwpiau bach a thiwtorialau un i un.
  • Lle i feddwl yn annibynnol a chyfleoedd i ddilyn eich diddordebau eich hunan.
  • Cyfle i gyfuno eich astudiaethau gyda modylau o bynciau eraill y Dyniaethau.

Beth fyddwch chi'n ei ddysgu

Trosolwg o'r Cwrs

Mae ein rhaglen BA Astudiaethau Crefyddol yn galluogi myfyrwyr i ddod yn gyfarwydd â nodweddion traddodiadau crefyddol ac i gymharu credoau ac arferion crefyddau gwahanol, yn enwedig yng nghyd-destun byd sy’n dod i delerau â’i amrywiaeth diwylliannol a chrefyddol.

Bwriad y rhaglen hon yw ennyn chwilfrydedd a diddordeb yn yr amrywiaeth o ddiwylliannau crefyddol ar draws y byd ac i ddeffro ymwybyddiaeth gynyddol o blwraliaeth o fewn traddodiadau crefyddol ac o fewn cymdeithasau yn gyffredinol. Mae hyn yn rhoi gwir ddirnadaeth i fyfyrwyr o’r cyflwr dynol a’r lluosogrwydd o gredoau ac arferion crefyddol sydd yn y byd.

Modylau

Mae’r radd Astudiaethau Crefyddol hon yn ffocysu’n bennaf ar grefydd yn y byd cyfoes, gan gydnabod arwyddocâd crefydd wrth siapio hanes.

Mae’r rhaglen yn edrych ar grefyddau penodol, gan amlygu gwahanol themâu y mae crefydd yn dylanwadu arnynt neu’n chwarae rhan ynddynt.

Caiff crefyddau’r byd eu harchwilio ar ffurf crefyddau Abrahamaidd a thraddodiadau Asiaidd yn ogystal â chrefyddau brodorol, gyda ffocws arbennig ar De America, yn ogystal â’r mudiadau crefyddol ac ysbrydolrwydd amgen newydd a ddaeth i’r amlwg yn y Gorllewin o ganol yr 20fed ganrif ymlaen.

Mae’r rhaglen yn cynnwys y cyfuniadau isod o fodylau craidd, gorfodol a dewisol:

  • Mae Lefel 4,yn cynnwys pum modwl gorfodol, gan gynnwys sgiliau astudio trawsgyfadrannol a gwblheir gan bob myfyriwr, ac un modwl dewisol;
  • Lefel 5, pum modwl gorfodol, gan gynnwys modylau dulliau ymchwil pwnc-benodol a gwblheir gan bob myfyriwr, ac un modwl dewisol; a,
  • Lefel 6, bydd pob myfyriwr yn cwblhau traethawd hir ar gyfer 20 neu 40 o gredydau ynghyd â thri modwl gorfodol a dau o rai dewisol.

Sylwer, fe all y modylau hyn amrywio ychydig o flwyddyn i flwyddyn oherwydd newidiadau o ran staff, datblygu’r cwricwlwm ac argymhellion yn sgil dilysu.

Asesiad

Caiff y rhaglen ei hasesu mewn amrywiaeth o ffyrdd a fydd yn cynnwys nifer o'r mathau a ganlyn o asesiad:

  • traethodau 1,000 i 4,000 o eiriau;
  • dadansoddi dogfennau;
  • adolygiadau o lyfrau / cyfnodolion
  • adroddiadau byr a dyddlyfrau adfyfyriol ;
  • profion amser ;
  • arholiadau a welir ac na welir ymlaen llaw;
  • dyddlyfrau maes ;
  • Posteri;
  • cyflwyniadau grŵp ac unigol;
  • traethodau hir 10,000 o eiriau;
  • wicis ;
  • sylwebaethau; a,
  • gwerthusiadau ffilm.

Dyniaethau | Gwahaniaeth Llanbedr Pont Steffan

Gwybodaeth allweddol

Meini Prawf Mynediad

Mae graddau’n bwysig; ond, nid yw ein cynigion wedi’u seilio’n llwyr ar ganlyniadau academaidd.

Mae gennym ddiddordeb mewn pobl greadigol sy’n arddangos ymrwymiad cryf i’w dewis faes pwnc ac felly rydym yn croesawu ceisiadau gan unigolion o amrywiaeth eang o gefndiroedd.

I asesu addasrwydd myfyrwyr ar gyfer eu dewis gwrs, rydym fel arfer yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried yn ogystal â'ch cymwysterau.

Cyfleoedd Gyrfa

Mae BA mewn Astudiaethau Crefyddol yn gymhwyster buddiol iawn o ran ymwneud â chymdeithas amlddiwylliannol, aml-ffydd.

Mae galw mawr am y radd hon gan gyflogwyr sy’n dymuno i’w staff ymwneud ag amgylchedd diwylliannol amrywiol. O ganlyniad, mae nifer o’n myfyrwyr yn cael swyddi ac yn datblygu gyrfaoedd yn y gwasanaethau cymdeithasol, cwnsela, nyrsio, plismona, tân ac achub.

Mae nifer o fyfyrwyr yn symud ymlaen i ddilyn cwrs TAR mewn Addysg Grefyddol gynradd neu uwchradd.

Mae myfyrwyr eraill yn ychwanegu at eu BA trwy ddilyn astudiaethau ôl-raddedig sy’n cynnwys agwedd ar grefydd o blith traddodiadau mawr y byd.

Mae’r Drindod Dewi Sant yn cael ei chydnabod yn eang am baratoi’i myfyrwyr ar gyfer byd gwaith. Cynigia’r uned Gwasanaethau Myfyrwyr raglen fywiog o weithgareddau yn gysylltiedig â chyflogaeth, ac mae’r Ysgol Diwinyddiaeth, Astudiaethau Crefyddol ac Astudiaethau Islamaidd yn rheolaidd yn ddolen gyswllt i’w myfyrwyr i weithgareddau yn gysylltiedig â chyflogaeth a gymeradwyir gan y Brifysgol.

Mae’r arolwg Cyrchfannau Pobl sy’n Gadael Addysg Uwch (DLHE) yn cofnodi’n rheolaidd bod canrannau uchel o raddedigion o Brifysgol Cymru Y Drindod Dewi Sant mewn gwaith neu’n ceisio cymwysterau pellach chwe mis ar ôl graddio.

Yn arolwg DLHE 2016/17, roedd 96.8% o fyfyrwyr israddedig llawn amser y Brifysgol sy’n hanu o’r DU mewn gwaith a/neu astudiaethau pellach chwe mis wedi iddynt raddio.

Costau Ychwanegol

Gwneir amcangyfrifon gan dybio y bydd myfyrwyr yn prynu copïau newydd o’r llyfrau. Gallai myfyrwyr hefyd ddewis gwario arian ar argraffu fersiynau drafft o’u gwaith.

Gallai myfyrwyr wario hyd at £300 y flwyddyn ar lyfrau a deunyddiau ychwanegol cysylltiedig.

Disgwylir i fyfyrwyr gyflwyno dau gopi caled o’u prosiect terfynol; ac amcangyfrifir y bydd cost rhwymo’r rhain yn £20.

Taith maes ddewisol:
Mae yna amrywiaeth o opsiynau i fynd ar waith maes a theithiau maes, yn lleol a rhyngwladol.  Gall myfyrwyr ddewis cymryd lleoliadau mwy neu lai drud. Mae cymhorthdal ar gyfer y rhain ond mae’r gost bob blwyddyn yn ddibynnol ar gostau hedfan, lleoliad, a chyfraddau cyfnewid arian. Isod nodir pegwn uchaf y costau disgwyliedig ar sail lleoliadau blaenorol.

  • Gwaith maes (yn amodol ar leoliad) – tua £500-£1,000; a,
  • Teithiau unigol -  oddeutu £5-£50.
Cyrsiau Cysylltiedig

Diwinyddiaeth (BA)
Cod UCAS: THE1

Ysgoloriaethau ac Bwrsariaethau

Fe allech fod yn gymwys am arian i helpu cefnogi’ch astudiaethau. I ddysgu am ysgoloriaethau, bwrsarïau a chyfleodd ariannu eraill, ewch i’n hadran Ysgoloriaethau a Bwrsariaethau. Mae myfyrwyr sy'n dewis astudio'r cwrs drwy'r Gymraeg hefyd yn gymwys am ysgoloriaethau'r Coleg Cymraeg Cenedlaethol. Am ragor o wybodaeth ewch i dudalen Ysgoloriaethau Cangen Y Drindod Dewi Sant o'r Coleg Cymraeg Cenedlaethol.

Llety

Ewch i dudalen Hafan Llety am ragor o wybodaeth