Gwaith gyda Phobl Ifanc (BA)

Bydd y radd BA (Anrh) Gwaith gyda Phobl Ifanc yn galluogi myfyrwyr i weithio gyda phobl ifanc, cymunedau a theuluoedd, ac i ddeall sut i fodloni anghenion pobl ifanc yn y 21^ain ganrif.  Trwy safbwynt y gwyddorau cymdeithasol, bydd y rhaglen yn archwilio arfer gyda phobl ifanc a’u cymunedau mewn modd cymhwysol, gydag ymrwymiad eglur i gyfiawnder cymdeithasol ac arfer gwrth-ormesol. 

Mae’r cwrs yn cyflwyno myfyrwyr i ffyrdd o weithio gyda phobl ifanc ar nifer o broblemau sy’n gyfredol iawn yn y gymdeithas sydd ohoni, megis Camfanteisio’n Rhywiol ar Blant, Profiadau Niweidiol yn ystod Plentyndod, Digartrefedd, Camddefnyddio Sylweddau, Iechyd Meddwl Plant a’r Glasoed, Tlodi a Gordewdra ymhlith pobl ifanc, ac mae’n archwilio’r rhain mewn modd cymhwysol, gan dynnu ar ymchwil cyfredol ac arfer gorau er mwyn paratoi graddedigion i fod yn effeithiol ac adfyfyriol iawn yn eu dewis feysydd.  Mae’r rhaglen yn cyd-fynd yn gyflawn ag ymrwymiad Llywodraeth Cymru i “ddatblygu a chryfhau darpariaeth benodol wedi’i hanelu at gefnogi a gwella canlyniadau ar gyfer pobl ifanc sy’n fwy agored i niwed neu sydd ar y cyrion” (LlC, 2019, t.13).

Sylwer nad yw’r radd BA Gwaith gyda Phobl Ifanc yn cynnig cymhwyster proffesiynol mewn Gwaith Ieuenctid.  Ar ôl cwblhau’r rhaglen BA Gwaith gyda Phobl Ifanc, gall graddedigion gofrestru ar y Diploma Ôl-raddedig Gwaith Ieuenctid ac Addysg Gymdeithasol (Ardystiad ETS) sy’n cynnig cymhwyster mewn Gwaith Ieuenctid a gydnabyddir gan JNC.  Fodd bynnag, os hoffai myfyrwyr astudio gradd Israddedig sy’n cynnig cymhwyster proffesiynol mewn Gwaith Ieuenctid, y cwrs **BA Gwaith Ieuenctid ac Addysg Gymdeithasol (Ardystiad ETS) fydd y dewis iawn i chi.

**Yn amodol ar ddilysu a chymeradwyo gan ETS Cymru

Blwyddyn Sylfaen – Lefel 3

• Sgiliau Goroesi Academaidd (30 credyd; gorfodol)
• Cyflwyniad i Fywyd Prifysgol: Ffynnu fel Myfyriwr (30 credyd; gorfodol)
• Cyflwyniad i Arfer Gwaith Ieuenctid (60 credyd; gorfodol).

Blwyddyn Un – Lefel 4 (Tyst AU, Dip AU a BA)

• Sgiliau Astudio Academaidd i Fyfyrwyr (20 credyd; gorfodol)
• Sgiliau Cwnsela, Ymwybyddiaeth Ofalgar ac Arfer Therapiwtig (20 credyd; gorfodol)
• Arfer Proffesiynol: Egwyddorion a Chyd-destunau Gwaith gyda Phobl Ifanc (20 credyd; gorfodol)
• Deall Oedolaeth (20 credyd; gorfodol)
• Gwaith gyda Phobl Ifanc, Cymunedau a Theuluoedd (20 credyd; gorfodol)
• Pobl Ifanc a Chymdeithas 1: Eiriolaeth, Grymuso, Cyfranogiad a Hawliau (20 credyd; gorfodol).

Blwyddyn Dau – Lefel 5 (Dip AU a BA)

• Arfer â Ffocws (40 credyd; gorfodol)
• Nid yw Unrhyw Un yn Rhy Fach i Wneud Gwahaniaeth: Gweithio gyda Phobl Ifanc i Greu Hinsawdd o Newid (20 credyd; gorfodol)
• Ymchwil Cymdeithasol ar gyfer Arfer Proffesiynol (20 credyd; gorfodol)
• Goruchwyliaeth, Arweinyddiaeth a Rheolaeth ar gyfer Gweithwyr Proffesiynol (20 credyd; gorfodol)
• Pobl Ifanc a Chymdeithas 2: Iechyd Meddwl, Llesiant a Phrofiadau Niweidiol yn ystod Plentyndod (20 credyd; gorfodol).

Blwyddyn Tri – Lefel 6 (BA)

• Traethawd Hir (40 credyd; gorfodol)
• Sgiliau Bywyd: Cyflogadwyedd a Llwybrau’r Dyfodol (20 credyd; gorfodol)
• Pobl Ifanc a Chymdeithas 3: Trawma, Camfanteisio a Phlentyndod Gwenwynig (20 credyd; gorfodol)
• Pobl Ifanc mewn Ffocws (20 credyd; gorfodol)
• Llesiant a Gwydnwch Pobl Ifanc (20 credyd; gorfodol).

Lluniwyd asesiadau i adlewyrchu gofynion y maes gwaith gyda phobl ifanc, a datblygu sgiliau cyflogadwyedd eang yn y myfyrwyr.    Nid oes unrhyw arholiadau

• Angharad Lewis, Cyfarwyddwr Rhaglen
• Alana Enoch, Darlithydd
• Darrel Williams, Uwch Ddarlithydd
• Dr Nichola Welton, Uwch Ddarlithydd

• Bydd yn ofynnol i ymgeiswyr ddarparu dogfen datgeliad manylach foddhaol ar gyfer y Gweithlu Plant ac Oedolion gan y Gwasanaeth Datgelu a Gwahardd (DBS).
• Gofynion mynediad y rhaglen yw rhwng 80 a 96 pwynt a throsodd, fodd bynnag, mae mynediad i’r rhaglen yn amodol ar deilyngdod yr unigolyn.

Mae ystod o gyfleoedd o ran gyrfa a chyflogadwyedd i raddedigion y radd hon o fewn maes sy’n ehangu’n gyflym.  Mae’r rhain yn cynnwys:

• Cymorth Ieuenctid ym mhrosiectau Awdurdodau Lleol yn ogystal ag o fewn sefydliadau gwirfoddol a sefydliadau elusennol;
• Gwaith gyda sefydliadau sy’n canolbwyntio ar broblemau penodol gan gynnwys camddefnyddio sylweddau, digartrefedd ymhlith pobl ifanc ac oedolion ifanc sy’n ofalwyr;
• Cyfiawnder Ieuenctid;
• Mentor Cymheiriaid Pobl Ifanc;
• Gweithiwr Cymorth Person Ifanc;
• Eiriolwr dros Bobl Ifanc;
• Ymgysylltu â’r Gymuned;
• Cymorth i Deuluoedd ar gyfer pobl ifanc ag anableddau;
• Gall graddedigion hefyd ymgymryd ag astudiaethau pellach ôl-raddedig, gan gynnwys **Diploma Ôl-raddedig/**MA Gwaith Ieuenctid ac Addysg Gymdeithasol (Ardystiad ETS) yn y Drindod Dewi Sant sy’n cynnig cymhwyster proffesiynol mewn Gwaith Ieuenctid, er mwyn galluogi graddedigion i gael eu cyflogi’n Weithwyr Ieuenctid mewn ystod o leoliadau.

**Yn amodol ar ddilysu a chymeradwyo gan ETS

Gorfodol: 
Costau DBS.

Costau Angenrheidiol:
Costau teithio i ac o leoliadau (un lleoliad yn yr ail flwyddyn).

Dewisol:
Bydd myfyrwyr sy’n penderfynu manteisio ar y cyfle i astudio dramor am un semester ar Lefel 5 yn gorfod talu costau ychwanegol sy’n gysylltiedig â hyn.  Gall gweithgarwch preswyl posibl ar Lefel 6 gynnwys costau ychwanegol

• **Gwaith Ieuenctid ac Addysg Gymdeithasol (BA) (Ardystiad ETS)
• **Gwaith Ieuenctid ac Addysg Gymdeithasol (BA) gyda Blwyddyn Sylfaen (Ardystiad ETS)
• **Gwaith Ieuenctid ac Addysg Gymdeithasol (Dip ôl-raddedig) (Ardystiad ETS)
• **Gwaith Ieuenctid ac Addysg Gymdeithasol (MA)(Ardystiad ETS)

*yn amodol ar ddilysu
**Yn amodol ar ddilysu a chymeradwyo gan ETS Cymru

Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Ysgoloriaethau a Bwrsarïau.

Mae cyfle hefyd i fyfyrwyr astudio dramor yn rhan o’u hastudiaethau yn yr ail flwyddyn, yn y Ffindir neu Columbia Brydeinig.

Ewch i dudalen Hafan Llety am ragor o wybodaeth