Ydds Hafan  -  Astudio Gyda Ni  -  Cyrsiau Israddedig  -  Hanes (BA)

Hanes (BA)

Holl ddiben y rhaglenni gradd Hanes yw rhannu cariad at hanes a’i berthnasedd i gymdeithasau a diwylliannau’r oes fodern.

OPSIYNAU LLWYBR A SUT I YMGEISIO

Codau UCAS a Dewisiadau Cydanrhydedd

Hanes (BA)
Cod UCAS: V100
Ymgeisio drwy UCAS

Hanes Hynafol (BA)
Cod UCAS: V110
Ymgeisio drwy UCAS

Anthropoleg a Hanes (BA)
Cod UCAS: LVP1
Ymgeisio drwy UCAS

Archaeoleg a Hanes (BA)
Cod UCAS: VV14
Ymgeisio drwy UCAS

Hanes a Saesneg (BA)
Cod UCAS: QV31
Ymgeisio drwy UCAS

Hanes a Threftadaeth (BA)
Cod UCAS: HHG1
Ymgeisio drwy UCAS

Treftadaeth a Diwinyddiaeth (BA)
Cod UCAS: THH1
Ymgeisio drwy UCAS

Hanes gydag Economeg (BA)
Cod UCAS: HEC1
Ymgeisio drwy UCAS


Cadw Lle ar Ddiwrnod Agored Cadw Lle ar Ddiwrnod Blasu Cais am Wybodaeth Gwnewch Gais Nawr
Ffioedd Dysgu 2020/21:
£9,000 (Cartref/EU)
£11,850 (Dramor)

Pam dewis y cwrs hwn?

  1. Ystod eang o fodylau, sy’n ffocysu ar lawer o wahanol leoedd, themâu, pynciau a phobl, o Bede i Bowie, mynachlogydd i ffilmiau, a Chesar i Churchill.
  2. Cyfle i astudio rhan eang o hanes, yr holl ffordd nôl i henfyd trwy’r Canoloesoedd yr holl ffordd i’r presennol.
  3. Modylau wedi’u seilio ar arbenigedd ymchwil nodedig darlithwyr, fel hanes diwylliannol dinasoedd, coffâd rhyfel, Prydain y 1980au, ysgrifennu hanes a chof yn y Canol Oesoedd.
  4. Ymagwedd ymarferol ac addysgu ymgolli arloesol mewn grwpiau bach a thiwtorialau un i un.
  5. Cyfle i gyfuno eich astudiaethau gyda modylau o bynciau eraill y Dyniaethau.

Beth fyddwch chi'n ei ddysgu

Trosolwg o'r Cwrs

Mae'r rhaglen Hanes yn Y Drindod Dewi Sant yn rhoi cyfle i fyfyrwyr ymchwilio i lawer o wahanol agweddau gwleidyddol, cymdeithasol, economaidd, milwrol a diwylliannol ar hanes. Mae’n cyfuno astudio newid dros gyfnod mewn modylau arolwg eang sy’n cyflwyno agweddau allweddol ar y byd canoloesol a modern, gyda modylau â mwy o ffocws ar bynciau fel cymdeithas y Normaniaid a Chrwsadau, y Rhyfel Byd Cyntaf a Phrydain y 1980au.

Cyflwynir pob modwl mewn grwpiau bach a gydag ymagwedd ymarferol, ymdrochi. Caiff yr addysgu ei arwain gan ymchwil, ac wedi’i seilio yn niddordebau ac arbenigedd proffesiynol y darlithwyr. Bydd myfyrwyr yn dod ar draws gwahanol ymagweddau at a deunyddiau crai er mwyn deall y gorffennol, gyda ffocws arbennig ar ddefnyddio’r archif o lawysgrifau a ffynonellau cynradd printiedig sydd ar y safle. Mae hyn oll yn darparu rhaglen astudio gyflawn a chynhwysfawr sy’n rhoi sylfaen i fyfyrwyr yn y damcaniaethau, fethodoleg a’r arferion angenrheidiol sy’n gysylltiedig â disgyblaeth hanes.

Pynciau Modylau

Mae’r flwyddyn gyntaf yn cynnwys nifer o fodylau craidd. Cynlluniwyd y rhain i roi sylfaen ichi mewn themâu a phynciau allweddol hanes canoloesol (fel y Crwsadau, rôl yr eglwys a tharddiad prifysgolion) a hanes modern (er enghraifft, chwildroadau, rhyfeloedd byd ac imperialaeth). Bydd y rhain yn rhoi ichi’r wybodaeth a’r sgiliau sydd eu heisiau i ymgymryd ag astudiaethau mwy arbenigol mewn blynyddoedd dilynol.

Mae modylau’r ail a’r drydedd flwyddyn yn canolbwyntio ar bynciau fel seintiau’r canoloesoedd, y Normaniaid, ‘Canterbury Tales’ Chaucer, hanes dinasoedd, yr Oes Oleuedig, y Rhyfel Byd Cyntaf, etifeddiaeth y 1980au a diwylliant Atlantig Du. Yna, cewch gyfle i harneisio’r profiadau a geir drwy eich astudiaethau mewn prosiect annibynnol y eich ail flwyddyn a thraethawd hir y drydedd flwyddyn.

Gydol eich gradd, byddwch yn archwilio sut y cynrychiolir y gorffennol mewn unrhyw beth o lawysgrifau a dramâu, i ffilm a cherddoriaeth.

Asesiad

Asesir y rhaglen mewn amrywiaeth o ffyrdd a fydd yn cynnwys nifer o’r mathau a ganlyn o asesiad: traethodau rhwng 1,000 a 4,000 o eiriau, dadansoddi dogfen, adolygiadau llyfrau/cyfnodolion, adroddiadau byr a dyddlyfrau adfyfyriol, profion amser, arholiadau a welir ac nas gwelir ymlaen llaw, dyddlyfrau maes, posteri, cyflwyniadau grŵp ac unigol, traethodau hir 10,000 o eiriau, wicis, sylwebaethau a gwerthusiadau ffilm.

Rhaglenni a Digwyddiadau Llanbedr Pont Steffan

Dyniaethau | Gwahaniaeth Llanbedr Pont Steffan

Gwybodaeth allweddol

Meini Prawf Mynediad

Mae graddau’n bwysig; ond, nid yw ein cynigion wedi’u seilio’n llwyr ar ganlyniadau academaidd. Mae gennym ddiddordeb mewn pobl greadigol sy’n arddangos ymrwymiad cryf i’w dewis faes pwnc ac felly rydym yn croesawu ceisiadau gan unigolion o amrywiaeth eang o gefndiroedd.

I asesu addasrwydd myfyrwyr ar gyfer eu dewis gwrs, rydym fel arfer yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried yn ogystal â'ch cymwysterau.

Cyfleoedd Gyrfa

Byddwch yn datblygu’ch gallu i ddadansoddi, meddwl yn rhesymegol a dadlau’n seiliedig ar dystiolaeth o fewn amgylchedd sy’n eich annog ac yn eich cefnogi. Bydd y sgiliau hyn o ran cyfathrebu, deall, dadansoddi a rheoli’ch hun sy’n rhoi i chi basbort i mewn i waith a/neu astudiaethau pellach. Mae’r radd Hanes yn paratoi myfyrwyr at swyddi mewn meysydd fel gwaith amgueddfa ac archifau, newyddiaduraeth, y gyfraith, bancio, gwleidyddiaeth leol, pob math o waith gweinyddol, marchnata a hysbysebu, ac addysgu. Yn Llambed, mae gennym hanes cadarn o helpu myfyrwyr i symud ymlaen i astudiaethau ôl-radd – ar lefel MA a PhD.

  • Academia
  • Busnes
  • Swyddi gweinyddu a rheoli cyffredinol; gwasanaeth sifil.
  • Treftadaeth (llyfrgell, archifau, amgueddfeydd, twristiaeth)
  • Newyddiaduraeth
  • Y gyfraith ac eiriolaeth
  • Llywodraeth leol, cymuned, gwleidyddiaeth leol
  • Ymchwil ôl-raddedig
  • Addysgu
Costau Ychwanegol

Mae’r Gyfadran wedi gwneud amcangyfrif gan dybio y bydd myfyrwyr yn prynu copïau newydd o’r llyfrau. Gallai myfyrwyr hefyd ddewis gwario arian ar argraffu fersiynau drafft o’u gwaith.

Gallai myfyrwyr wario hyd at £300 y flwyddyn ar lyfrau a deunyddiau ychwanegol cysylltiedig.

Disgwylir i fyfyrwyr gyflwyno 2 gopi caled o’u prosiect terfynol, ac amcangyfrifir y bydd cost rhwymo’r rhain yn £20.

Taith Maes ddewisol:

Mae’r Gyfadran yn gweithio i sicrhau bod ystod o ddewisiadau ar gael o ran gwaith maes a theithiau maes yn lleol ac yn rhyngwladol. Felly gall myfyrwyr ddewis cymryd lleoliadau mwy neu lai drud. Mae’r Gyfadran yn noddi’r rhain ond mae’r gost bob blwyddyn yn ddibynnol ar gostau hedfan, lleoliad, a chyfraddau cyfnewid arian. Isod nodir pegwn uchaf y costau disgwyliedig ar sail ble mae myfyrwyr cyfredol wedi ymgymryd â lleoliadau.

  • Gwaith maes (yn ddibynnol ar ble mae’r myfyriwr yn penderfynu gwneud gwaith maes): oddeutu £500 i £1,500
  • Teithiau unigol: oddeutu £5 i £50
Cyrsiau Cysylltiedig

Hanes Hynafol (BA)
Cod UCAS: V110

Archaeoleg (BA)
Cod UCAS: V400

Gwrthdaro a Rhyfel (BA)
Cod UCAS: 9C3R

Treftadaeth (BA)
Cod UCAS: HHG1

Hanes Canoloesol (BA)
Cod UCAS: V130

Hanes Modern (BA)
Cod UCAS: HU02

Ysgoloriaethau ac Bwrsariaethau
Llety

Ewch i’n hadran Llety Llambed i ddysgu rhagor.