Lansio Canolfan BRIDGES UNESCO: Y Dd(d)aear

| Ffoto gan Sina Katirachi ar Unsplash

Croeso i dudalen lansio Canolfan BRIDGES UNESCO yn y Drindod Dewi Sant

Bydd y lansiad yn cyflwyno nodau, gwerthoedd a chyfleoedd y Ganolfan drwy arddangos prosiectau sy’n defnyddio cryfderau’r Dyniaethau i greu arloesedd wrth feddwl a gweithredu.

Ni fydd y lansiad yn ddigwyddiad goddefol. Bydd yn weithredol, yn anffurfiol ac yn gofyn i chi ymgysylltu. Os ydym am symud at ffyrdd newydd o ddeall, mae angen i ni weithredu’n feiddgar. Mae’r lansiad hwn yn ymateb i’r alwad honno.

Ble a Phryd

• 2 Tachwedd 2022
• Yr Ystafell Ddarllen, Adeilad Alex, Abertawe

Manylion y Prosiect

Mae’r prosiectau a gyflwynir yn y lansiad yn arddangos ymagweddau a dulliau gwahanol o adnabod y Ddaear (a daear).

Dyfeisiwyd, ac arweinir, y prosiect cyntaf gan grŵp o bobl frodorol o Colombia a benderfynodd addysgu gwyddonwyr amgylcheddol confensiynol am eu dulliau o adfywio’r tir, dulliau nas cofnodwyd o'r blaen.

Mae’r ail yn gynllun cydweithredol rhyngddisgyblaethol gydag artist o Gymru sy’n gofyn cwestiynau ynglŷn â’r ddaear ac sy’n defnyddio’r celfyddydau i weithio gyda’r pridd ac archwilio cysylltiadau gyda’r bywydau dan draed a gymerir yn ganiataol.

Mae’r trydydd prosiect yn arddangos pŵer dychmygus a chreadigol chwarae gemau i geisio atebion i faterion amgylcheddol. Mae gemau’n annog positifrwydd ac yn caniatáu i chwaraewyr gydweithio i ddefnyddio tensiynau a rhwystredigaethau i ddatrys problemau cymhleth.