Ydds Hafan  -  Astudio Gyda Ni  -  Cyrsiau Clirio 2019  -  Canllaw Cam wrth Gam i Clirio

Cyn Diwrnod Canlyniadau

Cam 1 – Byddwch yn Barod

  • Gwnewch yn siwr bod eich manylion logio mewn i UCAS Track i law.
  • Gwnewch yn siwr bod y manylion cyswllt rydych wedi’u rhoi’n gywir.
  • Gwnewch yn siwr eich bod ar gael ar ddiwrnod canlyniadau, a bod gennych fynediad at ffôn.

Diwrnod Canlyniadau

Cam 2 – Edrychwch ar eich Statws ar UCAS Track

  • Ewch i UCAS Track a logiwch i mewn i edrych ar eich statws. Os ydych yn gymwys i ddefnyddio Clirio bydd ‘Add Clearing Choice’ yn ymddangos ar eich tudalen broffil, ynghyd â’ch rhif clirio.
  • Gwnewch gofnod o’ch rhif clirio – bydd angen hwn arnoch pan fyddwch yn ein ffonio.
  • Os nad ydych yn siwr beth y mae eich statws UCAS Track yn ei olygu, edrychwch ar ganllaw UCAS YMA
    LOGIWCH I MEWN I TRACK

Cam 3 – Dod o hyd i Gyrsiau Clirio

Os ydych yn gymwys i fynd trwy Clirio, bydd arnoch angen ffeindio cwrs yr hoffech wneud cais amdano. Edrychwch yma ar y rhestr o gyrsiau sydd ar gael gennym trwy Clirio yma.

Chwiliwch isod neu porwch y meysydd pwnc


Cam 4 – Ffoniwch Ni

  • Ffoniwch y llinell gymorth clirio ar 0300 323 1828 i siarad gyda’n tîm yn y Gofrestrfa. Mae’r llinellau ar agor o 8am i 8pm ar ddydd Iau 15 Awst a dydd Gwener 16 Awst ac yn y rhan fwyaf o achosion byddwn yn gallu gwneud penderfyniad yn y fan a’r lle ynghylch a allwn gynnig lle i chi neu beidio. Hefyd, cewch gyfle i siarad gyda thiwtor derbyn am eich dewis gwrs i ddysgu rhagor am astudio yn Y Drindod Dewi Sant.
  • Os byddwn yn cynnig lle i chi dros y ffôn, fe anfonwn neges e-bost atoch i gadarnhau’r manylion, a bydd rhaid i chi wneud penderfyniad erbyn dyddiad penodol a fydd hefyd yn y neges e-bost.
  • Os hoffech ymweld â'r Brifysgol cyn i chi wneud penderfyniad bydd Diwrnodau Agored gennym ar bob un o'r tri champws ar ddydd Sadwrn 17eg Awst.

Cadw lle ar Sesiwn Galw Heibio


Cam 5 – Cadarnhau eich bod yn derbyn y cynnig

  • I dderbyn ein cynnig, bydd rhaid i chi fewngofnodi i UCAS Track a rhoi’r manylion i mewn fel dewis clirio (‘clearing choice’) ar eich proffil erbyn y dyddiad rydym wedi’i roi i chi.
  • Unwaith y byddwn wedi prosesu’ch cais ac wedi cadarnhau eich bod yn bodloni unrhyw amodau, byddwn yn cadarnhau eich lle ac fe fydd yn ymddangos yn eich proffil ‘Track’ gyda’r gair ‘Unconditional’.