Ffilm a Theledu (Llawn amser) (BA Anrh)
Wedi’i lunio i roi i chi’r medrau creadigol a’r sgiliau proffesiynol gofynnol sy’n berthnasol i weithio yn y diwydiant ffilm, nod y cwrs hwn yw rhoi dealltwriaeth i chi o’r gwahanol rolau sy’n rhan o’r broses gynhyrchu. Mae’r cwrs yn darparu llu o gyfleoedd i greu gwaith cynhyrchu ymarferol gan ddarparu’r wybodaeth ddamcaniaethol a’r ddealltwriaeth i ffynnu’n greadigol.
Bwriad yr ystod o fodylau ffilm ymarferol a luniwyd yn ofalus yw rhoi dealltwriaeth i chi o ffurf ffilm a’r diwydiant ffilm presennol ynghyd â’r offer creadigol a sgiliau proffesiynol sydd eu hangen wireddu eich gweledigaethau personol.
Mae’r radd hon yn darparu fframwaith y gallwch adeiladu arno sgiliau academaidd, artistig, technegol a phroffesiynol sy’n berthnasol i weithio yn y sector ffilm neu addysg. Bydd yn rhoi i chi gyfres ddwys o fodylau seiliedig ar arfer sy’n eich galluogi i ddatblygu sgiliau ar lefel uwch ym maes cyfarwyddo, golygu, ysgrifennu a sinematograffi. Hefyd, ceir modylau damcaniaethol i’ch helpu i gyfnerthu’r hyn rydych wedi’i ddysgu drwy eich allbwn creadigol. Mae’r cwrs yn cydweithio gydag amrywiaeth o bartneriaid proffesiynol ac yn cynnig cyfleoedd i fyfyrwyr weithio gyda chleientiaid byw ac ar friffiau o safon diwydiant yn rhan o’u dysgu. Rydym yn cynnig amrywiaeth o gyfleoedd ar-leoliad er mwyn i fyfyrwyr ffynnu mewn profiad gradd sy’n mynd tu hwnt i deyrnas y dosbarth.
“Ni fydd ffilm yfory’n cael ei gyfarwyddo gan weision sifil y camera, ond gan artistiaid y mae saethu ffilm iddyn nhw’n gyfwerth ag antur wych, llawn cyffro.” Francois Truffaut.
Manylion y cwrs
- Cyfunol (ar y campws)
- Saesneg
- Dwyieithog
Ffioedd Dysgu 2023/24 a 24/25
Cartref: (Llawn-amser): £9,000 y flwyddyn
Tramor (Llawn-amser): £13,500 y flwyddyn
Pam dewis y cwrs hwn
Beth fyddwch chi'n ei ddysgu
Nid yw’n tebygolrwydd y dewch chi’n adroddwr straeon a gwneuthurwr ffilmiau gwych trwy eistedd mewn ystafell ddosbarth yn gwrando ar ddarlithwyr yn siarad yn dda. Yn hytrach, ein barn ni yw po cyflymaf y gallwn ni eich helpu i fynd allan i’r byd go iawn, y cyflymaf y gwnewch chi ddechrau gweld sut y caiff straeon eu siapio gan leoliadau ac yna cyflymaf y dewch chi’n wneuthurwr ffilmiau aeddfed. Trwy addysgu mewn gwahanol leoliadau, rydym yn cynnig profiad dysgu arbennig, gyda chyfuniad cyffrous ac arloesol o sesiynau a addysgir a sesiynau ymarferol a gynhelir mewn amrywiaeth o leoliadau gan gynnwys caffis, eglwysi a siopau, gan ddod â chi’n nes ‘r llefydd y caiff straeon eu hadrodd. Caiff ein modylau seiliedig ar arfer eu haddysgu mewn blociau o ddwy neu bedair wythnos un ar ôl y llall, gan efelychu’r broses gynhyrchu.
Hefyd, nid ydym yn addysgu meddalwedd na chamerâu yn y ffordd draddodiadol ychwaith. Yn hytrach, bydd gweithdai’n eich paratoi ar gyfer y diwydiant creadigol drwy eich addysgu o fewn rolau ac ar leoliad. Byddwch yn dysgu sut beth yw bod yn gynhyrchydd, yn gyfarwyddwr ffotograffiaeth neu’n gynorthwyydd camera cyntaf neu’n gyfarwyddwr darnau darama byr. Caiff hyn oll ei gefnogi gan staff addysgu ac arddangoswyr technegol.
I ddysgu sut i gyfathrebu straeon yn dda, mae angen i chi ddeall a phrofi bywyd. Mae angen i chi brofi’r byd gyda’i holl harddwch, hynodrwydd, a chymhlethdodau yn uniongyrchol. Golyga hyn gymysgedd o athroniaeth, seicoleg, dulliau cyfathrebu, ac efallai hyd yn oed ychydig o fecaneg gwantwm. I helpu gyda hynny, rydym yn cynnig cyfuniad dwys o addysgu traws-ddisgyblaethol a sesiynau arfer dwys. Cewch eich herio i gymryd yr hyn a ddysgwch o’r ystafell ddosbarth allan i’r byd go iawn – dyma ble mae’r addysgu’n dechrau mewn gwirionedd.
Hefyd, ni yw un o’r ychydig Ysgolion Ffilm yn y DU sy’n cynnig y cyfle i’n myfyrwyr gynnal gŵyl ffilm. Mae Gŵyl Ffilm Ryngwladol yr Arfordir Copr yn ŵyl a redir gan fyfyrwyr ac mae’n denu diddordeb o bob cwr o’r byd, gan roi mewnolwg i’r farchnad ffilm ehangach a dealltwriaeth o’r hyn mae’n ei gymryd i wneud ffilmiau sy’n ennill gwobrau. Bellach, rydym yn ein pumed blwyddyn ac mae’n dl i fynd yn gryf. Bydd 2022 yn ŵyl mwy arbennig fyth, y gorau o’r goreuon: edrych yn ô ar y pum mlynedd gyntaf.
Felly yma yng Ngholeg Celf Abertawe Y Drindod Dewi Sant, byddwn yn cynnig i chi amgylchedd dysgu sy’n ffocysu ar fyfyrwyr nad yw ar gael yn unman arall. Byddwch yn dysgu am adrodd straeon yn ei holl ffurfiau dros goffi mewn caffi, neu ddarllen sgript mewn mynwent, eglwys, rhos, traeth… Mae addysgu ar leoliad a dysgu ar leoliad yn arbennig. Mae ein hathroniaeth yn syml – os na wnewch chi fyth adael yr ystafell ddosbarth, fe fyddwch yn ddisgybl am byth ac er nad ydym wedi cwrdd, rydym yn gwybod nad ydych chi’n mynd i’r brifysgol i raddio’n fyfyriwr gwneud ffilmiau, ond yn wneuthurwr ffilmiau sy’n meddwl yn broffesiynol, ac yn barod i goncro’r byd.
(10 credydau)
(20 credydau)
(20 credydau)
(10 credydau)
(20 credydau)
(20 credydau)
(10 credydau)
(10 credydau)
(20 credydau)
(10 credydau)
(20 credydau)
(10 credydau)
(20 credydau)
(20 credydau)
(10 credydau)
(10 credydau)
(20 credydau)
(40 credydau)
(20 credydau)
(40 credydau)
Course Page Disclaimer
-
Rydym yn gwrando ar adborth gan fyfyrwyr a mewnwelediadau gan ddiwydiant a gweithwyr proffesiynol i sicrhau bod cynnwys ein cyrsiau o safon uchel ac yn ddiweddar, a’i fod yn cynnig y paratoad gorau posib ar gyfer eich gyrfa yn y dyfodol neu’ch nodau astudio.
Oherwydd hyn, efallai y bydd newidiadau i gynnwys eich cwrs dros amser er mwyn cadw’n gyfoes yn y maes pwnc neu’r sector. Os na fydd modwl yn cael ei gynnig bellach, gwnawn yn siŵr y byddwn yn eich hysbysu, ac yn gweithio gyda chi i ddewis modwl addas arall.
tysteb
Staff
Staff
Cewch eich addysgu a’ch cefnogi gan amrywiaeth eang o staff a thimau proffesiynol sydd yma er mwyn eich helpu i gael y profiad prifysgol gorau posibl. Daeth ein staff addysgu’n 2il yng Nghymru am asesiadau ac adborth (NSS 2023) sy’n golygu y bydd y sylwadau a gewch chi ar eich gwaith yn eich helpu i ddysgu. O ganlyniad i’n hymrwymiad i’ch dysgu mae ein myfyrwyr wedi ein gosod yn y 10 gorau yn y DU am Ddarlithwyr ac Ansawdd Addysgu. Dysgwch ragor am ein staff academaidd sy’n addysgu ar draws ein cyrsiau.
Llety
Llety Abertawe
Mae gan Abertawe boblogaeth enfawr o fyfyrwyr, a bydd yr amrywiaeth o lety sydd ar gael yn eich gadael yn teimlo’n ddifeth o ddewis. Darperir llety yn Abertawe gan wahanol ddarparwyr llety myfyrwyr pwrpasol a gall y tîm llety eich arwain trwy eich opsiynau a bydd yn cynnig cefnogaeth barhaus trwy gydol eich amser fel myfyriwr PCYDDS.
Gwybodaeth allweddol
-
Rydym yn croesawu ceisiadau gan unigolion o ystod eang o gefndiroedd o Saesneg, ffotograffiaeth, dylunio i seicoleg i wyddoniaeth i’r cyfryngau.
I asesu addasrwydd myfyrwyr ar gyfer eu dewis gwrs, rydym yn trefnu cyfweliadau ar gyfer pob ymgeisydd lle caiff eich sgiliau, cyraeddiadau a phrofiad bywyd eu hystyried.
Er bod cymwysterau’n bwysig, nid yw ein cynigion yn seiliedig ar ganlyniadau academaidd yn unig. Os nad oes gennych y pwyntiau UCAS gofynnol, cysylltwch â thiwtor derbyn y cwrs neu e-bostiwch artanddesign@pcydds.ac.uk oherwydd gallwn ystyried cynigion i ymgeiswyr ar sail teilyngdod unigol, gwaith eithriadol, a/neu brofiad ymarferol.
Ein cynnig safonol ar gyfer cwrs gradd yw 120 o bwyntiau tariff UCAS. Disgwyliwn i ymgeiswyr gael gradd C neu uwch mewn Saesneg Iaith (neu Gymraeg) ar lefel TGAU, ac iddynt fod wedi llwyddo mewn pedwar pwnc arall. Hefyd rydym yn derbyn ystod o gymwysterau Lefel 3 gan gynnwys:
- Diploma Sylfaen mewn Celf a Dylunio, yn ogystal ag un TAG Safon Uwch mewn pwnc academaidd perthnasol
- Tair TAG Safon Uwch neu gyfwerth
- Diploma Estynedig L3 UAL mewn Celf a Dylunio
- Diploma Cyffredinol Cymhwysol a Diploma Estynedig L3 UAL mewn Celf a Dylunio
- Diploma a Diploma Estynedig L3 UAL mewn Ymarfer Creadigol: Celf, Dylunio a Chyfathrebu
- Diploma Estynedig L3 UAL mewn Cynhyrchu a Thechnoleg Cyfryngau Creadigol
- Diploma Estynedig BTEC mewn pwnc perthnasol
- Sgôr Bagloriaeth Ryngwladol o 32
- Gellir ystyried cymwysterau perthnasol eraill fesul achos unigol
Gwybodaeth am gyfweliadau
Y peth pwysicaf y byddwn yn disgwyl ei weld yn ystod eich cyfweliad yw angerdd a brwdfrydedd cryf dros adrodd straeon mewn Ffilm a theledu. Nid oes angen portffolio. Os oes gennych chi un, gwych, ond y cyfweliad yw’r prif brawf o’ch addasrwydd ar gyfer y cwrs a’i gofynion. Byddwn yn rhoi ffilm fach i chi ei gwylio ymlaen llaw a byddwn yn seilio strwythur ein cyfweliad ar honno: Lluniwyd strwythur y cyfweliad i roi amser i chi ofyn cwestiynau am y cwrs i sicrhau y bydd y cwrs yn eich gweddu chi ac y byddwch chi’n ein gweddu ni.
-
Mae’r holl asesu wedi’i seilio ar waith cwrs ymarferol 100%.
Disgwylir i fyfyrwyr ddangos eu dealltwriaeth ar ffurf gwaith prosiect ymarferol. Mae’r holl waith ymarferol wedi’i seilio ar brosiect a phortffolio.
-
Gall ein myfyrwyr gyrchu ystod amrywiol o offer ac adnoddau, sydd yn y rhan fwyaf o achosion yn ddigonol i gwblhau eu rhaglen astudio. Rydym yn darparu’r meddalwedd sylfaenol a chamerâu sydd eu hangen ar fyfyrwyr i ddatblygu eu gwaith ymarferol o fewn sesiynau gweithdy helaeth ac ar leoliad.
Bydd angen i chi brynu gyriant caled 1TB a dillad addas ar gyfer dysgu tu allan.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Ewch i dudalen Teithio’r Byd gyda’r Drindod Dewi Sant i ddysgu rhagor am gyfleoedd i astudio dramor.
-
Mae ein cyn-fyfyrwyr wedi dod o hyd i rolau cynhyrchu ar draws y diwydiant ffilm a theledu, ac mae graddedigion diweddar yn gweithio ar brosiectau fel Mission Impossible (4, 5 a 6), The Grand Tour, His Dark Materials, Paddington 2, Brissic, Guardians of the Galaxy, Outlaw King, Bancroft, Doctor Who a llawer iawn mwy.
Mae graddedigion eraill wedi cael swyddi gyda mawrion sefydledig y diwydiant, gan gynnwys BBC, Sky, Amazon, MPC a Milk VFX. Hefyd, mae llawer o gyn-fyfyrwyr wedi dod o hyd i lwyddiant fel gweithwyr llawrydd neu wedi creu eu cwmnïau cynhyrchu eu hunain.