Cyflymydd Digidol SMART

welsh government amrc logo

Cymorth a chyngor arbenigol i wneuthurwyr Cymru fabwysiadu technolegau digidol

BETH

Mae Cyflymydd Digidol SMART yn dîm o gynghorwyr arbenigol o'r diwydiant sy'n gweithio gyda gweithgynhyrchwyr yng Nghymru i'w helpu i nodi'r dechnoleg gywir i hybu eu helw.

Ariennir y prosiect gan Lywodraeth Cymru, a chaiff ei ddarparu gan Brifysgol Cymru y Drindod Dewi Sant (PCYDDS) a'i gefnogi gan y Ganolfan Ymchwil Gweithgynhyrchu Uwch Cymru (AMRC Cymru). Nid oes yna unrhyw gostau ariannol i'r busnesau sy'n cymryd rhan.

PAM

Mae gweithgynhyrchu yn hanfodol i lesiant Cymru yn y dyfodol. Mae angen i ni sicrhau bod ein diwydiant gweithgynhyrchu yn llewyrchus, yn effeithlon, yn gydnerth ac yn ffyniannus.

Gan fod yna gynifer o dechnolegau newydd ar gael, gall fod yn anodd nodi pa rai a fydd yn iawn i'ch busnes, i'ch helpu i ddatrys y problemau yr ydych yn eu hwynebu 'nawr ac y byddwch yn eu hwynebu yn y dyfodol. Ond gyda chymorth Cyflymydd Digidol SMART, gallwch fanteisio ar gyfleoedd newydd, tyfu fel sefydliad, a gwella eich cystadleurwydd.

Mae'r cyfle gwerthfawr hwn i weithgynhyrchwyr yn darparu mynediad at dîm amrywiol o arbenigwyr talentog a phrofiadol sy'n dod o'r byd academaidd ac o fyd diwydiant.

two-smiling-engineering-students

student-with-ipad-onsite

SUT

Mae ein rhaglen yn dilyn tri phrif gam:

Deall eich sefyllfa bresennol a'ch cynlluniau ar gyfer y dyfodol
Darganfod yr hyn sy'n eich atal rhag cyflawni'r cynlluniau hyn
Argymell technoleg sy'n briodol i'ch busnes

Bydd ein tîm yn ymweld â'ch cwmni yn unol ag amserlen sy'n gyfleus i'r ddwy ochr, gan weithio gyda chi i ddatblygu dealltwriaeth glir o'ch amgylchiadau presennol a'r heriau gweithredol sy'n eich wynebu. Byddwn wedyn yn nodi lle y gellid defnyddio technolegau digidol i helpu i fynd i'r afael â'ch heriau.