Tôn llais yw nid beth rydym yn ei ddweud ond sut rydym yn ei ddweud. Tôn llais yw’r iaith a ddefnyddiwn, y ffordd rydym yn adeiladu brawddegau, sain ein geiriau a’r bersonoliaeth a gyflëwn.
Cynllunio a Strwythuro Effeithiol
Wrth gynllunio a strwythuro Gwefan, gall hierarchaeth y cynnwys ar y dudalen ac ar y wefan gyfan helpu i lywio’r tôn a’r cyflwyniad:
- Dylai’r dudalen hafan a thudalennau glanio lefel uwch gynnwys testun byr, penawdau, a nifer uwch o graffigau a delweddau.
- Meddyliwch am y tudalennau lefel uwch fel y defnyddiwr yn cerdded i mewn i dderbynfa un o’n campysau ac yn dechrau teimlo naws y lle. Efallai mai hyn fydd ei argraff gyntaf o’r Drindod Dewi Sant.
- Gall tudalennau lefel is fod â mwy o fanylion ac yn aml mae angen hynny.
Awgrymiadau Defnyddiol
Dyma nifer o bethau defnyddiol i’w nodi ynghylch tôn llais:
- Defnyddiwch y person cyntaf i siarad â’ch cynulleidfa. Er enghraifft:
Yn lle:
Mae Cyfadran y Dyniaethau a’r Celfyddydau Perfformio yn rhedeg cyfres o ddiwrnodau agored ym mis Hydref i ddarpar fyfyrwyr israddedig.
Defnyddiwch:
Rydym yn eich gwahodd i ymweld â ni ar un o’n diwrnodau agored ym mis Hydref - Arhoswch a meddwl cyn i chi ddechrau ysgrifennu. Gwnewch nodyn o’r pwyntiau yr hoffech eu gwneud mewn trefn resymegol.
- Defnyddiwch eiriau byr. Ni fydd geiriau hir yn fuddiol i’ch cynulleidfa nac yn helpu eich arddull ysgrifennu.
- Defnyddiwch iaith bob dydd. Peidiwch â defnyddio jargon, talfyriadau ac acronymau sy’n anghyfarwydd i’ch darllenwyr.
- Defnyddiwch frawddegau byr. Cadwch eich brawddegau i 15 i 20 gair ar gyfartaledd. Ceisiwch gadw at un syniad fesul brawddeg.
- Byddwch yn gryno
