Ydds Hafan - Gwasanaethau proffesiynol - Gwasanaethau Myfyrwyr - Gwasanaeth Gyrfaoedd - Arolwg Hynt Graddedigion
Arolwg cenedlaethol yw’r arolwg Hynt Graddedigion sy’n cipio gwybodaeth am weithgareddau a safbwyntiau graddedigion 15 mis ar ôl iddynt orffen eu hastudiaethau.
Bydd yr holl raddedigion a gwblhaodd gwrs perthnasol o 1af Awst 2017 yn cael eu gwahodd i gymryd rhan yn yr arolwg, er mwyn helpu myfyrwyr presennol a rhai’r dyfodol i gael syniad o gyrchfannau a datblygiad gyrfaol. Bydd eich ymatebion hefyd yn helpu PCYDDS i werthuso a hyrwyddo ein cyrsiau.
Hefyd, mae’r arolwg o arwyddocâd cenedlaethol gan ei fod yn caniatáu i wneuthurwyr polisi, elusennau, newyddiadurwyr, ymchwilwyr ac eraill ddeall y sector addysg uwch a chyflwr y farchnad lafur graddedigion.
Felly mae’n bwysig bod gennym eich manylion cyswllt diweddaraf er mwyn i ni allu cysylltu â chi ar ôl ichi raddio; gallwch ddiweddaru eich manylion cyswllt yma.
Pryd a gaf fi fy arolygu?
Cewch eich arolygu tua 15 mis ar ôl ichi gwblhau eich astudiaethau.
Sut a gaf fi fy arolygu?
Cewch e-bost yn eich gwahodd i gwblhau’r arolwg ar-lein. Hefyd, efallai y byddwn yn cysylltu â chi dros y ffôn ac yn gofyn ichi gwblhau’r arolwg dros y ffôn. Os na fyddwn yn gallu cysylltu â chi, efallai y gofynnwn am yr wybodaeth gan drydydd parti, fel aelod o’r teulu.
Sut y caiff fy ymatebion eu defnyddio?
Bydd eich ymatebion yn cael eu defnyddio gan PCYDDS a gan sefydliadau eraill at ddibenion ymchwil. Cyn ichi ddechrau’r arolwg, bydd HESA (Higher Education Statistics Agency) yn darparu gwybodaeth fanwl ar sut y bydd eich data’n cael ei brosesu, pwy a fydd yn ei gael, ac i beth y byddant yn ei ddefnyddio.
Sut ydw i’n gwneud yn siŵr fy mod yn cael gwahoddiad i gymryd rhan yn yr arolwg?
Bydd PCYDDS yn trosglwyddo eich gwybodaeth i HESA. Y cwbl sydd angen ichi ei wneud yw sicrhau bod gennym wybodaeth gyswllt gywir ar eich cyfer – yn arbennig e-bost dilys.
Beth ddylwn i ei wneud os nad ydw i’n credu bod gan PCYDDS fy ngwybodaeth gyswllt gywir?
Gallwch diweddaru eich manylion cyswllt ar https://www.uwtsd.ac.uk/cy/cadwcyswllt/ unrhyw bryd hyd at wythnos cyn i’r arolwg gau er mwyn rhoi gwybodaeth gyswllt gyfredol i ni. Byddwn yn dychwelyd y wybodaeth i HESA er mwyn iddynt ddarparu hwn i’r contractwr sy’n darparu’r arolwg.
Mae’r wybodaeth yn Arolwg Hynt Graddedigion HESA i'w gweld yma
