Skip page header and navigation

Hygyrchedd ac Adnoddau Llyfrgell

Hygyrchedd Llyfrgell

Mae’r Llyfrgell ac Adnoddau Dysgu wedi ymrwymo i ddarparu adnoddau ar-lein sy’n hygyrch i’n holl ddefnyddwyr.

Ein nod yw darparu adnoddau sy’n bodloni neu’n rhagori ar lefel AA Canllawiau W3C ar Hygyrchedd Cynnwys y We (WCAG) 2.1 ac sydd bellach yn cynnwys asesiad o hygyrchedd fel arfer safonol wrth brynu adnoddau newydd.

Mae ein casgliadau digidol yn cael eu lletya gan gyhoeddwyr trydydd parti ar eu platfformau eu hun ar y we sy’n cael eu datblygu’n annibynnol.   Mae llawer o gyhoeddwyr yn blaenoriaethu hygyrchedd digidol ac mae ganddynt eu datganiadau hygyrchedd eu hun.

Gellir dod o hyd i wybodaeth bellach isod.

Hygyrchedd Llyfrgell

  • Os byddwch yn cael unrhyw broblemau’n gysylltiedig â hygyrchedd adnoddau neu wasanaethau ein llyfrgell ar-lein, neu os oes gennych unrhyw ymholiadau cyffredinol cysylltwch â ni yn library@uwtsd.ac.uk.

  • Mae gan eich llyfrgell ar-lein dros 9,000 o e-lyfrau sy’n cwmpasu ystod eang o feysydd pwnc. Os ydych yn chwilio am e-lyfr penodol gallwch ddod o hyd i awduron a theitlau gan ddefnyddio catalog y llyfrgell. Gallwch hefyd ddewis un o’r casgliadau e-lyfr ar y dudalen hon i bori’r cynnwys sydd ar gael.

    Pa ddyfeisiau y galla i eu defnyddio i weld e-lyfrau?

    Gellir darllen y rhan fwyaf o e-lyfrau ar-lein trwy ddefnyddio gliniadur, cyfrifiadur bwrdd gwaith, llechen neu ffôn clyfar.

    Mae’n bosibl lawrlwytho’r rhan fwyaf o’n he-lyfrau i’w darllen all-lein naill ai ar ffurf EPUB neu fformat PDF. I lawrlwytho e-lyfrau i’ch dyfais bydd angen i chi greu ID Adobe a lawrlwytho meddalwedd ychwanegol megis Bluefire Reader ar gyfer llechi a dyfeisiau symudol neu  Adobe Digital Editions ar gyfer dyfeisiau eraill.  Argymhellir eich bod yn lawrlwytho’r fersiwn ddiweddaraf ar gyfer eich system weithredu.

    Alla i argraffu neu gopïo o e-lyfr?

    Diogelir e-lyfrau llyfrgell dan gyfraith hawlfraint yn yr un modd â llyfrau print. Ar gyfer y rhan fwyaf o e-lyfrau rheolir hyn yn awtomatig gan feddalwedd rheoli hawliau digidol (DRM).

    Mae faint y gellir ei gopïo neu ei argraffu yn amrywio o’r naill gyhoeddwr i’r llall, ond fel arfer caiff ei arddangos pan fyddwch yn defnyddio pob llyfr. Sylwer: os  byddwch yn lawrlwytho e-lyfr bydd y swyddogaethau argraffu a chopïo wedi eu hanalluogi.

    Cwmpas: Yn rhannol, caiff teitlau eu prynu’n unigol ond maent yn cwmpasu amrywiaeth o bynciau.

    Mynediad: Darllen ar-lein a chyfleuster lanlwytho ar gael. Mae cyfleuster copïo, argraffu a chadw ar gael ar y fformat darllen-yn-unig ond mae’r cyfyngiadau’n berthnasol.  Mae lawrlwythiadau ar gael am hyd at 21 diwrnod.

    Mynediad defnyddwyr ar y pryd: Oes, ar gyfer y rhan fwyaf o deitlau.  Mae gan rai teitlau gyfyngiadau defnyddwyr ar yr un pryd.

    Y fformatau sydd ar gael:

    • Darllen ar-lein (cyfrifiaduron bwrdd gwaith, llechi a gliniaduron ond NID ffonau)
    • PDF ar gyfer lawrlwytho penodau
    • EPUB ar gyfer y llyfrau cyfan (lawrlwytho ar gael ar gyfer ffonau)

    Lawrlwytho: Ydy, mae’n bosibl lawrlwytho llyfrau cyfan am gyfnod o hyd at 21 diwrnod. Gellir cadw adrannau llyfr ar ffurf PDF a’u harbed am gyfnod amhenodol. Mae angen Adobe Digital Editions neu BlueFire Reader ar gyfer lawrlwytho llyfrau EPUB. I gael rhagor o wybodaeth gweler Canllaw ProQuest ebook central.

    Dewisiadau mynediad: mae modd mynediad y gall defnyddwyr ei newid eu hunain.  I gael rhagor o wybodaeth gweler  ProQuest Ebook Central: Mynediad

    Ystod: Casgliad cyffredinol o e-lyfrau sy’n cynnwys ystod eang o bynciau.

    Mynediad: gellir darllen ar-lein a lawrlwytho ar gael. Ar y fformat darllen-yn-unig mae’r cyfleuster copïo, argraffu ac arbed yn gyfyngiadau.  Mae lawrlwythiadau ar gael am hyd at 7 diwrnod.

    Mynediad defnyddiwr ar y pryd: Mae gan y rhan fwyaf o lyfrau ar y llwyfan hon drwyddedau defnyddwyr cyfyngedig.

    Y fformatau sydd ar gael: PDF ac EPUB yn dibynnu ar y cyhoeddwr.

    Lawrlwytho: Gellir lawrlwytho’r rhan fwyaf o deitlau. Gellir cadw adrannau llyfr ar ffurf PDF a’u harbed am gyfnod amhenodol.   Lawrlwythwch ar gyfrifiadur bwrdd gwaith a gliniaduron gan ddefnyddio Adobe Digital Editions.  Ar gyfer dyfeisiau symudol Defnyddiwch y Bluefire Reader neu’r ap e-lyfrau EBSCO. Bydd angen i chi greu cyfrif i lawrlwytho llyfrau i’w darllen heb gysylltu.  Edrychwch ar dudalennau cymorth EBSCOHost i gael rhagor o wybodaeth.

    Mynediad: Mae gan EBSCO nodweddion mynediad amrywiol.  I gael rhagor o wybodaeth, gweler  Mynediad at e-lyfrau EBSCO; Canllaw Defnyddwyr a Chwestiynau Cyffredin.

    Ystod: mynediad llawn i’r casgliadau canlynol - Busnes a Rheoli, Astudiaethau Clasurol, Hanes, Llenyddiaeth, Athroniaeth, Seicoleg a Chrefydd.

    Mynediad: Darllen ar-lein a lawrlwytho penodau unigol sydd ar gael.  Mae cyfyngiadau hawlfraint yn berthnasol.

    Mynediad i ddefnyddwyr ar y pryd: Dim cyfyngiad

    Fformatau ar gael: HTML a PDF

    Lawrlwytho: Gellir lawrlwytho penodau unigol ar ffurf PDF a’u cadw am gyfnod amhenodol.

    Stod: Yn rhannol, caiff teitlau eu prynu’n unigol.

    Mynediad: Gellir darllen ar-lein a lanlwytho. Argraffu a chopïo’n gyfyngedig ar fformat darllen-yn-unig.  Gellir lawrlwytho eitemau ar fformat darllen yn unig am hyd at 3 diwrnod.

    Mynediad Defnyddwyr ar y Pryd: Oes, ar gyfer y rhan fwyaf o deitlau. Mae gan rai gyfyngiad nifer defnyddwyr ar yr un pryd.

    Y fformatau sydd ar gael: Darllen ar-lein, neu lawrlwytho ar ffurf PDF neu EPUB.

  • Primo gan Ex Libris sy’n gyrru Catalog y Llyfrgell.  Mae Primo yn cydymffurfio’n rhannol â lefel AA Canllawiau’r WAI ar Hygyrchedd Cynnwys y We 2.1.   Ceir gwybodaeth fanwl bellach yn Adroddiad Cydymffurfiaeth Hygyrchedd Primo.

  • Mae ein Rhestrau Adnoddau Ar-lein yn cael eu gyrru gan Leganto gan Ex Libris.  Mae Leganto yn cydymffurfio’n rhannol â lefel AA Canllawiau’r WAI ar Hygyrchedd Cynnwys y We 2.1.  Ceir gwybodaeth fanwl bellach yn Adroddiad Hygyrchedd Cynnyrch Leganto.

    Rydym wedi ymrwymo i’w gwneud mor hawdd â phosibl i fyfyrwyr gael gafael ar ddeunyddiau darllen cyrsiau/modylau. Ar hyn o bryd rydym yn gweithio ar fath newydd o Restrau Adnoddau ar-lein rhyngweithiol a fydd yn eich galluogi i:

    • Ddod o hyd i adnoddau modylau’n hawdd
    • Gweld pa adnoddau sydd ar gael yn gyfredol drwy gatalog y llyfrgell
    • Cysylltu’n uniongyrchol â’r testun llawn, pan fo ar gael
    • Cysylltu ag adnoddau wedi’u digideiddio
    • Cadw’ch hoff adnoddau mewn un lle
    • Awgrymu adnoddau ychwanegol i diwtor eich cwrs/modwl
    • Cael gafael ar bopeth sydd ei angen arnoch i lwyddo yn eich astudiaethau mewn modd di-dor
  • Mae RefWorks yn cydymffurfio’n rhannol â lefel AA Canllawiau’r WAI ar Hygyrchedd Cynnwys y We 2.1.  Ceir gwybodaeth fanwl bellach yn y Canllaw Hygyrchedd RefWorks ac yr Adroddiad Hygyrchedd Cynnyrch RefWorks.

    Rhaglen ar-lein ar gyfer rheoli, ysgrifennu a chydweithredu ym maes ymchwil yw RefWorks, a’i nod yw helpu ymchwilwyr i gasglu, rheoli, storio a rhannu pob math o wybodaeth, yn ogystal â chreu cyfeiriadau a llyfryddiaethau.

    Mynediad Cyn-fyfyrwyr i RefWorks
     
    Mae hawl gan gyn-fyfyrwyr y brifysgol gael mynediad i gyfrif RefWorks rhad ac am ddim.   I gael rhagor o wybodaeth cysylltwch â’r llyfrgell - sylwch y byddwn yn cysylltu â’r Gymdeithas Cyn-fyfyrwyr i wirio bod ymgeiswyr yn gymwys cyn darparu rhagor o fanylion.

  • Mae Cadwrfeydd Ymchwil y Brifysgol yn cael eu gyrru gan Eprints.  Gellir gweld datganiadau ar gyfer y cadwrfeydd yn:

    Sylwer ei bod yn bosibl nad yw dogfennau hŷn mewn fformat hygyrch.   Os hoffech wneud cais am gopi hygyrch o unrhyw ddogfen a gedwir yn ein cadwrfeydd ymchwil cysylltwch â repository@uwtsd.ac.uk.

    Mae Cadwrfa Ymchwil yn cynnwys papurau ymchwil testun llawn, erthyglau cyfnodolion, penodau llyfrau a thraethodau ymchwil a ysgrifennir gan staff a myfyrwyr y Brifysgol, Mae archif Data Ymchwil yn cynnwys data ymchwil o staff a myfyrwyr.

    Mae Polisi Prifysgol yn annog ymchwilwyr i ddarparu eu gwaith ar-lein, am ddim i’r darllenydd, cyn gynted a phosibl ar ol cyhoeddi yn amodol ar briodoliad cywir ac unrhyw amodau a osodir gan y cyhoeddwr.

    Academyddion ac ymchwilwyr

    Os bydd eich erthygl cyfnodolyn neu bapur cynhadledd wedi’i derbyn i’w chyhoeddi, mae angen i chi Weithredu yn sgil Derbyn - adneuwch y llawysgrif a dderbyniwyd yng Nghadwrfa Ymchwil Mynediad Agored Y Drindod Dewi Sant o fewn 3 mis iddi gael ei derbyn:

    Polisi Dileu Deunydd Cadwrfa

    Mae Prifysgol Cymru Y Drindod Dewi Sant yn cymryd camau rhesymol i sicrhau bod y deunyddiau yn ei Chadwrfa yn gofnod cywir a dilys o weithgarwch ymchwil yn y sefydliad hwn.

    Rhoddir yr holl ddeunyddiau a adneuir yng Nghadwrfa’r Drindod Dewi Sant ar gael yn unol â pholisïau cyhoeddwyr (fel y’i nodir yn SHERPA RoMEO) a/neu gyda chaniatâd gan ddeiliaid hawliau.

    Nid yw’n fwriad dileu deunydd ac eithrio yn unol â pholisi mewnol neu o dderbyn cwyn ddilys a brofwyd.

    Gallai rhesymau derbyniol dros gwyno gynnwys y canlynol:

    • Torri rheolau a rheoliadau cyhoeddwyr (er enghraifft, torri embargo, neu roi fersiwn terfynol cyhoeddwr ar gael pan gafwyd caniatâd am fersiwn cyn-brint neu ôl-brint yn unig)
    • Torri hawliau eiddo deallusol (yn cynnwys hawliau moesol neu hawlfraint)
    • Torri deddfwriaeth (er enghraifft, diogelu data neu ddifenwi)
    • Materion Diogelwch Cenedlaethol
    • Ymchwil a anwiriwyd, llên-ladrad neu fethu dilyn canllawiau moesegol

    Rhaid i gwynion fod ar ffurf ysgrifenedig gan nodi mai chi yw’r deiliad hawliau neu’n gynrychiolydd awdurdodedig y deiliad hawliau, ac yn nodi rhesymau pam na ddylai’r deunydd fod ar gael yng Nghadwrfa’r Drindod Dewi Sant. Dylid anfon cwynion drwy e-bost i: openaccess@uwtsd.ac.uk.

    Bydd deunydd testun llawn y gwnaethpwyd cais i’w ddileu yn cael ei gyfyngu i staff y Gadwrfa yn unig (o fewn 8 diwrnod gwaith ar ôl derbyn y cais), a thra ymchwilir i’r gŵyn, bydd yn dal yn bosibl chwilio yn y meta-data perthnasol. Yn achos eitemau lle mae’r broses fewnol yn rheoli dileu deunydd, bydd y metadata hefyd yn cael eu symud o olwg y cyhoedd.

    Yn y lle cyntaf bydd y gŵyn yn cael ei huwchgyfeirio gan staff y Gadwrfa i aelod o Dîm Rheoli’r Llyfrgell.

    Mewn achosion lle nad yw’n eglur a oes cyfiawnhad sylfaenol dros gŵyn, bydd y penderfyniad terfynol yn eiddo i’r Brifysgol.

    Mae’r polisi hwn wedi’i addasu o fersiwn gwreiddiol gyda chaniatâd Prifysgol Gorllewin Llundain.

  • Datganiad Hygyrchedd

    Mae’r datganiad Hygyrchedd hwn yn berthnasol i’r holl dudalennau sydd ar gael o fewn www.uwtsd.ac.uk

    Tîm Gwasanaethau’r We ym Mhrifysgol Cymru Y Drindod Dewi Sant sy’n cynnal y wefan hon. Hoffem i gynifer o bobl â phosibl allu defnyddio’r wefan. Er enghraifft, mae hyn y golygu y dylech allu gwneud y canlynol ar y rhan fwyaf o dudalennau ar ein gwefan:

    • Newid lliwiau, lefelau cyferbyniad a ffontiau.
    • Chwyddo hyd at 300% heb i’r testun orlifo dros ochr y sgrin.
    • Symud drwy’r rhan fwyaf o’r wefan gan ddefnyddio bysellfwrdd yn unig.
    • Symud drwy’r rhan fwyaf o’r wefan gan ddefnyddio meddalwedd adnabod llais.
    • Gwrando ar y rhan fwyaf o’r wefan gan ddefnyddio rhaglen darllen sgrin (yn cynnwys fersiynau diweddaraf JAWS, NVDA a VoiceOver).
    Pa mor hygyrch yw’r wefan

    Gwyddom nad yw rhai rhannau o’n gwefannau a’n gwasanaethau’n hollol hygyrch, ac rydym yn gwneud ein gorau glas i gywiro’r materion hyn.

    • Nid oes gan rai o’n lliwiau brand eilaidd gymhareb cyferbyniad sy’n ddigon uchel.
    • Testun amgen rhai lluniau yn absennol.
    • Nid yw rhai dogfennau, yn cynnwys dogfennau ar fformat PDF, yn gyflawn hygyrch eto.
    • Nid oes capsiynau gan ein fideos ffrydio byw.
    • Nid oes capsiynau gan y rhan fwyaf o’n fideos mewnblanedig.
    • Mae’n anodd symud drwy rai o’n ffurflenni ar-lein gan ddefnyddio bysellfwrdd yn unig.
    • Ni allwch neidio i’r prif gynnwys wrth ddefnyddio rhaglen darllen sgrin.
    Adborth a gwybodaeth gysylltu

    Os oes arnoch angen gwybodaeth o’r wefan hon mewn fformat gwahanol megis PDF hygyrch, print bras, hawdd ei ddeall, recordiad sain neu braille, cysylltwch â ni gan ddefnyddio’r manylion canlynol:

    E-bost: web@uwtsd.ac.uk
    Ffoniwch: 01792 481000

    Byddwn yn ystyried eich cais ac yn dod yn ôl atoch mewn pum diwrnod gwaith.

    Rhoi gwybod am broblemau hygyrchedd gyda’r wefan hon

    Rydym bob amser yn ceisio gwella hygyrchedd y wefan. Os dewch o hyd i unrhyw broblemau nad ydynt wedi’u rhestru ar y dudalen hon neu os ydych yn meddwl nad ydym yn bodloni gofynion hygyrchedd, cysylltwch â Thîm Gwasanaethau’r We yn web@uwtsd.ac.uk

    Trefn orfodi

    Y Comisiwn Cydraddoldeb a Hawliau Dynol sy’n gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018 (y ‘rheoliadau hygyrchedd’). Os nad ydych yn hapus ar y ffordd rydym yn ymateb i’ch cwyn, cysylltwch â’r Gwasanaeth Cynghori a Chymorth ar Gydraddoldeb.

    Gwybodaeth dechnegol am hygyrchedd y wefan yma

    Mae Prifysgol Cymru Y Drindod Dewi Sant wedi ymrwymo i wneud ei gwefan yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018.

    Statws cydymffurfiaeth

    Mae’r wefan hon yn cydymffurfio’n rhannol â safon AA y Canllawiau Hygyrchedd Cynnwys ar y We fersiwn 2.1 oherwydd yr eithriadau a’r enghreifftiau o beidio â chydymffurfio a restrir isod.

    Cynnwys nad yw’n hygyrch

    Nid yw’r cynnwys yn y rhestr isod yn hygyrch am y rhesymau canlynol:

    • Ddim yn cydymffurfio â’r rheoliadau hygyrchedd

    Mae nifer o enghreifftiau lle gallai’r rheini sy’n defnyddio bysellfwrdd yn unig neu ddefnyddwyr technoleg gynorthwyol brofi trefn ffocws annisgwyl wrth iddynt agor cynnwys cuddiedig neu ddialogau moddol. Nid yw hyn yn bodloni maen prawf llwyddiant 2.4.3 (trefn ffocws) Canllawiau Hygyrchedd Cynnwys 2.1. Caiff y materion hyn eu cywiro wrth i ni lansio ein gwefan newydd ym mis Mehefin 2023.

    Mae ychydig o enghreifftiau lle mae’n bosibl na fydd y rheini sy’n defnyddio bysellfwrdd yn unig yn gallu cael mynediad i’r holl gynnwys. Er enghraifft, o fewn rhai o’r acordiynau, nid yw rhan o’r cynnwys yn hygyrch.   Nid yw hyn yn bodloni maen prawf llwyddiant 2.1.1 (bysellfwrdd) Canllawiau Hygyrchedd Cynnwys 2.1. Caiff y materion hyn eu cywiro wrth i ni lansio ein gwefan newydd ym mis Mehefin 2023.

    Nid yw rhai o’n dogfennau PDF a dogfennau eraill sy’n hanfodol at brosesau gweinyddol, yn bodloni’r gofynion hygyrchedd yn llawn. Rydym yn gweithio drwy’r dogfennau hyn i sicrhau y bydd eu cynnwys yn hygyrch neu fod dewis amgen hygyrch ar gael.

    Nid yw rhai elfennau o deitlau wedi eu nodi fel penawdau neu â’r lefel pennawd gywir, felly mae’n bosibl na fydd rhai defnyddwyr technoleg gynorthwyol yn deall y cynnwys yn gyflawn. Nid yw hyn yn bodloni maen prawf llwyddiant 1.3.1 (gwybodaeth a pherthnasoedd) Canllawiau Hygyrchedd Cynnwys 2.1. Caiff y materion hyn eu cywiro wrth i ni lansio ein gwefan newydd ym mis Mehefin 2023.

    Mae nifer o faterion parsio (codio), yn cynnwys elfennau â phriodoleddau dyblyg, sy’n gallu effeithio ar dechnoleg hygyrchedd. Nid yw hyn yn bodloni maen prawf llwyddiant 4.1.1 (parsio) Canllawiau Hygyrchedd Cynnwys 2.1. Caiff y materion hyn eu cywiro wrth i ni lansio ein gwefan newydd ym mis Mehefin 2023.

    Mae amryw o broblemau yn y cynnwys fideo ar draws y wefan, yn cynnwys diffyg capsiynau, disgrifiadau sain a dewisiadau amgen o ran cyfrwng.  Nid yw hyn yn bodloni maen prawf llwyddiant 1.2.2, 1.2.3 a 1.2.5 sy’n cwmpasu gofynion o ran capsiynau, disgrifiadau sain a dewisiadau amgen o ran cyfrwng. Caiff y materion hyn eu cywiro wrth i ni lansio ein gwefan newydd ym mis Mehefin 2023.

    • Baich anghymesur

    Cydnabyddwn nad yw hygyrchedd ein gwefan yn berffaith, ac rydym yn gweithio’n galed i gywiro’r materion a ddynodwyd ar ein platfform cyfredol. Ar hyn o bryd (Hydref 2022) rydym yn datblygu gwefan newydd gyda phartner allanol, a fydd yn mynd i’r afael â’r meysydd hynny nad oes modd eu newid ar ein platfform cyfredol. Er nad ydym yn honni y byddai bob amser yn llwyth anghymesur cywiro’r problemau hyn, rydym yn ymwybodol bod proses sefydlu gwefan newydd yn cymryd amser.  Y dyddiad a ragwelir i ni weithredu’r safle newydd yw Mehefin 2023.

    Mae prosiect y wefan newydd yn cael ei flaenoriaethu oherwydd bydd yn darparu amgylchedd digidol cynhwysol, sy’n fwy hygyrch ar gyfer holl ddefnyddwyr y wefan. Fel y cyfryw, gall fod rhai meysydd ar y wefan gyfredol nad ydynt yn hygyrch nad oes modd i ni fynd i’r afael â nhw na rhoi blaenoriaeth iddynt ar hyn o bryd, oherwydd byddai gwneud hynny’n tynnu adnoddau staff o brosiect y wefan newydd. Yn y pen draw hon fydd yn cynnig yr ateb gorau i’r holl ddefnyddwyr sy’n dod ar draws anawsterau hygyrchedd.

    Cysylltwch â ni os cewch anawsterau i gael mynediad at ddarnau o’n gwefan gan ddefnyddio’r cyfeiriad e-bost web@uwtsd.ac.uk. Byddwn yn eich cefnogi i ddod o hyd i’r wybodaeth sydd ei hangen arnoch ac yn ystyried cywiro anawsterau dros dro fesul achos.

    Cynnwys nad yw o fewn cwmpas y rheoliadau hygyrchedd
    • Dogfennau PDF ac eraill

    Nid yw llawer o’n dogfennau PDF a Word hŷn yn bodloni’r safonau hygyrchedd. Er enghraifft, mae’n bosibl nad ydynt wedi’u marcio er mwyn eu gwneud yn hygyrch i raglen darllen sgrin.  Nid yw hyn yn bodloni maen prawf llwyddiant 4.1.2 (enw, gwerth rôl) Canllawiau Hygyrchedd Cynnwys 2.1. Nid yw’r rheoliadau hygyrchedd yn ei gwneud yn ofynnol i ni gywiro dogfennau PDF neu eraill a gyhoeddwyd cyn 23 Medi 2018 os  nad ydynt yn hanfodol at brosesau gweinyddol gweithredol. Bydd unrhyw ddogfennau PDF neu Word a gyhoeddwn yn bodloni safonau hygyrchedd.

    • Capsiynau fideo

    Nid oes gan rai o’n fideos hŷn gapsiynau cywir a olygwyd na thrawsgrifiadau. Nid yw hyn yn bodloni maen prawf llwyddiant 1.2.1 (sain yn unig a fideo yn unig a recordiwyd ymlaen llaw), 1.2.2 (capsiynau a recordiwyd ymlaen llaw), 1.2.3 (disgrifiad sain neu ddewis cyfrwng amgen a recordiwyd ymlaen llaw) ac 1.2.5 (disgrifiad sain a recordiwyd ymlaen llaw) Canllawiau Hygyrchedd Cynnwys 2.1. Nid yw’r rheoliadau’n berthnasol i fideos a recordiwyd ac a gyhoeddwyd cyn 23 Medi 2020.  Fodd bynnag, er nad yw’r fideos hyn yn dod o fewn cwmpas y ddeddfwriaeth, rydym wedi cynnal archwiliad o’n holl fideos ac wedi dechrau proses o ddiweddaru capsiynau ac ychwanegu trawsgrifiadau llawn. Bydd gan unrhyw fideos newydd a gyhoeddwn gapsiynau a olygwyd a thrawsgrifiadau.

    • Fideo byw

    Nid oes capsiynau gan ein fideos ffrydio byw. Nid yw hyn yn bodloni maen prawf llwyddiant 1.2.4 (capsiynau (byw) Canllawiau Hygyrchedd Cynnwys 2.1 Nid ydym yn bwriadu ychwanegu capsiynau at fideos ffrydio byw am fod fideo byw wedi’i eithrio o fodloni’r rheoliadau hygyrchedd. Fodd bynnag, byddwn yn ychwanegu capsiynau pan fyddwn yn mewnblannu fersiwn golygedig o’r ffrydiau fideo ar ein gwefan.

    • Darganfod Prifysgol

    Nid oes digon o gyferbyniad lliw yn y testun ar baneli ystadegau Darganfod Prifysgol i ddefnyddwyr â nam ar eu golwg. Nid yw hyn yn bodloni maen prawf llwyddiant 1.4.3 (cyferbyniad (isafswm) Canllawiau Hygyrchedd Cynnwys 2.1 Hefyd nid oes ffordd o reoli’r animeiddiad o fewn paneli Darganfod Prifysgol. Nid yw hyn yn bodloni maen prawf llwyddiant 2.2.2 (oedi, aros, cuddio) Canllawiau Hygyrchedd Cynnwys 2.1. Mae paneli Darganfod Prifysgol wedi’u heithrio o fodloni’r rheoliadau hygyrchedd. Cynnwys trydydd parti yw hwn nad yw’n cael ei gyllido na’i ddatblygu gennym, ac nad yw dan ein rheolaeth.

    • Testun mewn ffurflenni

    Nid yw testun o fewn ffurflenni’n ymateb i fylchiad testun. Nid yw hyn yn bodloni maen prawf llwyddiant 1.4.12 (bylchiad testun) Canllawiau Hygyrchedd Cynnwys 2.1. Mae arddull testun o fewn ffurflenni wedi’i heithrio o fodloni’r rheoliadau hygyrchedd. Cynnwys trydydd parti yw hwn nad yw’n cael ei gyllido na’i ddatblygu gennym, ac nad yw dan ein rheolaeth.

    Sut rydym yn rhoi prawf ar y Wefan hon

    Rydym yn rhoi prawf ar ein Gwefan yn barhaus, ac rydym yn defnyddio cyfuniad o ddulliau i wirio ein safle:

    • Profion wedi’u hawtomeiddio: rydym yn defnyddio Siteimprove, sy’n sganio ein tudalennau am wallau hygyrchedd, ac yn rhoi gwybod i ni pa rai sydd â’r flaenoriaeth uchaf i’w cywiro.
    • Profion â llaw: rydym yn defnyddio rhestr wirio hygyrchedd i wirio â llaw sampl cynrychiadol o dudalennau o bob rhan o’n gwefan.  Mae hyn yn cynnwys gwirio bod modd symud drwy ein tudalennau gan ddefnyddio bysellfwrdd yn unig, a rhoi prawf ar unrhyw gyferbyniadau lliw nad oedd modd eu gwirio’n awtomatig.
    Datganiadau hygyrchedd eraill

    Mae rhai rhannau o’n Gwefan yn rhedeg ar systemau gwahanol, a allai fod â nodweddion neu anawsterau hygyrchedd eraill.

    Paratoi’r datganiad hygyrchedd hwn

    Paratowyd y datganiad hwn ar 31 Gorffennaf 2020. Fe’i hadolygwyd ddiwethaf ar 28 Medi 2022.

Offer hygyrchedd

Gall yr offer canlynol helpu defnyddwyr i weld tudalennau gwe a gwefannau yn fwy cysurus.