Gorymdaith a Gwasanaeth yn Abertawe yn dathlu dechrau addysg uwch yng Nghymru

Ddydd Gwener, 24 Mehefin, cynhaliodd Prifysgol Cymru Y Drindod Dewi Sant orymdaith drwy ddinas Abertawe o gampws Dinefwr i Eglwys y Santes Fair i ddathlu daucanmlwyddiant y Brifysgol.

Mae’r deucanmlwyddiant yn coffáu sefydlu Coleg Dewi Sant Llanbedr Pont Steffan yn 1822 pan osododd yr Esgob Thomas Burgess, Esgob Tyddewi, y garreg sylfaen a oedd yn nodi dechrau addysg uwch yng Nghymru. Mae’r deucanmlwyddiant yn gyfle i ddathlu cyfraniad holl gampws y Brifysgol ar draws y rhanbarth.

Cynhaliwyd y gwasanaeth dathlu yn Eglwys y Santes Fair i gydnabod cyfraniad campws Abertawe’r Brifysgol i addysg uwch yng Nghymru, ac yn arbennig i gydnabod cyfraniad hanesyddol y Brifysgol i Gelf ac addysg a’i hymrwymiad i ddatblygu dysgu technegol a chymhwysol mewn gwyddoniaeth, technoleg a pheirianneg.

Gweinyddwyd y Gwasanaeth gan y Parchg Sam Aldred, Caplan Campws Abertawe gyda’r Gwir Barchedig John Lomas, Esgob Abertawe ac Aberhonddu yn bresennol.

Ymhlith y gwestai roedd Mrs Louise Fleet, CStJ, JP, Arglwydd Raglaw EM dros Orllewin Morgannwg, Mr Stephen Rogers, Uchel Siryf Gorllewin Morgannwg, Arglwydd Faer Abertawe y Cynghorydd Mike Day, Cynghorwyr Abertawe yn ogystal â myfyrwyr, cyn-fyfyrwyr a staff presennol a chyn-staff.

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau

Executive Press and Media Relations Officer

Cyfathrebu Corfforaethol a Chysylltiadau Cyhoeddus

Corporate Communications and PR

Mobile: 07384 467071

Email: Rebecca.Davies@uwtsd.ac.uk