Alison Rees Edwards BA, MA, Tystysgrif Ôl-radd Addysg Uwch

Wedi i mi adael ysgol, penderfynais fagu teulu cyn ystyried gyrfa. Wrth i’r plant ddechrau ysgol a Chylch Meithrin, astudiais gwrs BTEC mewn Astudiaethau Datblygiad Plentyn yng Ngholeg Ceredigion. Gweithiais fel NNEB mewn ysgol gynradd am sawl blwyddyn ac ennill profiadau amhrisiadwy o weithio gyda phlant gydag ystod o anawsterau dysgu megis Dyslecsia, Dyspracsia a Syndrom Asperger.

Yn 2005, penderfynais astudio gradd BA Addysg Blynyddoedd Cynnar trwy ddilyn y Dull Dysgu Hyblyg yma yn y Drindod. Roedd hyn yn golygu gweithio yn ystod y dydd ac astudio min nos. Enillais radd dosbarth cyntaf gydag anrhydedd yn 2008 ac ymunais a’r Brifysgol fel tiwtor ar brosiect Geiriau Bach. Yn ogystal, enillais Gymrodoriaeth cyfrwng Cymraeg Prifysgol Cymru a chael swydd fel darlithydd i Ysgol Blynyddoedd Cynnar. Yn 2013, cyflawnais Tystysgrif Ôl-radd Dysgu mewn Addysg Uwch ynghyd ag MA Addysg Blynyddoedd Cynnar. Yn 2015, cyflawnais Tystysgrif Ôl-radd o’r Brifysgol Agored.

• BA, MA, Tystysgrif Ôl-radd Addysg Uwch
• Tystysgrif Ôl-radd o’r Brifysgol Agored
• Cymrawd yr Academi Addysg Uwch

Mae fy meysydd ymchwil a ddiddordebau academaidd yn cynnwys: datblygiad iaith plant ifanc, gan gynnwys dwyieithrwydd, plant ag anghenion dysgu ychwanegol a thechnoleg. Rwyf wedi gwneud gwaith ymchwil ar fanteision therapi cerddoriaeth i blant ifanc o dan y sbectrwm Awtistig. Mae gennyf ddiddordeb hefyd mewn agweddau myfyrwyr tuag at addysg uwch cyfrwng Cymraeg.