Dr Glenda Tinney BSc, TAR, MA, PhD

Dechreuais fy ngyrfa fel biolegydd ym Mhrifysgol Lancaster cyn symud ymlaen i ddysgu cyrsiau iechyd, gofal cymdeithasol a bioleg yn y sector addysg bellach ac oedolion.

Yn 2002, mi gyfunais fy niddordeb mewn lles, addysg awyr agored a chynaladwyedd pan gefais fy mhenodi fel darlithydd ym Mhrifysgol Cymru: Y Drindod Dewi Sant, i ddarparu rhaglenni israddedig a graddedig yn gysylltiedig ag ymwybyddiaeth amgylcheddol, cadwraeth a datblygiad cynaliadwy.

Yn 2007 cefais fy mhenodi i’r Ysgol Plentyndod Cynnar lle’r wyf wedi gallu cyfuno fy niddordeb mewn cynaladwyedd a lles gyda phrofiadau plant ieuanc o Addysg ar gyfer Datblygiad Cynaliadwy a Dinasyddiaeth Fyd-eang yng Nghymru. Rwy’n meddu ar gymhwyster Arweinydd Ysgol Goedwig lefel 3 sy’n cefnogi fy ngwaith gyda phlant ac oedolion yn yr awyr agored.

Rwy’n parhau i ddatblygu fy niddordebau ymchwil ym maes cynaladwyedd a phlant ieuanc. Rwyf hefyd yn gyfrifol am Dderbyniadau o fewn yr Ysgol Plentyndod Cynnar ac mae hyn wedi cefnogi fy niddordebau ymchwil mewn ehangu mynediad a datblygu methodoleg gadarn er mwyn denu myfyrwyr o gefndiroedd llai traddodiadol o wahanol gymunedau i mewn i addysg uwch. Mae hyn hefyd yn cynnwys archwilio agweddau myfyrwyr tuag at ddarpariaeth cyfrwng Cymraeg. Yn y blynyddoedd diweddar yr wyf wedi bod yn archwilio diddordebau ymchwil mewn rhaglenni darllen cynnar yng nghyd-destun rhannu darllen gyda theuluoedd a phlant ieuanc.