Alison Evans BA gyda SAC, MA, FHEA

Yn ystod 20 mlynedd o yrfa yn athro Ysgol Uwchradd, ymgymerodd Alison â sawl rôl, megis Pennaeth Adran (Astudiaethau Busnes), Cydlynydd Pontio CA2/CA3 ac Athro-lywodraethwr.  Yn ystod y cyfnod hwnnw, roedd Alison hefyd yn mwynhau rôl weithgar fel mentor i fyfyrwyr TAR ac fel marciwr allanol ar gyfer arholiadau a gwaith cwrs TGAU a Lefel Uwch. 

Cafodd ei phenodi’n Uwch Ddarlithydd mewn AGA yn 2014, yn arwain y cwrs TAR Astudiaethau Busnes. Ers hynny, mae Alison wedi mwynhau bod yn arweinydd modwl ar gyfer amryw fodylau TAR ac ar hyn o bryd, mae’n arwain modwl Ymchwil ar gyfer myfyrwyr BA Cynradd. Yn ogystal, arweiniodd Alison y tîm Derbyn ar gyfer cyrsiau TAR am bum mlynedd cyn derbyn swydd yr Arweinydd Strategol ar gyfer Cwricwlwm ac Addysgeg yn yr Athrofa. Roedd y rôl hon yn rhychwantu cyfnod o newidiadau addysgegol arwyddocaol yn ystod Covid-19, a hwylusodd Alison nifer o fentrau i sicrhau bod myfyrwyr yn cael y profiadau gorau posibl.

Mae Alison ar hyn o bryd yn arwain y rhaglen ‘Hyfforddi Cymheiriaid’ a lansiwyd ganddi yn 2020. Wedi’i chynllunio i gefnogi a grymuso tiwtoriaid trwy ddulliau cydweithredol o gynllunio darlithoedd a dylunio adnoddau, mae’r rhaglen bellach yn rhan ganolog o ddysgu proffesiynol mewn AGA ac mae’n gweithredu o fewn amgylchedd diogel ac anfeirniadol. Mae Alison hefyd wedi ymgymryd â dyletswyddau Arholwr Allanol o fewn AGA ac mewn prifysgol yn Lloegr ac wedi derbyn penodiad arall ym Mhrifysgol Dundee yn ddiweddar.

Ym mis Medi 2023, roedd Alison yn falch o dderbyn rôl Cyfarwyddwr yr MA Cenedlaethol mewn Addysg yn y Drindod Dewi Sant ac mae’n edrych ymlaen at yr her. Roedd hi hefyd yn rhan o ddatblygu agweddau ar yr MA newydd yn y cyfnod ysgrifennu. Yn olaf, cyflwynodd Alison ei thraethawd ymchwil Doethurol yn ddiweddar fel rhan o’r cwrs EdD.

• Addysgu/arwain ar amrywiaeth o fodylau Ymchwil (Lefelau 4 a 7)
• Goruchwylio traethodau hir (MA Ed)
• Addysg fusnes
• Addysgeg