Ariannu Prentisiaethau
Gall gradd-brentisiaethau gynnig gwerth arbennig o dda am arian.
Gall gradd-brentisiaethau gynnig gwerth arbennig o dda am arian. Er y bydd cost prentisiaeth yn amrywio, lluniwyd y cynllun ariannu i’w gwneud yn hawdd ac yn fforddiadwy i gyflogwyr ei ddefnyddio.
Os ydych chi’n gyflogwr â bil cyflog o dros £3 miliwn y flwyddyn, byddwch wedi bod yn talu’r Ardoll Brentisiaethau er 6 Ebrill 2017 trwy’r broses Talu wrth Ennill; fe’i cyfrifir fel 0.5% o’r cyfanswm costau staff. Os ydych chi’n gyflogwr llai, ni fyddwch yn talu’r Ardoll ond gallwch gael mynediad at y rhaglen o hyd.
Mae darparu hyfforddiant prentisiaethau yn fater sydd wedi’i ddatganoli, ac mae Cymru, Lloegr, yr Alban a Gogledd Iwerddon wedi datblygu ffyrdd gwahanol o alluogi cyflogwyr i gael mynediad at raglenni. Bydd cwmnïau’n cael mynediad at y rhaglenni perthnasol lle mae eu gweithwyr wedi’u lleoli.
Mae cyllid yn amodol ar ble mae’r Brentisiaeth wedi’i lleoli
- Nid yw maint y cwmni yn effeithio ar fynediad at brentisiaethau yng Nghymru.Mae Llywodraeth Cymru’n ariannu Gradd-brentisiaethau a Phrentisiaethau Uwch sy’n rhan o Fframwaith trwy dalu’r darparwr hyfforddiant dan gontract yn uniongyrchol.
- Pennir y cyllid gan flaenoriaethau Llywodraeth Cymru.
- Nid yw’n ofynnol i gyflogwyr gyfrannu at gost darparu’r brentisiaeth.n.
-
- Gallwch roi eich cyfraniadau ardoll tuag at gost y radd-brentisiaeth.
- Mae’r Ardoll Brentisiaethau yn rhoi rheolaeth i gyflogwyr yn Lloegr dros eu hyfforddiant, gan ganiatáu iddynt gytuno ar gyfanswm pris ar gyfer pob prentisiaeth, sy’n cynnwys costau hyfforddi ac asesu.
- Ar gyfer pob Safon Brentisiaeth yn Lloegr, mae Band Cyllido wedi’i bennu sy’n gosod cap ar faint o gyllid y gall y cyflogwr ei dynnu i lawr.
- Os yw’r gost i’r Drindod Dewi Sant o ddarparu’r brentisiaeth yn uwch na’r band cyllido, bydd y brifysgol yn cytuno ar gyfraniad ychwanegol gyda’r Cwmni i wneud iawn am y gwahaniaeth, i’w dalu mewn rhandaliadau blynyddol.
-
- Bydd y Llywodraeth yn cyfrannu o leiaf 95% o’r ffioedd dysgu a’r costau asesu ar gyfer unrhyw brentis.
- Mae’r llywodraeth yn mynnu bod y cyflogwyr hyn yn talu cyfraniad ariannol o 5% tuag at y gost, a delir yn uniongyrchol i’r darparwr, ac mae’r llywodraeth yn talu’r gweddill (hyd at uchafswm y band cyllido a gytunwyd).
- Mewn rhai achosion gall fod ffioedd atodol ychwanegol yn daladwy i’r brifysgol – trafodir y rhain yn y cyfarfodydd ymgysylltu cychwynnol. Mae taliadau atodol yn daladwy mewn rhandaliadau blynyddol.Bydd y Drindod Dewi Sant yn gweithio gyda’r cwmnïau hyn i hwyluso ariannu’r rhaglen brentisiaeth.
A yw'ch Busnes yn "Barod ar Gyfer y Dyfodol"?
Gwnewch fuddsoddiad yn natblygiad eich gweithwyr gyda Phrentisiaethau Uwch a Gradd-brentisiaethau a arweinir gan ddiwydiant a thrawsnewid eich busnes.
Rydym yn deall yr heriau bob-dydd mae eich busnes yn wynebu ac o ganlyniad, mewn partneriaeth gyda chyflogwyr, gwnaethom greu Rhaglen Brentisiaeth dan arweiniad Diwydiant. Pan gaiff hon ei chyfuno gyda chymorth profiad ymarferol bydd myfyrwyr yn cymhwyso’r wybodaeth a geir yn uniongyrchol i’r gweithle.