Ein Cenhadaeth
Trawsnewid Addysg; Trawsnewid Bywydau
Rydym yn trawsnewid bywydau trwy ddarparu addysg, arloesi a menter sy’n bodloni anghenion datblygol cymdeithas.
Ein Gweledigaeth
Byddwn yn parhau i sicrhau bod ein myfyrwyr a’u dyfodol yn ganolog i bopeth a wnawn. Byddwn yn cael ein cydnabod fel darparwr blaenllaw ar gyfer addysg drydyddol hyblyg, gymhwysol sy’n canolbwyntio ar gyflogwyr. Byddwn yn hyrwyddo dysgu gydol oes ac ehangu cyfranogiad, gan alluogi dysgwyr o bob oed a chefndir i gyflawni eu potensial. Rydym yn falch o’n treftadaeth Gymreig a byddwn yn dyfnhau ein gwaith cydweithredol gyda phartneriaid i ymdrin ag anghenion diwylliannol, cymdeithasol, economaidd a llesiant ein cymunedau prifysgol yng Nghymru, y DU a ledled y byd.
Cynllun Strategol
- Ein pobl – sy’n gyrru ein llwyddiant, ac rydym wedi ymrwymo i’w helpu i ffynnu.
- Ein diben – sef creu cyfleoedd addysgol teg a hygyrch i bob myfyriwr, a chymhwyso ein hymchwil er budd ein cymunedau.
- Ein lle – sy’n ganolog i’n hunaniaeth fel prifysgol gymunedol a sefydlwyd yng Nghymru ond sydd â chyrhaeddiad cenedlaethol a rhyngwladol.
Ein chwe blaenoriaeth strategol yw:
- Pobl, diwylliant a chydraddoldeb, sy’n meithrin amgylchedd cynhwysol a chefnogol, gan gefnogi ein harweinwyr a hyrwyddo diwylliant sy’n gwerthfawrogi gwelliant parhaus.
- Seilwaith digidol a ffisegol, gan sicrhau bod ein hystad ddigidol a ffisegol yn addas i’r diben.
- Cynaliadwyedd Amgylcheddol, gan sicrhau sefydliad gwydn a chyfrifol ar gyfer cenedlaethau’r presennol a’r dyfodol.
Ein Gwerthoedd
Wrth wraidd popeth a wnawn mae ein gwerthoedd:
- Rydym yn gynhwysol ac yn ymfalchïo mewn dileu rhwystrau rhag cymryd rhan er mwyn cefnogi pobl o bob cefndir ac amgylchiad i gyflawni eu potensial.
- Rydym yn gydweithredol, gan weithio gyda’n staff, ein myfyrwyr a’n partneriaid er lles ein rhanbarth[au] a sicrhau ein bod wedi ein cysylltu â’r byd yn ehangach.
- Rydym yn falch i ddathlu Cymru a’i chymeriad unigryw drwy hyrwyddo diwylliant, treftadaeth ac iaith y wlad.
- Rydym yn gyfrifol, wedi ymrwymo i ddatblygu cynaliadwy ac i sicrhau bod anghenion y presennol yn cael eu bodloni heb beryglu anghenion cenedlaethau’r dyfodol.
Gwybodaeth Gysylltiedig
Yn PCYDDS rydym yn cydnabod ac yn dathlu’r hyn y mae personél sy’n gwasanaethu yn Lluoedd Arfog Ei Fawrhydi yn ei wneud dros bob un ohonom yn y gymuned ehangach.
Mae’r Drindod Dewi Sant yn ymrwymo i greu cymuned o staff a myfyrwyr sy’n cefnogi cynaliadwyedd trwy gyfrifoldeb cymdeithasol, economaidd, diwylliannol ac amgylcheddol.
Hawliau Dynol
