Cyfleusterau Caerfyrddin

• Wattbike

Mae ein sesiynau yn agored i feicwyr o bob gallu, gyda phawb yn gweithio ar lefel bersonol i wella eu sgiliau beicio a’u ffitrwydd cyffredinol.
Mae’r niferoedd yn cael eu cadw’n isel, fel bod pawb yn cael y sylw unigol sydd ei angen arnyn nhw.

Dydd Llun a dydd Gwener 7 a.m. - 8 a.m. Mae angen archebu lle ymlaen llaw drwy’r ap.

• HIIT (Hyfforddiant Ysbeidiol Dwysedd Uchel)

Mae’n cynnwys cyfnodau o ymarferion cardio a chryfder dwysedd uchel ynghyd â chyfnodau byr o adfer rhyngddyn nhw, ac mae’n ffordd wych o gael sesiwn ymarfer bwerus gyda nifer o fuddion a hynny mewn amser byr. 

Dydd Llun 12:00 p.m. - 12:30 p.m. Mae angen archebu lle ymlaen llaw drwy’r ap.

• Sesiynau ymarfer eich hun

Os na allwch ddod i ddosbarth penodol, peidiwch â phoeni. Gallwch chi ddilyn un o’r cynlluniau ymarfer parod, gofynnwch am un wrth gyrraedd.

• Cyfarpar a Pheiriannau Cardiofasgwlaidd
• Tredmil Technogym
• Excite Top – Beicio llaw
• Beic Gorwedd Excite
• Peiriannau Croes-ymarfer Synchro
• Cyfarpar dringo
• Watt Bike Pro
• Watt Bike Atom
• Ffitrwydd Air Bike Elite Assault
• Ski Erg – concept 2
• Skillrow – Peiriant rhwyfo
• Skillmill
• Cyfarpar a Pheiriannau Gwrthiant
• Cyfarpar Gwasgau Brest
• Peiriant i Ymarfer Cyhyrau’r Cefn
• Cyfarpar deuol ymestyn/cyrliadau coesau
• Cyfarpar Gwasgau Coesau
• Gwasgau Ysgwyddau
• Cyfarpar i ymarfer cyhyrau’r abdomen
• Cyfarpar i ymarfer rhan uchaf y cefn
• Meinciau addasadwy
• Mainc Fflat Olympaidd
• Peiriant Smith - Aml-bŵer
• Pwli deuol addasadwy
• Dymbelau 4kg-42kg
• Bariau pŵer Olympaidd

Mae’r offer yn cael eu cyflenwi gan TechnoGym - The Wellness Company, Wattbike a Concept 2 Indoor Rower.

Pwll nofio dan do 20m x 7m wedi’u gynhesu.

Defnyddir y pwll nofio hefyd ar gyfer darlithoedd gan yr Ysgol Chwaraeon Iechyd ac Addysg Awyr Agored (diweddarwyd amserlen y pwll trwy ein App – UWSTD Sports)

Mae nofio yn ymarfer corff gwych i’r corff cyfan. Mae dŵr yn rhoi mwy o ymwrthedd i’ch grwpiau cyhyrau weithio yn ei erbyn ac yn cynnal rhywfaint o bwysau eich corff gan leihau’r straen ar eich cymalau.

Amseroedd Agor o ddydd Llun i ddydd Gwener: 8 am - 2 pm Dydd Sadwrn 10am – 1pm

Mae’r pwll nofio yn cael ei logi’n allanol yn ystod yr wythnos o 4:00pm ar gyfer gwersi nofio i blant. Am ragor o wybodaeth, ewch i Wefan Swim Champs.

Wedi’i leoli yng Nghanolfan Chwaraeon Caerfyrddin, mae’r Clinig Cymal Ofal, sy’n eiddo i’r Ffisiotherapydd Siartredig Mark Brownless, yn cynnig clinigau ffisiotherapi arbenigol i drin anafiadau chwaraeon, problemau meinwe meddal a phob cyflwr orthopedig.

Ewch i Wefan Clinig Cymal Ofal am fwy o wybodaeth.

Clinig Cymal Ofal y Ganolfan Chwaraeon
Prifysgol Cymru Y Drindod Dewi Sant (Canolfan Chwaraeon)
Caerfyrddin
SA31 3EP
Ffôn: 07970 657041
E-bost: info@jointcareclinic.co.uk

“Ymunais i â’r gampfa dros 10 mlynedd yn ôl ar ôl ymweld â’r Clinig Cymal Ofal ar ôl cael anaf cas.
Cefais gyngor i ymuno â’r gampfa i fy helpu i wella. Fe ddilynais i’r raglen hyfforddi ges i gan staff y ganolfan chwaraeon i fy helpu wrth wella o fy anaf a dw i wedi bod yma ers hynny!
Mae ansawdd y cyfleusterau’n dda iawn ac yn berffaith addas i’r hyn rydw i eisiau ei wneud. Rwy’n teimlo bod cydbwysedd perffaith o ran peiriannau cardio a pheiriannau gwrthiant/pwysau.”
Dave Crawford

Mae’r neuadd chwaraeon yn addas ar gyfer amrywiaeth o weithgareddau gan gynnwys pêl-fasged, badminton, pêl-droed, pêl-rwyd a dringo creigiau.   Gellir llogi’r neuadd hefyd ar gyfer digwyddiadau heblaw chwaraeon megis cynadleddau.

Llogi ar gyfer Chwaraeon Unigol

Llogi Cyfarpar
£1.50 yr eitem (racedi tennis a badminton, peli, ac ati)

Llogi ar gyfer Partïon
Bwriad y pecyn partïon yw hwyluso’r gwaith o drefnu parti pen-blwydd neu unrhyw ddathliad arall.

Rydym yn cynnig nifer o weithgareddau sy’n rhoi cyfle i ddefnyddwyr gael hwyl dan ofal goruchwyliwr. Mae’r chwaraeon sydd ar gael yn cynnwys pêl-droed, pêl-rwyd, pêl-fasged, pêl-foli a nifer o chwaraeon raced.

Os oes angen, mae modd trefnu lluniaeth yng Nghanolfan Halliwell i gwblhau’r dathlu.

Partïon yn y Pwll
Mae partïon yn y pwll nofio yn rhoi amser da i blant (a rhieni) o bob oed, dan oruchwyliaeth ein hachubwyr bywyd cymwysedig bob amser. Gallwch drefnu parti yn y pwll gyda fflotiau a theganau pwll – sy’n ddelfrydol i blant iau.

• (Fel rheol gyffredinol, y gymhareb oedolion i blant yn y pwll yw un oedolyn i bob dau blentyn dan 8 oed).

Costau

Sylwch fod y prisiau’n amrywio yn dibynnu ar y gwasanaethau a chyfleusterau penodol rydych chi’n gofyn amdanynt. Rydym yn cynnig amrywiaeth o opsiynau i weddu i anghenion gwahanol, ac rydym yn hapus i ddarparu dyfynbris wedi’i deilwra yn seiliedig ar eich gofynion.

Canslo Archebion
 Mae Rheolwr y Ganolfan Chwaraeon yn cadw’r hawl i ganslo unrhyw archeb o ganlyniad i’r tywydd neu unrhyw reswm sy’n gysylltiedig â defnydd arall o’r cyfleusterau ar y diwrnod archebu neu’n fuan wedi hynny.

Bydd y Brifysgol yn ymdrechu i roi gwybod i’r llogwr ynglŷn â chanslo trefniadau gan roi cymaint o rybudd â phosibl.

Rhaid i’r llogwr roi rhybudd o wythnos am ganslo trefniadau (48 awr ar gyfer defnyddwyr achlysurol), a rhaid i’r Brifysgol dderbyn y rhybudd yn ysgrifenedig.

Caiff trefniadau llogi eu canslo os na fydd y grŵp yn bresennol am ddwy sesiwn yn olynol heb roi rhybudd ysgrifenedig.
Mae’r drefn ar gyfer newid trefniadau llogi yn dilyn yr un canllawiau â’r rhai ar gyfer canslo.

Am ragor o wybodaeth, cysylltwch â ni ar e-bost sportscentre@utwsd.ac.uk neu ffoniwch ni ar 01267 676942. I logi’r neuadd chwaraeon, llenwch y Ffurflen Llogi’r Ganolfan Chwaraeon isod a’i hanfon atom ar e-bost.

Mae’r cae 3G sy’n mesur tua 40m x 40m yn berffaith ar gyfer hyfforddiant rygbi a phêl-droed. Mae’n cwrdd â safonau diogelwch ac yn eu rhagori gan fod ganddo haen waelodol amsugno sioc cymeradwy Rygbi’r Byd, sy’n darparu amddiffyniad ychwanegol i chwaraewyr wrth wneud gweithgareddau cyswllt.

Cost llogi yw £50 yr awr neu £450 am archeb bloc o 10 wythnos (yr un diwrnod ac awr am 10 wythnos yn olynol).

Rydym yn darparu cyfle i blant o’r ardal leol gymryd rhan yn ein gwersylloedd chwaraeon yn ystod gwyliau ysgol. 

Mae’r Gwersyllfa Chwaraeon sydd wedi’i gynllunio i ddarparu profiad cyfoethog i blant yn y gymuned leol, yn ogystal â theuluoedd staff a myfyrwyr yn cynnig cyfuniad perffaith o weithgareddau hwyliog ac ymarferion adeiladu sgiliau.

Mae’r sesiynau sydd wedi’u harwain gan staff profiadol a’u cefnogi gan fyfyrwyr brwdfrydig yn addo cyfuniad o ddysgu a hwyl. Bryn Jones, Cydlynydd Gwersyllfa Chwaraeon yn PCYDDS. Mae’r gwersylloedd yn cynnig cyfle gwych i blant lleol ddefnyddio ein cyfleusterau o’r radd flaenaf tra bod ein myfyrwyr yn cael profiad gwerthfawr yn gweithio mewn amgylchedd y maent yn angerddol yn ei gylch. Nid mater o gadw’n heini yn ystod y gwyliau’n unig yw hyn; mae’n ymwneud â meithrin datblygiad cyfannol.” Bryn Jones, Cydlynydd Gwersyllfa Chwaraeon yn PCYDDS.

Cadwch lygad ar ein tudalennau ar y cyfryngau cymdeithasol ar gyfer dyddiadau penodol.