Cymorth Llesiant

Mae bywyd prifysgol yn gyfle anhygoel i ddysgu pethau newydd a dod i adnabod eich hun, ond gall ddod â rhai heriau hefyd. Efallai eich bod yn dod i’r brifysgol a bod gennych chi ddiagnosis o gyflwr iechyd meddwl neu efallai y byddwch chi’n cael anawsterau gyda’ch iechyd neu lesiant meddyliol tra byddwch chi’n astudio.

P’un ai eich bod chi’n dioddef o broblem tymor byr gyda straen, mater cymhleth sy’n para’n hirach, neu os ydych chi’n cael trafferth ond ddim yn siŵr beth i’w wneud, yna mae’r Gwasanaeth Llesiant yma i’ch cefnogi. Gallwch gael mynediad at ein gwasanaeth yn rhad ac am ddim unrhyw bryd yn ystod eich astudiaethau.

Mae gennym amrywiaeth o wasanaethau cyfrinachol, proffesiynol, sy’n canolbwyntio ar y myfyriwr ac sydd am ddim a all weithio gyda chi i ddeall yn well yr hyn rydych chi’n ei ddioddef a’ch helpu i benderfynu sut rydych am reoli’r effaith ar eich astudiaethau.