Graddio Campws Llundain

Bydd y seremonï a gynhelir ar 22ain Gorffennaf yn cael eu cynnal yng Nghanolfan Barbican, Stryd Sidan, Llundain, EC2Y 8DS

Cysylltwch â londongraduation@uwtsd.ac.uk ar unwaith. Bydd y tîm yn gwirio eich cofnod ac yn ail-anfon eich gwahoddiad os yn briodol. 

Mewn gofnodwch i MyTSD a rhowch eich rhif myfyriwr a’ch cyfrinair. Ewch i ‘Student Graduation’ar y sgrin cartref a dilynwch y cyfarwyddiadau.

Maesydd parcio cyhoeddus ar gael yn: 

• Barbican, 8yb — canol nos
• London Wall, 24 awr
• Aldersgate, 24 awr

Mae mannau parcio dynodedig i bobl anabl wedi’u lleoli yn strydoedd Aldermanbury, Basinghall, Gresham a Coleman. Arhosiad hiraf o 4 awr o ddydd Llun i ddydd Gwener; dim terfyn ar benwythnosau. 

Mae’r Barbican o fewn pellter cerdded i sawl gorsaf tiwb a thrên a llwybrau bysiau. Gallwch hefyd gerdded i’r Barbican o fewn 30 munud o ganol Llundain ac archwilio’r ddinas ar eich ffordd. 

Yn nes at ddyddiad graddio, byddwch yn cael amser penodedig i gyrraedd. Mae’n bwysig eich bod yn cyrraedd eich slot dynodedig fel y gallwn reoli torfeydd. 

Bydd angen i chi fod yn eistedd 45 munud cyn i’r seremoni ddechrau ac yn ystod yr amser hwnnw byddwch yn eistedd yn eich sedd a neilltuwyd ac yn cael eich briffio gan y Prif Farsial. 

Os oes gennych chi neu unrhyw un o’ch gwesteion anabledd / gofynion mynediad penodol mae angen i ni wybod amdanynt neu nam ar y clyw, rhowch fanylion yn yr adran berthnasol ar MyTSD a byddwn yn ymdrechu i ddiwallu eich anghenion.  

Rhowch wybod i’r staff fel y gellir darparu cymorth. 

Byddwch yn gallu casglu tocynnau eich gwestai o’r ddesg Gofrestru pan fyddwch yn cyrraedd yr yr Eastside Rooms. Ni neilltuir seddi penodol i westeion a gall gwesteion eistedd unrhyw le yn y lleoliad ac eithrio’r seddi sydd wedi’u cadw ar gyfer Darpar Raddedigion, gwesteion yr Is-Ganghellor neu ddefnyddwyr cadeiriau olwyn. Bydd y seddi cadw wedi’u marcio’n glir. Ceir mynediad i’r lleoliad trwy docyn yn unig a rhaid rhoi’r tocynnau i’r Stiwardiaid wrth y drysau. Bydd y drysau’n agor i westeion ryw hanner awr cyn dechrau’r seremoni.

Anfonir e-bost cyn bo hir i gadarnhau sawl tocyn a neilltuwyd ichi ar gyfer eich seremoni. Yn y cyfamser, peidiwch â chysylltu â champws Birmingham yn holi am argaeledd tocynnau gwesteion. Bydd y tocynnau gwesteion i gyd ar gael i’w casglu ar ddiwrnod y seremoni o’r Ddesg Gofrestru.   

Rhaid i Ddarpar Raddedigion wisgo gwisg academaidd ar gyfer cael eu cyflwyno yn y seremoni. Rhaid hefyd wisgo’n eithaf ffurfiol. Mae angen i’r cwfl (hood) gael ei ddal yn ddiogel yn ei le wrth siaced, crys neu flows.

Ar ddechrau’r seremoni, bydd y graddedigion a’r gwesteion yn sefyll wrth i’r staff academaidd ymdeithio i mewn i’r awditoriwm. Yn dilyn gair o groeso, bydd yr Is-Ganghellor a/neu uwch swyddogion eraill y Brifysgol yn eich annerch.

Wedi darlleniad o’r Proclamasiwn, cyflwynir y graddedigion i’r Is-Ganghellor (neu’r sawl a enwebwyd ganddi). Cewch eich annog gan dywyswyr i godi o’ch sedd ac aros mewn rhes yn barod i gael eich cyflwyno ar yr amser priodol. 

Bydd eich enw yn cael ei ddarllen ac ar y pwynt hwnnw byddwch chi’n esgyn i’r llwyfan, yn cerdded at yr Is-Ganghellor ac yn codi eich cap. Wedyn byddwch yn gadael y llwyfan a bydd aelod o staff yn eich tywys yn ôl i’ch sedd.

Wedyn bydd yr Is-Ganghellor yn gofyn i’r holl fyfyrwyr sy’n derbyn yr un dyfarniad i sefyll a bydd yn eich cyflwyno’n ffurfiol i’ch dyfarniad. Dylech godi eich cap mewn ymateb a pharhau i sefyll er mwyn derbyn Cyfarchion y Brifysgol.

Gan edrych ar yr Is-Ganghellor, plygwch eich pen ychydig a naill ai cydiwch ym mhigyn blaen eich cap neu codwch eich cap ychydig.

Bydd pob seremoni yn para tua 90 munud. Heblaw pan fyddwch yn cael eich cyflwyno, mae’n ofynnol i chi aros yn eich sedd gydol y seremoni.

Bydd y seremonïau yn cael eu ffrydio fan hyn.

Mae’n RHAID i chi sicrhau eich bod chi wedi talu unrhyw ddyledion academaidd i’r Brifysgol. Cysylltwch â’r Swyddfa Gyllid ar unwaith i drafod eich opsiynau. 

Os oes gennych unrhyw ddyledion academaidd heb eu talu ac os nad ydych wedi gwneud unrhyw drefniadau gyda’r Swyddfa Gyllid i’w clirio, gallech chi gael eich eithrio o’r seremonïau graddio.

Wrth raddio o Brifysgol Cymru Y Drindod Dewi Sant, byddwch yn dod yn aelod o Gymdeithas y Cyn-fyfyrwyr yn awtomatig. 

Yn aelod o’r Gymdeithas hon, byddwn ni’n rhoi gwybod i chi am newyddion a datblygiadau yn y Brifysgol – mae’n ffordd wych i ni gadw mewn cysylltiad â’n gilydd!

Mae tystysgrifau yn cael eu postio tua 8 wythnos wedi i’ch dyfarniad gael ei gadarnhau gan y Bwrdd Dyfarnu. 

Ni fydd tystysgrifau yn cael eu rhyddhau i fyfyrwyr nad ydynt wedi gwneud trefniadau gyda’r Swyddfa Gyllid i dalu eu dyledion. 

Os bydd gennych unrhyw ymholiad ynglŷn â’ch tystysgrif, cysylltwch â cofrestrfa@ydds.ac.uk