Ian Simmons

Mae gan Ian Simmons dros 30 mlynedd o brofiad yn y diwydiannau creadigol. Mae wedi gweithio fel dylunydd a darlunydd llawrydd ym mhob maes o’r diwydiant, gan gynhyrchu gwaith i sefydliadau fel y BBC, GIG (Cymru), y Weinyddiaeth Amddiffyn, Bwrdd Glo Cenedlaethol (Cymru), Warner Music Group, ac asiantaethau a chyhoeddwyr ledled y byd, gan ddarlunio llyfrau, cylchgronau a nofelau graffig.

Mae hefyd wedi gwasanaethu fel model rôl ar gyfer cynllun Syniadau Mawr Llywodraeth Cynulliad Cymru, gan ymweld ag ysgolion, colegau a phrifysgolion i siarad am entrepreneuriaeth a dechrau busnes.

Yn ogystal, mae Ian yn awdur a chyfarwyddwr artistig ar gyfer ffansîn elusennol Clwb Pêl-droed Dinas Abertawe sydd, dros yr 20+ mlynedd y mae ef wedi bod yn cyfrannu ato, wedi codi degau o filoedd o bunnoedd ar gyfer elusennau lleol.

Fel cerddor a chyfansoddwr caneuon, mae Ian wedi teithio’n helaeth yn y DU ac Ewrop, ac wedi bod yn gerddor sesiwn gweithgar mewn lleoliadau stiwdio, byw a darlledu. Yn aelod gweithgar o Undeb y Cerddorion, mae wedi ysgrifennu caneuon mewn amrywiaeth eang o arddulliau, gyda gweithiau wedi’u cyhoeddi gan gwmnïau yn cynnwys Warner/Chappell Music ac EMI.