Jessica Pitman

Mae gyrfa Dr Pitman wedi canolbwyntio ar blant, teuluoedd, addysg a datblygiad cymunedol. Dechreuodd Jessica fel nyrs bediatreg, ac yn ddiweddarach daeth yn nyrs plant cymunedol yn Ne Cymru, gan gefnogi plant â chyflyrau sy’n cyfyngu ar fywyd, eu teuluoedd a’u hysgolion. Sbardunodd y profiad hwn ddiddordeb mewn addysg oedolion a’i harwain at astudiaethau ôl-raddedig mewn datblygu cymunedol, datblygiad proffesiynol, trefniadaeth ac iechyd cyhoeddus. Mae hi wedi gweithio ym maes Datblygu Sefydliadol i awdurdod lleol, gan hyfforddi uwch reolwyr mewn hyfforddi a hwyluso. 

Fel hwylusydd teulu, cefnogodd deuluoedd ac arweiniodd grwpiau rhianta mewn ardaloedd Dechrau’n Deg, gan ymgorffori dulliau adferol a chanolbwyntio ar atebion gan gynnwys grwpiau cam-drin domestig. Yn ei gwaith gyda Chomisiynydd Plant Cymru, bu’n cynghori a chefnogi plant a phobl ifanc, a hwyluso ymgysylltu cyfranogol gan ddefnyddio’r dull Y Ffordd Iawn. Mae Jessica yn feddyliwr systemau, sy’n fedrus mewn cysylltu pobl i fynd i’r afael â heriau cymhleth.