Rhian Elinor Keyse

Mae Dr Rhian Elinor Keyse yn Ddarlithydd mewn Astudiaethau Hanesyddol Byd-eang, ac ymunodd â’r Drindod Dewi Sant ym mis Mehefin 2024. Mae’n hanesydd cymdeithasol a diwylliannol o rywedd yn Affrica fodern. Ar hyn o bryd mae’n cwblhau ei monograff cyntaf, yn seiliedig ar ei hymchwil doethurol i hanes priodasau gorfodol a phriodasau cynnar yn Affrica Drefedigaethol Prydain, c.1920-1965.

Mae ymchwil gyfredol Rhian Elinor yn cyfuno dulliau hanesyddol cymdeithasol-ddiwylliannol, cyfreithiol a meddygol at drais ar sail rhywedd yn Ghana a Kenya trefedigaethol ac ôl-drefedigaethol. Mae’n cymryd dull aml-lefel a chymharol, gan archwilio deinameg lleol, cenedlaethol, imperialaidd a rhyngwladol i broblemateiddio syniadau o ‘traddodiad’ a ‘diwylliant’ sy’n aml yn treiddio i drafodaethau am drais ar sail rhywedd yn y De Byd-eang. Yn fwy cyffredinol, mae ganddi ddiddordeb mewn hanesion rhywedd, hanesion y gyfraith, trosedd a chosb, hanesion plentyndod, gwaith dyngarol, datblygiad rhyngwladol a hawliau dynol. Mae ganddi brofiad helaeth o waith maes yn Ghana a Kenya.