Hepgor Ffioedd MEDR

Efallai caiff myfyrwyr sy’n astudio llai na 30 credyd y flwyddyn academaidd hon gael hepgor eu ffioedd os ydynt yn astudio gradd gyntaf, Gradd Sylfaen, HNC neu HND, neu gwrs addysg uwch israddedig arall sy’n cario credydau a ariannwyd gan MEDR – Y Comisiwn Addysg Drydyddol ac Ymchwil.

Meini prawf cymhwysedd myfyrwyr

Rhaid i fyfyriwr sydd wedi cofrestru ar gwrs cymwys:

(i) gael eu hystyried yn gymwys ar gyfer cyllid yn ôl y diffiniad a ddarparwyd yn arolwg Ystadegau Cynnar Myfyrwyr Addysg Uwch (HESES) MEDR

(ii) byw yng Nghymru (fel arfer byddai cael cyfeiriad yng Nghymru gan y myfyriwr yn cael ei ystyried yn dystiolaeth ddigonol o’u cartref yng Nghymru).

a bodloni un neu fwy o’r amodau a ganlyn:

a) mae’r myfyriwr neu deulu’r myfyriwr yn derbyn:

• Credyd Cynhwysol neu ei ragflaenyddion
• Lwfans Ceisio Gwaith
• Lwfans Cyflogaeth a Chymorth

b) mae’r myfyriwr yn derbyn:

• Lwfans gofalwyr neu gredyd gofalwyr
• Premiwm anabledd neu gymorth arianno arall cysylltiedig ag anabledd 
• Buddiannau profedigaeth

c) fod yn un o’r grŵp a ystyrir yn un sydd wedi’i dangyflawni mewn addysg uwch, fel:

• myfyrwyr o bob oed mewn ardaloedd yn nau gwintel waelod Mynegai Amddifadedd Lluosog Cymru 2019
• myfyrwyr o bob oed o ardaloedd cyfranogiad isel mewn AU y DU fel y mesurwyd gan gyfran oedolion o oedran gweithio sydd â chymwysterau AU o gyfrifiad 2011 (dau gwintel waelod)
• myfyrwyr sy’n gadael gofal neu â phrofiad o ofal • myfyrwyr ag anableddau • myfyrwyr o gefndiroedd lleiafrifol ethnig
• Myfyrwyr LHDTC+
• ffoaduriaid a cheiswyr lloches
• myfyrwyr sydd â chyfrifoldebau gofalu
• y rhai sy’n astudio trwy gyfrwng y Gymraeg.

At ddibenion meini prawf (a) diffiniad ‘teulu’ yw’r canlynol: pâr priod, partneriaeth sifil neu ddi-briod, neu bâr priod neu ddi-briod, neu bâr mewn partneriaeth sifil sydd â phlant dibynnol, neu unig riant â phlant dibynnol.

Rhaid bod cartref myfyrwyr cymwys yng Nghymru.  

I weld y manylion cymhwysedd llawn, gweler y ddogfen a ganlyn:

Rheoliadau MEDR

Ni fydd myfyrwyr sydd eisoes yn meddu ar radd gyntaf, Gradd Sylfaen, HNC neu HND, neu gwrs addysg uwch israddedig arall sy’n cario credydau a ariennir gan MEDR – Y Comisiwn Addysg Drydyddol ac Ymchwil ac sy’n astudio ar gyfer cymhwyster sydd o’r un lefel neu lefel is yn gymwys ar gyfer hepgor ffioedd. Nid yw cyrsiau nad ydynt y cario credydau na chyrsiau ôl-raddedig yn gymwys ar gyfer y cynllun.

Nid yw myfyrwyr yn gymwys ar gyfer cyllid i ailadrodd cwrs neu unrhyw fodylau neu unedau o fewn cwrs o dan unrhyw amgylchiadau.

Dylech hefyd nodi bod y cynllun hwn yn cael ei adolygu’n flynyddol gan MEDR; fe allai gael ei dynnu’n ôl cyn i chi gyflawni’r cymhwyster llawn.