Myfyrwyr BSc Therapi Chwaraeon ac Ymarfer Corff yn cefnogi Ironman Cymru 2025
Roedd myfyrwyr BSc Therapi Chwaraeon ac Ymarfer Corff Prifysgol Cymru Y Drindod Dewi Sant (PCYDDS) unwaith eto’n falch o bartneru ag Ironman Cymru ar gyfer ei ymgyrch yn 2025.
Dros benwythnos y ras, bu myfyrwyr ail flwyddyn a graddedigion diweddar yn darparu triniaethau tylino meinwe meddal yn ystod cofrestru i athletwyr oedd yn cystadlu, gan eu helpu i baratoi ac adfer cyn y digwyddiad byd-enwog yn Ninbych-y-pysgod. Trwy gymryd rhan yn ymarferol fel hyn cafodd y myfyrwyr brofiad amhrisiadwy mewn amgylcheddau chwaraeon perfformiad uchel yn y byd go iawn.
Dywedodd Siân Bowen, Darlithydd Therapi Chwaraeon ac Ymarfer Corff yn PCYDDS:
“Rhoddodd cyfleoedd fel Ironman Cymru gyfle i’n myfyrwyr roi eu dysgu ar waith mewn lleoliad prysur, proffesiynol. Cawsant brofiad uniongyrchol yn gweithio gydag athletwyr elît tra hefyd yn datblygu’r hyder a’r sgiliau y byddant yn mynd â nhw i’w gyrfaoedd yn y dyfodol.”
Bu’r myfyrwyr eu hunain yn myfyrio ar effaith y cyfle. I Sam Holland:
“Roedd yn brofiad gwych ac yn ysbrydoliaeth i weithio mewn digwyddiad mor fawreddog a gweld athletwyr o bob cwr o’r byd yn dod i gystadlu.”
Ychwanega Finley Jones:
“Roedd yn brofiad buddiol gan fod y rhain yn athletwyr ysbrydoledig yn gwthio eu cyrff i’r eithaf. Roedd yn fraint gweithio arnyn nhw a gwrando ar eu straeon.”
Meddai Cynyr Llewellyn-Jones:
“Roedd yn agoriad llygad gweld yr holl wahanol fathau o athletwyr o bob cwr o Ewrop, a sylwi sut roedd eu cyrff yn ymateb yn wahanol i ryddhau meinwe meddal.”
Yn dilyn y profiad cyffrous hwn, mae’r myfyrwyr yn edrych ymlaen at ailgychwyn y tymor newydd ac ennill profiad ymarferol pellach yn y clinig therapi meinwe meddal sy’n gweithredu ar y campws, lle byddant yn parhau i fireinio eu sgiliau a chefnogi ystod eang o gleientiaid.
Gwybodaeth Bellach
Lowri Thomas
Prif Swyddog Cyfathrebu a Chysylltiadau Cyhoeddus
Cyfathrebu Corfforaethol a Chysylltiadau Cyhoeddus
E-bost: lowri.thomas@pcydds.ac.uk
Ffôn: 07449 998476