O Newid Gyrfa i Lwyddiant Seiber: Prentis Gradd PCYDDS yn Cael Rôl Uwch Ddadansoddwr

Mae un o raddedigion Prifysgol Cymru Y Drindod Dewi Sant (PCYDDS), Mark Williams, o’r Eglwys Newydd, Caerdydd wedi dathlu carreg filltir yrfaol bwysig ar ôl cwblhau ei BSc yn Seiberddiogelwch Cymhwysol drwy raglen Radd Brentisiaeth y brifysgol – gan sicrhau dyrchafiad i Uwch Ddadansoddwr Seiberddiogelwch. 

Mae taith Mark, sydd ddim ond 30 oed, yn dyst i ddyfalbarhad a dysgu gydol oes.  Ar ôl dechrau ei yrfa yn y GIG, sylwodd yn fuan ei uchelgais i adeiladu dyfodol mwy technegol a gwerth chweil. 

“Ar ôl ychydig o flynyddoedd yn gweithio gyda chofnodion meddygol ym Mhrifysgol Ysbyty Cymru, roeddwn i’n gwybod fy mod i eisiau gwneud mwy gyda fy mywyd,” meddai Mark.  “Es i yn ôl i’r coleg i astudio Peirianneg Electronig a Thrydanol, wrth weithio’n rhan amser ar yr un pryd – roedd yn anodd cydbwyso’r cyfan, ond roeddwn i’n gwybod fy mod i eisiau parhau i ddysgu.”

Ar ôl pasio ei Lefelau A, ymunodd Mark ag Iechyd a Gofal Digidol Cymru (DHCW), lle clywodd am Radd Brentisiaeth PCYDDS mewn Seiberddiogelwch.  Profodd y cyfuniad o waith llawn amser g astudio yn y brifysgol yn llwybr ddelfrydol iddo. 

“Rwyf bob amser wedi cyfareddu gan TG a sut mae pethau’n gweithio,” esboniodd Mark.  “Pan ddechreuais ymchwilio i seiberddiogelwch, ces i fy nhynnu i’r ochr ymchwiliol - dadansoddi digwyddiadau, profi systemau, a datrys problemau.  Roedd yn berffaith i mi.”

Cafodd Mark ei ddyrchafu yn ystod ei astudiaethau, ac yn ddiweddarach ymunodd ag Ymddiriedolaeth GIG Prifysgol Felindre, lle gweithiodd o dan arweiniad Arweinydd Seiberddiogelwch a oedd newydd ei benodi.  Roedd ei brofiad ymarferol yn cynnwys rheoli digwyddiadau a phroblemau yn ymwneud â diogelwch gan ddefnyddio Microsoft Defender a Sentinel, yn ogystal â dylunio a rhedeg efelychiadau gwe-rwydo ar draws y sefydliad – prosiect a ddaeth yn ffocws i’w draethawd hir olaf. 

“Mae’r cwrs wedi fy helpu’n enfawr wrth ennill profiad ymarferol a hyder,” meddai Mark.  “Cyfrannodd yn uniongyrchol i’m dyrchafiad.  Ni fyddwn le’r ydw i heddiw oni bai amdano.” 

Mae Mark yn priodoli ei lwyddiant i’r cydbwysedd o ddamcaniaeth a chymhwysiad ymarferol ar y cwrs, yn ogystal â chefnogaeth ei diwtoriaid a’i gyfoedion. 

“Yn bendant, y bobl ar y cwrs, gan gynnwys y staff, a’r dysgu ymarferol gyda switshis, ystafelloedd rhithwir a labordai Cisco oedd yr uchafbwyntiau,” meddai.  Gwnaeth PCYDDS iddi’n bosibl i mi droi rhywbeth rwy’n ei garu’n yrfa.”

Mae Marc sydd bellach yn gweithio fel Uwch Ddadansoddwr Seiberddiogelwch, yn parhau i adeiladau ar y sgiliau a’r profiad a ddatblygodd drwy’r Radd Brentisiaeth. 

“Mae wedi bod yn daith hir  - o ddod o hyd i fy nghyfeiriad i adeiladu gyrfa rwy’n angerddol yn ei chylch.  Y Radd Brentisiaeth yn PCYDDS oedd y trobwynt a wnaeth i hyn ddigwydd.”

Ynglŷn â Rhaglen Radd Brentisiaeth PCYDDS

Mae Gradd Brentisiaethau PCYDDS mewn Seiberddiogelwch Cymhwysol, Peirianneg Feddalwedd, a Gwyddor Data yn caniatáu i weithwyr proffesiynol ennill gradd wrth weithio yn y diwydiant.  Mae’r rhaglenni’n cyfuno astudiaethau academaidd gyda phrofiad ymarferol yn y byd go iawn, gan baratoi dysgwyr ar gyfer gyrfaoedd gwerth chweil yn y sector digidol. 

Capsiwn: Mae Mark Williams (chwith) yn y llun gyda Steve Hole, Swyddog Cyswllt Prentisiaid PCYDDS.

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
Ffôn: 07384 467071