Sioe Doethuriaeth Broffesiynol Celf a Dylunio yn agor yng Ngholeg Celf Abertawe
Mae Coleg Celf Abertawe ym Mhrifysgol Cymru Y Drindod Dewi Sant yn gyffrous o gyhoeddi Llifo, sef Sioe Radd Doethuriaeth Broffesiynol Celf a Dylunio 2025, sy’n agor gyda rhagolwg arbennig o’r noson ddydd Mawrth, 24 Mehefin rhwng 5 ac 8pm yn Stiwdio Griffith, Campws Dinefwr.
Mae’r arddangosfa grŵp ddeinamig hon wedi’i gwreiddio yn y cysyniad Cymraeg o lifo, ac mae’n archwilio themâu symudiad, trawsnewid ac ailgysylltu trwy gelf gyfoes a dylunio dan arweiniad ymchwil. Mae’n cynnwys gwaith gan dri ar ddeg o ymgeiswyr doethuriaeth rhyngwladol, mae Llifo yn nodi penllanw taith academaidd a chreadigol tair blynedd a gynhaliwyd gan artistiaid o bob rhan o Ewrasia.
Trwy ystod o gyfryngau gan gynnwys gosodiad, perfformiad, cerflunio, celf ddigidol, a rhagor, mae’r artistiaid yn holi hunaniaethau personol a diwylliannol sy’n esblygu, tir newidiol treftadaeth, a chroestoriad y ffisegol a’r rhithwir. Mae’r arddangosfa yn garreg filltir academaidd ac yn ddatganiad artistig hollbwysig, sy’n cynnig safbwyntiau newydd ar rôl ymarfer creadigol yn y byd globaleiddiedig ond hynod leol heddiw.
Artistiaid sy’n cymryd rhan:
CHEN Yizhi, CUI Xiaotang, FU Mengxi, HUANG Chiqian, LIN Xingchen, LIN Yuran, LU Wenying, RUAN Haoyi, SUN Meng, XIAO Hanyu, ZHANG Hengtai, ZHANG Jingye a ZHANG Lingling.
Meddai’r darlithydd Kylie Boon: “Tîm y Curaduron Doethurol sydd wedi curadu Llifo, ac mae’n cyflwyno gofod adfyfyrio ac ailgysylltu, gan annog ymwelwyr i ymgysylltu â naratifau diwylliannol cymhleth ac adfyfyrio ar sut y gall celf feithrin deialog ar draws ffiniau, cenedlaethau a disgyblaethau.”
Mae’r Themâu Allweddol yn cynnwys:
- Hunaniaeth a hunanfynegiant
- Treftadaeth ddiwylliannol ac ailddehongli
- Rhithwiredd yn erbyn realiti
- Cof cymunedol a chyfunol
- Disgwrs ddiwylliannol gynhwysol mewn cyd-destunau cyfoes
“Rydyn ni wedi ein denu at yr hyn sy’n llifo, dŵr, meddwl, sgwrs, amser. Yn Llifo, nid thema yn unig yw llif, ond methodoleg a meddylfryd hefyd,” meddai’r tîm curadurol. “Mae’r arddangosfa hon yn gwahodd gwylwyr i ystyried sut rydyn ni’n llywio newid, sut rydyn ni’n cadw mewn cysylltiad, a sut rydyn ni’n dychwelyd i’r lle, i’r cof, ac i ni ein hunain.”
Mae mynediad yn rhad ac am ddim ac yn agored i’r cyhoedd.
Manylion yr Arddangosfa:
Noson Agoriadol: Dydd Mawrth 24 Mehefin, 5pm i 8pm
Dyddiadau: 24 Mehefin i 6 Gorffennaf 2025
Lleoliad: Stiwdio Griffith, Dinefwr, Coleg Celf Abertawe, PCYDDS
Cyfeiriad: Stryd De La Beche, Abertawe, SA1 3EU
Ynglŷn â’r Ddoethuriaeth Broffesiynol mewn Celf a Dylunio yn PCYDDS
Mae’r Ddoethuriaeth Broffesiynol mewn Celf a Dylunio yn radd ymchwil a gynlluniwyd ar gyfer y rhai sy’n awyddus i lunio dyfodol celf, dylunio ac ymarfer trawsddisgyblaethol. Mae’r rhaglen wedi’i gwreiddio mewn arloesedd creadigol, ac mae’n gwahodd ymgeiswyr i ymgymryd ag ymchwiliadau gwreiddiol sydd nid yn unig yn cyfrannu gwybodaeth newydd, ond hefyd yn gwthio ffiniau, herio confensiynau, ac ail-ddychmygu beth sy’n bosibl yn eu meysydd. Ochr yn ochr ag ymchwiliad academaidd, mae ymgeiswyr yn datblygu arbenigedd proffesiynol gweledigaethol, gan eu paratoi nhw i arwain, dylanwadu ac ysbrydoli yn y dirwedd greadigol sy’n esblygu.
Gwybodaeth Bellach
Rebecca Davies
Swyddog Gweithredol Cysylltiadau â’r Wasg a’r Cyfryngau
Cyfathrebu Corfforaethol a Chysylltiadau Cyhoeddus
E-bost: rebecca.davies@pcydds.ac.uk
Ffôn: 07384 467071