Yr Athro Nick Campion o Brifysgol Cymru Y Drindod Dewi Sant yn trafod ‘Haf Cariad’ ar bodlediad Nightlife ABC

Ymddangosodd yr Athro Nick Campion o Brifysgol Cymru Y Drindod Dewi Sant (UWTSD) yn ddiweddar ar bodlediad Nightlife ABC i archwilio etifeddiaeth ddiwylliannol a chosmig ‘Haf Cariad’ ym 1967.

Mewn trafodaeth ddiddorol gyda Suzanne Hill o dan y teitl “Blodeuodd pŵer blodau a chwyldro yn haf ‘67”, mae’r Athro Campion yn ymchwilio i sut roedd yr adeg hollbwysig hon mewn hanes modern yn adlewyrchu newid diwylliannol ac ysbrydol dwfn, gyda dylanwad parhaol ar feddwl cyfoes.

🎧 Gwrandewch ar y bennod yma: ABC Nightlife – Summer of Love

Gan fyfyrio ar y cyfnod hwnnw, dywedodd yr Athro Campion:

“Roedd Haf Cariad yn llawer mwy na cherddoriaeth a phrotest yn unig. Roedd yn drobwynt yn y ffordd yr oedd pobl yn meddwl am ymwybyddiaeth, ysbrydolrwydd, a’r cosmos. Mae llawer o’r syniadau a ddaeth i’r amlwg ym 1967 yn dal i atseinio yn y ffordd yr ydym yn gweld y byd heddiw.”

Yr Athro Campion yw Cyfarwyddwr rhaglen MA unigryw Prifysgol Cymru Y Drindod Dewi Sant mewn Seryddiaeth Ddiwylliannol ac Astroleg, sy’n archwilio’r berthynas rhwng y cosmos, diwylliant ac ymwybyddiaeth ar draws amser a thraddodiadau.

Dysgwch fwy am y cwrs yma: MA Seryddiaeth Ddiwylliannol ac Astroleg

Eleni hefyd yw degfed pen-blwydd llyfr dylanwadol yr Athro Campion, The New Age in the Modern West: Counterculture, Utopia and Prophecy from the Late Eighteenth Century to the Present Day (Bloomsbury Academic), sy’n archwilio ymhellach lawer o’r themâu a drafodwyd yn y podlediad.

Gwybodaeth Bellach

Arwel Lloyd

Prif Swyddog Cyfathrebu a Chysylltiadau Cyhoeddus     
Cyfathrebu Corfforaethol a Chysylltiadau Cyhoeddus     
E-bost: arwel.lloyd@pcydds.ac.uk  
Ffôn: 07384 467076