Angharad Lewis

Mae Mrs Angharad Lewis yn weithiwr ieuenctid â chymwysterau proffesiynol ac mae hi wedi bod yn Ddarlithydd mewn Gwaith Ieuenctid yn PCYDDS ers 2006, gyda’i haddysgu wedi’i wreiddio mewn arfer helaeth. Mae pum mlynedd o brofiad yn weithiwr ieuenctid mewn ysgolion yn sail i’w harfer academaidd a phroffesiynol, yn ogystal â mwy na thair blynedd yn arwain dau glwb ieuenctid, lle datblygodd fannau cefnogol a diogel ar gyfer pobl ifanc. Ar lefel genedlaethol, bu’n gweithio yn Swyddog Datblygu Cenedlaethol ar gyfer Gwobr Dug Caeredin, gan gryfhau darpariaeth Gymraeg, creu adnoddau, a chynyddu cyfranogiad pobl ifanc. 

Y tu hwnt i gyflogaeth, mae hi wedi gwirfoddoli’n eang, gan gynnwys gyda chlybiau ieuenctid a sefydliadau sy’n cefnogi pobl ifanc ag anableddau. Mae’r profiadau hyn yn rhoi dealltwriaeth ymarferol eang iddi o Waith Ieuenctid a Chymunedol, wedi’i seilio ar ei egwyddorion a’i werthoedd craidd. Mae hi’n frwd dros gefnogi twf pobl ifanc ac yn llwyr ymroddedig i ysbrydoli ac arfogi’r genhedlaeth nesaf o weithwyr ieuenctid.