Richard Sutton

Mae Richard Sutton yn Uwch Ddarlithydd mewn Mathemateg Peirianneg, cwblhaodd ei astudiaethau israddedig ac ôl-raddedig ym Mhrifysgol Abertawe, gan raddio gyda BSc. (Anrh) yn 2010 ac MSc yn 2011.  

Roedd ei ymchwil Meistr yn canolbwyntio ar algorithmau paru llinynnau bras ym maes biowybodeg. Roedd hyn yn cynnwys dadansoddi, gweithredu ac optimeiddio technegau megis algorithm Bitap, algorithmau Needleman-Wunsch a Smith-Waterman, a oedd yn dibynnu’n helaeth ar gyfrifiadura sy’n seiliedig ar matrics. Cymhwyswyd y dulliau hyn i adnabod dilyniannau DNA niweidiol o fewn samplau biolegol, gan ddangos integreiddio ymarferol mathemateg gyfrifiadurol a bioleg. 

Ar lefel israddedig, arbenigodd Richard yn sylfeini ystadegol rheoli a gwyddoniaeth actiwaraidd. Cymhwysodd ei draethawd ymchwil ddadansoddiad empirig i setiau data cyfres amser ar raddfa fawr, gan ddefnyddio technegau ystadegol megis dad-dymhoroli data a dadansoddi cydberthnasoedd.