Professional in green top working at a wooden table in a bright co-working café with natural light, brick walls, and indoor plants — modern workspace with collaborative atmosphere.

Rhaglen Fentora

Cynllun gwirfoddol

Fel aelod o’n cymuned o gyn-fyfyrwyr, gallai eich gwybodaeth a’ch profiad chi wneud gwahaniaeth gwirioneddol i fyfyrwyr heddiw.

Trwy ein Rhaglen Fentora, cewch gyfle i:

  • gysylltu’n uniongyrchol â myfyriwr

  • cynnig arweiniad iddynt

  • rhannu eich taith

  • chryfhau eich sgiliau proffesiynol eich hun ar hyd y ffordd

Mae’r cynllun gwirfoddol hwn wedi’i gynllunio i fod yn hyblyg, yn foddhaus ac i gael effaith - i chi a’ch mentai. 

Become a mentor

Myfyrwyr yn gweithio gyda'u llyfrau nodiadau

Manteision dod yn fentor

Trwy fod yn Fentor, byddwch yn:

  • helpu myfyriwr i feithrin hyder, datblygu sgiliau gyrfa, a chael mewnwelediad i’r byd gwaith

  • gwella eich sgiliau cyfathrebu, hyfforddi ac arwain eich hun

  • eEhangu eich rhwydwaith proffesiynol trwy gysylltiadau newydd

  • profi’r boddhad o roi’n ôl i gymuned PCYDDS

Manteision dod yn fentor

Mae’r rhaglen yn syml ac wedi’i chynllunio i gyd-fynd â’ch ymrwymiadau.

Mae’n cynnwys:

  • hyd: rhaglen dreigl 6 mis

  • ymrwymiad amser: tua 2 awr y mis (ar-lein neu wyneb yn wyneb)

  • paru: byddwch yn cael eich paru â myfyriwr yn seiliedig ar ddiddordebau a lle bo’n bosibl, lleoliad daearyddol. Ar ôl i chi gael eich paru, chi sydd i benderfynu pryd i ddechrau ar eich mentora

  • cefnogaeth: darperir canllawiau ac adnoddau drwy gydol y cyfnod, ynghyd â sesiynau hyfforddi a gwybodaeth i fentoriaid

Eich rôl

Nid eich rôl chi yw darparu’r holl atebion, ond yn hytrach i wrando, annog a rhannu mewnwelediadau o’ch taith eich hun. Gofynnir i chi:

  • gefnogi eich mentai wrth osod a  gweithio tuag at eu nodau eu hun

  • bod yn glust i wrando, gan gynnig adborth adeiladol a safbwyntiau ffres

  • annog myfyrwyr i archwilio syniadau, meithrin hunan-gred, a chymryd perchnogaeth o’u dewisiadau

  • cynnal cyfrinachedd a pharch o’r ddwy ochr trwy gydol y berthynas fentora

Mentora anghyfeiriol

Er y gallwch arwain sgyrsiau weithiau, y myfyriwr sy’n gosod yr agenda. Mae eich rôl yn fwy o hwylusydd a hyfforddwr – yn eu tywys, eu herio a’u grymuso i feddwl yn wahanol a datblygu hyder yn eu penderfyniadau.

Cofrestrwch eich diddordeb i ddod yn fentor

Os ydych chi’n barod i helpu i lunio’r genhedlaeth nesaf o raddedigion PCYDDS, cofrestrwch eich diddordeb heddiw i fod yn rhan o’r rhaglen foddhaus hon.