Jonathan Pugh BA, PGCHE, MA

Mae Jonathan wedi bod yn unigolyn pwysig ym maes y celfyddydau perfformio yn Y Drindod Dewi Sant ers sawl blwyddyn – mae ganddo radd gyntaf mewn Theatr, Ffilm a Theledu o Brifysgol Aberystwyth a hoffter o ddulliau dysgu dilys, ac mae’n rhoi dehongliad naratif ar waith, wedi’i ysgogi gan ei MA mewn Astudiaethau Clasurol.

Mae Jonathan wedi cynnwys fformatau digidol a chyfryngau cyfoes mewn cynyrchiadau theatr ymarferol traddodiadol a chyfoes erioed er mwyn creu paradeimau perfformio arloesol. Yn ystod ei amser yn Rheolwr Rhaglen ar gyfer rhaglenni diwydiannau creadigol yn Y Drindod Dewi Sant, mae wedi goruchwylio rhaglenni mewn Perfformio Cyfoes, Theatr Dechnegol, Drama Gymhwysol (Abertawe), Perfformio, Cyfryngau Creadigol, Cerddoriaeth, a Drama Gymhwysol (Caerfyrddin).

Cyn ymuno â’r Drindod Dewi Sant, roedd Jonathan wedi gweithio ag ymarferwyr a chwmnïau allweddol yn y byd celfyddydol Cymreig, gan gynnwys Eddie Ladd, Cliff McLucas, Sera Moore Williams (Cwmni’r Gymraes), Sian Summers (Cwmni Rhiniog) a Spectacle Theatre, ac wedi cefnogi prosiectau myfyrwyr ym Mhrifysgol Aberystwyth.

Mae Jonathan yn parhau i hyfforddi ag ymarferwyr theatr gorfforol a dawns i gyfuno ymarfer ag archwiliad personol. Mae’r arfer ymchwil hwn yn hwyluso sgwrs rhwng hunaniaeth a lleoliad, corff a gofod, ac yn ysgogi ymatebion creadigol i ddoethineb cyffredin ar ein tirwedd gyfoes.

• Perfformiadau sy’n benodol i safle ac sy’n ymateb i safle;
• Ymarfer yn ymchwil, cyd-destun, a’r weithred greadigol – ble mae hyn yn dechrau?
• Theatr fynegiadol gyda diddordeb arbennig yn Buchner, a theatr Brecht;
• Hyfforddiant theatr gorfforol gyfoes (yn deillio o Lecoq, Grotowski), Butoh;
• Mytholeg a natur: Mytholeg Groeg yr Henfyd a chreu mytholeg fodern;
• Perfformio’r hunan: hunaniaeth ar-lein a pherfformio er mwyn cofio mewn amgylchedd cynyddol ddigidol;
• Addysg gorfforol awyr agored ac ymarfer mewn natur ar gyfer gwydnwch ac iechyd meddwl cadarn.

• Dyfeisio, perfformiadau sy’n ymateb i safle, gwaith perfformio aml-lwyfan
• Cynllunio’r cwricwlwm, cydweithio rhyngddisgyblaethol, dylunio asesiadau annhraddodiadol
• Golygu, recordio sain a fideo, rheoli perfformiadau byw
• Perfformiadau cyfranogol
• Sicrhau ansawdd a gweithredu swyddogaethol