Croeso i'ch Undeb Myfyrwyr
Ni yw Undeb y Myfyrwyr ar gyfer pob myfyriwr ym Mhrifysgol Cymru y Drindod Dewi Sant, ble bynnag a sut bynnag maen nhw'n astudio.
Fel elusen annibynnol dan arweiniad myfyrwyr, rydym yn gweithio gyda'r brifysgol i sicrhau bod myfyrwyr yn cael eu clywed. Byddwn yn siarad dros fyfyrwyr, yn sefyll dros eu hawliau, ac yn eu grymuso i wneud y gorau o'u hamser yn y brifysgol. Unwaith y byddant wedi ymrestru, mae myfyrwyr yn aelodau o'r undeb yn awtomatig; nid oes unrhyw ffurflenni i'w llenwi na ffioedd i'w talu.
Dan arweiniad myfyrwyr, ar gyfer myfyrwyr
Mae rhwydwaith o gynrychiolwyr myfyrwyr yn gweithio gyda’i gilydd i sicrhau bod llais myfyrwyr yn cael ei glywed, ar draws yr Undeb, y Brifysgol, ac ar lefel genedlaethol.
Fel myfyriwr, cewch gyfle i lenwi’r rolau hyn (a dewis pwy sy’n cael ei ethol trwy ein hetholiadau). O gynrychiolwyr cwrs i swyddogion sabothol, mae yna lwyth o rolau ar gael, rhai rhan-amser a llawn-amser, ac mae rhai ohonynt yn gyflogedig.
Gallwch hefyd ddweud eich dweud trwy rannu eich syniad ar ein Fforwm Syniadau Mawr.
Cynrychiolaeth, Etholiadau a Syniadau
Bywyd Myfyrwyr a’r Gymuned
Mae mwy i fywyd yn y Brifysgol na darlithoedd. Dyna pam rydyn ni’n helpu myfyrwyr i redeg eu clybiau, cymdeithasau a’u grwpiau diddordeb eu hunain. Rydyn ni am helpu myfyrwyr i gwrdd â phobl newydd a gwneud ffrindiau newydd. Gall myfyrwyr hefyd helpu eu cymunedau trwy ein prosiectau Codi Arian a Rhoi (RAG).
Ewch i’n Tudalennau Gweithgareddau
Cyngor a Chymorth
Mae gennym aelodau staff ymroddedig sy'n gallu helpu myfyrwyr gyda materion academaidd. Rydyn ni yma hefyd os oes angen cyngor ar fyfyrwyr; o dai a llety i iechyd a chyllid. Gallwn helpu myfyrwyr i ddod o hyd i'r cymorth sydd ei angen arnynt.
Digwyddiadau a Bariau
Rydym yn cynnal ystod o ddigwyddiadau trwy gydol y flwyddyn, gan gynnwys yr Wythnosau Croeso swyddogol. Mae gennym ni hefyd leoliadau ar gampysau Caerfyrddin a Llambed; perffaith ar gyfer myfyrwyr sy'n byw ar y campws, neu ar gyfer ymlacio ar ôl darlithoedd.
Dilynwch ni
Gallwch gadw’n gyfoes â gwaith eich Undeb Myfyrwyr trwy ein dilyn ar gyfryngau cymdeithasol a chofrestru ar gyfer ein cylchlythyr.
