Myfyriwr Technoleg Cerddoriaeth Greadigol yn Trefnu Noson i Ysbrydoli gyda’r Cyfansoddwyr Caneuon Adnabyddus Mal Pope a Steve Balsamo

Trefnodd Alex Owens, myfyriwr Lefel 6 ar y rhaglen BA Technoleg Cerddoriaeth Greadigol yn PCYDDS, noson i ysbrydoli yn cynnwys y cyfansoddwyr caneuon enwog Mal Pope a Steve Balsamo, gyda chefnogaeth seren y dyfodol Brook Fox. 

Cynhaliwyd y digwyddiad unigryw hwn ddydd Gwener 3 Ionawr 2025 yn Oriel Elysium yn Abertawe, ac roedd yn rhan o fodwl Prosiect Annibynnol Alex yn ei flwyddyn olaf a chynigiai gyfuniad cyfoethog o berfformiadau byw, adfyfyrion personol, a chipolwg tu ôl i’r llenni i fyd cyfansoddi caneuon. 

Roedd y noson yn cynnwys setiau acwstig byw gan Mal Pope, sydd hefyd yn Athro Ymarfer yn y Brifysgol a Steve Balsamo, Cymrawd Anrhydeddus, yn gymysg â sgyrsiau manwl am eu prosesau creadigol, profiadau yn y diwydiant cerddoriaeth, a dulliau o gyfansoddi caneuon.  Rhoddai gyfle i fod yn dyst i ryngweithiad cerddoriaeth ac adrodd stori mewn lleoliad agos atoch, gan roi cipolwg prin ar feddyliau dau artist adnabyddus. 

Roedd y digwyddiad hefyd yn nodi lansio prosiect newydd arloesol Alex, “Sessions”, brand sy’n cyfuno perfformiadau byw â chynnwys digidol i ymgysylltu â chynulleidfaoedd mewn modd ffres, rhyngweithiol.  Drwy ymchwil, cyfweliadau, a digwyddiadau amser real, nod Alex yw adeiladu model cynaliadwy ar gyfer mentrau creadigol yn y dyfodol. 

Meddai Alex Owens: “Fel myfyriwr Technoleg Cerddoriaeth Greadigol, y digwyddiad hwn yw anterth f’ymchwiliad i berfformio byw, y cyfryngau digidol, ac ymgysylltu â chynulleidfa.  Rwyf wrth fy modd i arddangos doniau Mal Pope a Steve Balsamo wrth lansio brand Sessions yn rhan o’m prosiect blwyddyn olaf.”

Mae gradd Technoleg Cerddoriaeth Greadigol PCYDDS wedi’i llunio i roi’r sgiliau artistig, technegol, creadigol, a phroffesiynol i chi sydd eu hangen ar gyfer gyrfa yn y diwydiannau cerddoriaeth.  Mae’r radd hon yn un ymarferol iawn ac â ffocws ar y diwydiant, gydag ymagwedd aml-sgil sy’n cynnwys cyfansoddi, dadansoddi, recordio a chynhyrchu. 

Rhoddwyd yr holl elw o werthu tocynnau i’r sefydliad celfyddydol annibynnol Elysium.  Dywedodd Scott Mackay, Rheolwr Digwyddiadau yn Elysium: “Roeddem wrth ein bodd yn gweithio gydag Alex ar ôl iddo ragori yn gweithio yma fel peiriannydd sain, ac fe luniodd noson wirioneddol anhygoel o adloniant yn cynnwys rhai o berfformwyr Abertawe. Roedd y noson yn un anferthol. llwyddiant, a gallwn aros i weld beth mae’n ei wneud nesaf!”

Ynglŷn â’r Artistiaid 

Mae Mal Pope a Steve Balsamo yn gyfansoddwyr caneuon a pherfformwyr uchel eu parch â gyrfâu disglair yn y diwydiant cerddoriaeth.  Mae’r ddau artist yn adnabyddus am eu geiriau pwerus a’u halawon cofiadwy, ac â thoreth o brofiad i’w rannu.  

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
Ffôn: 07384 467071