Cyfleusterau Hanes ac Archaeoleg
Ein Cyfleusterau
Ym Mhrifysgol Cymru Y Drindod Dewi Sant (PCYDDS), rydym yn cynnig amgylchedd dysgu unigryw a chyfoethog sy’n blaenoriaethu dosbarthiadau bach, pwrpasol, ac yn gadael lle i gymorth personol a chydweithio â chymheiriaid.
Wedi’u lleoli ar ein campws yng Nghaerfyrddin, gall myfyrwyr ar ein rhaglenni Hanes ac Archaeoleg ymgolli yn eu hastudiaethau academaidd wrth fwynhau harddwch naturiol eu hamgylchedd.
Ochr yn ochr â chyfarpar arbenigol, mae gan fyfyrwyr fynediad at lyfrgell gynhwysfawr ac amrywiaeth o fannau astudio.
Mae ein Cyfleustera yn cynnwys
Ein Cyfleusterau Hanes ac Archaeoleg
Mae campws Caerfyrddin yn cynnig cyfoeth o gyfleusterau i fyfyrwyr sy’n astudio Hanes ac Archaeoleg. Mae’r adnoddau hyn wedi eu cynllunio i gefnogi rhagoriaeth academaidd a darparu profiad addysgol cynhwysfawr.
Mae gan ein myfyrwyr fynediad at ystod o gyfarpar TG ac adnoddau helaeth yn ein Casgliadau Arbennig ac Archifau yn Llambed, sy’n cynnwys Llyfrgell ac Archifau Roderic Bowen.
Rydym hefyd yn darparu cyfleoedd ar gyfer teithio ac astudiaethau rhyngwladol, gan gyfoethogi safbwyntiau byd-eang ein myfyrwyr.
Labordai Archaeoleg
Yng Nghaerfyrddin, mae myfyrwyr yn elwa o labordai archaeoleg un pwrpas sydd ag offer a thechnoleg blaengar.
Mae’r labordai hyn yn cynnig cyfleoedd dysgu ymarferol, gan adael i fyfyrwyr ymgysylltu’n uniongyrchol â deunyddiau a thechnegau archeolegol.
Mae’r amgylchedd arbenigol yn ddelfrydol ar gyfer cynnal ymchwil, dadansoddi arteffactau, ac ennill profiad ymarferol sy’n hanfodol ar gyfer gyrfa mewn archaeoleg.
Cyfoethogir y profiad trochol hwn ymhellach drwy gyfleoedd ar gyfer teithio ac astudiaethau rhyngwladol, sy’n ehangu safbwyntiau myfyrwyr a’u harbenigedd yn y maes.
Adnoddau Ymchwil
Gyda trafnidiaeth ar gael i Lyfrgell ac Archifau Roderic Bowen, ac yn un o brif adnoddau ymchwil academaidd Cymru, mae’r Casgliadau Arbennig ac Archifau yn Llambed yn rhoi mynediad i ystod o fannau dysgu hyblyg i gefnogi ein holl fyfyrwyr.
Wedi eu casglu dros y 200 mlynedd diwethaf, mae casgliadau arbennig Prifysgol Cymru y Drindod Dewi Sant yn cynnwys mwy na 35,000 o weithiau printiedig, wyth llawysgrif ganoloesol, tua 100 llawysgrif ôl-ganoloesol, a 69 incwnabwlwm.
Yn ogystal, mae llyfrgell goffa Tony Brothers, a enwir ar ôl cyn-ddarlithydd yn y Clasuron yn PCYDDS, yn fan fach, sy’n llawn adnoddau defnyddiol y gall myfyrwyr ymgynghori â nhw, gan gynnwys y Lexicon Iconographicum Mythologiae Classicae.
Oriel Gyfleusterau
Mesur amser
Mae ein labordai Archaeoleg arbenigol yn llawn offer blaengar.
Cydweithio
Mae myfyrwyr yn cael profiad ymarferol.
Adnoddau Ymchwil
Mynediad rhagorol i ddogfennau hynafol a thechnolegau modern.
Dig in
Get a real feel for archaeology with opportunities to practise your skills.
Bywyd Campws
Bywyd ar gampws Caerfyrddin
Archwiliwch yr ystod ardderchog o gyfleusterau sydd ar gampws Caerfyrddin, ac yn cynnig profiad buddiol cyffredinol i fyfyrwyr. Mae’r campws yn cynnwys adnoddau dysgu o’r radd flaenaf, mannau ar gyfer celfyddydau creadigol, stiwdios ac ystafelloedd ymarfer, a mannau addysgu arloesol. Mae’r llyfrgell yn llawn dop o gasgliadau digidol a chorfforol. Gall myfyrwyr gymryd rhan mewn gweithgareddau allgyrsiol yn y ganolfan chwaraeon, sy’n cynnwys campfa, dosbarthiadau ffitrwydd a chaeau chwaraeon. Yn ogystal, mae gan y campws ddigonedd o fannau cymdeithasol, caffis a hwb undeb y myfyrwyr, gan greu awyrgylch cymuned bywiog sy’n berffaith ar gyfer twf academaidd a phersonol.
