Addysg Gynradd gyda SAC (BA)

Mae’r cynnwys craidd yn cynnwys:

• Lleoliad amgen – cyfle i brofi addysg yn ei hystyr ehangach;
• Pontio – y broses lle bo gwybodaeth ymarferol a damcaniaethol yn cwrdd, a chaiff y dull trawsnewidiol ei gyflawni;
• Modylau gorfodol – cynnwys sy’n cael ei gyd-adeiladu a’i gyd-ddarparu (pedagogaidd a chysylltiedig â phwnc) y rhaglen a fydd yn sail i astudiaeth israddedig;
• Dewisol – profiad yn yr ysgol ac a gefnogir gan y Brifysgol lle gall myfyrwyr ddewis dilyn trywydd ymholi mwy arbenigol er mwyn dyfnhau eu gwybodaeth o’r cwricwlwm.
• Cynhadledd partneriaeth – y cyfle i rannu arfer gorau mewn digwyddiad cynhadledd er mwyn gallu trawsnewid y bartneriaeth;
• Statws Athro Cymwysedig – llwybr proffesiynol gorfodol sy’n arwain at ddyfarniad statws athro cymwysedig;
• Datblygu Sgiliau’r Gymraeg – llwybr proffesiynol gorfodol i ddatblygu hyder a gallu graddedigion wrth siarad Cymraeg.

Bydd cyfanswm o 24 awr wedi’i leoli mewn ysgol i gael profiad addysgu proffesiynol.

Blwyddyn Un – Lefel 4 

• Cylch 1 Astudiaethau Craidd: Y Dysgwr: pwy ydw i’n ei addysgu? (20 Credyd)
• Cylch 1 Astudiaethau Proffesiynol ac Addysgegol: Arwain y Dysgu: beth, sut a pham ydw i’n addysgu? (30 Credyd)
• Cylch 1 Astudiaethau Craidd: Dysgwyr, Ysgolion a Chymunedau: ble’r ydw i’n addysgu? (30 Credyd)
• Cylch 1 Astudiaethau Proffesiynol ac Addysgegol: Ymchwilio i’r Dysgu: beth, sut a pham ydw i’n addysgu? (20 Credyd)
• Dysgu yn yr Oes Ddigidol (20 credyd; modwl Fframwaith Priodoleddau Graddedigion).

Blwyddyn Dau – Lefel 5 

• Cylch 2 Astudiaethau Craidd: Y Dysgwr: pwy ydw i’n ei addysgu? (30 Credyd)
• Cylch 2 Astudiaethau Proffesiynol ac Addysgegol: Arwain y Dysgu: beth, sut a pham ydw i’n addysgu? (30 Credyd)
• Cylch 2 Astudiaethau Craidd: Dysgwyr, Ysgolion a Chymunedau: ble’r ydw i’n addysgu? (30 Credyd)
• Cylch 2 Astudiaethau Proffesiynol ac Addysgegol: Ymchwilio i’r Dysgu: beth, sut a pham ydw i’n addysgu? (30 Credyd).

Blwyddyn Tri – Lefel 6  

• Cylch 3 Astudiaethau Craidd: Y Dysgwr: pwy ydw i’n ei addysgu? (30 Credyd)
• Cylch 3 Astudiaethau Proffesiynol ac Addysgegol: Arwain y Dysgu: beth, sut a pham ydw i’n addysgu? (30 Credyd)
• Cylch 3 Astudiaethau Craidd: Dysgwyr, Ysgolion a Chymunedau: ble’r ydw i’n addysgu?
• Cylch 3 Astudiaethau Proffesiynol ac Addysgegol: Ymchwilio i’r Dysgu: beth, sut a pham ydw i’n addysgu? (30 Credyd).

Mae pob modwl yn orfodol.

Mae cynllun y rhaglen yn darparu’r cyfle i asesiadau gael eu cysylltu’n agos ag arfer ystafell ddosbarth a thynnu ar brofiad a geir o brofiad personol. Mae’r dull hwn yn sefydlu’r cysylltiadau rhwng dysgu deallusol a dysgu trwy brofiadau ymhellach.

Er enghraifft, bydd rhaid i fyfyrwyr gynllunio, cynnal, gwerthuso a rhannu prosiect ymchwil agos i arfer a fydd yn effeithio’n uniongyrchol ar ddysgwyr. Lle bynnag y bo’n bosibl, caiff aseiniadau eu cyflwyno a’u marcio’n electronig i hwyluso adborth amserol ac effeithiol.

Mae elfennau asesu’n cynnwys aseiniadau ysgrifenedig, poster digidol, portffolios, fideo unigol a phrosiect ymchwil.

Nod y Fframwaith yw datblygu eich sgiliau a’ch cymwyseddau proffesiynol ochr yn ochr â’ch gwybodaeth pwnc academaidd. Mae’r modwl ‘Dysgu yn yr Oes Ddigidol’ (20 credyd) ar lefel 4 yn un o’r modylau Priodoleddau Graddedigion.

Mae’r modylau Priodoleddau Graddedigion wedi’u cynllunio i’ch galluogi i ddatblygu, a phrofi, ystod o sgiliau sy’n ffocysu ar eich gyrfa ac yn gysylltiedig â’ch maes pwnc. Mae’r sgiliau hyn yn cynnwys medrusrwydd digidol, ymchwil a rheolaeth prosiect, yn ogystal â medrusrwydd personol fel cyfathrebu, creadigrwydd, hunan-fyfyrio, cadernid a datrys problemau. 

• Dysgwch ragor am y Fframwaith Priodoleddau Graddedigion

• Aled Prys Williams
• Alison Suzanne Evans
• Dr. Catherine Morgan
• Dr. Ceri Lewis
• David Stacey
• Diane Thomas
• Dr Sioned Vaughan Hughes
• Elaine Sharpling
• Gail Parker
• Hilary Chivers
• Iwan Ellis Williams
• Jayne Morgan
• Jessica Roberts
• Julia Holloway
• Kelly Gipson
• Lilian Martin
• Linda Davies
• Lisa Regan
• Meryl Bowen
• Nanna Ryder
• Natalie Griffiths
• Nia Evans
• Rachel Kay Bendall
• Dr. Sonny Singh
• Tom Cox

Pwyntiau UCAS

Rhaid i ymgeiswyr sicrhau 115 o bwyntiau UCAS.

Cymwysterau TGAU

• Gradd C neu uwch mewn TGAU Iaith Saesneg neu Lenyddiaeth Saesneg, neu Iaith Gymraeg neu Lenyddiaeth Gymraeg.
• Gradd C neu uwch mewn Gwyddoniaeth.
• Gradd C neu uwch mewn TGAU Mathemateg neu TGAU Rhifedd.

Y Gwasanaeth Datgelu a Gwahardd – CRB

Os cewch eich derbyn ar ein rhaglen, bydd rhaid ichi gael gwiriad clirio uwch DBS (Y Gwasanaeth Datgelu a Gwahardd - CRB, Swyddfa Cofnodion Troseddol gynt) cyn gynted â phosibl. Mae ffi ynghlwm wrth y gwasanaeth ac fe ddylech sicrhau eich bod yn dewis y gwasanaeth ‘diweddaru’ (update service).

I gael rhagor o wybodaeth, cysylltwch â: dbs@uwtsd.ac.uk

Wrth gwblhau rhaglenni presennol yn llwyddiannus, mae myfyrwyr yn gyflogadwy iawn fel athrawon cymwysedig.

Bydd graddedigion wedi’u paratoi gan set gref o sgiliau meddwl beirniadol, dadansoddol a datrys problemau sy’n adlewyrchu sgiliau trosglwyddadwy y mae cyflogwyr yn eu hystyried yn ddymunol iawn.

Bydd graddedigion yn gweithio mewn rolau sy’n galw am sgiliau cydymffurfiaeth ddigidol, rhifedd a llythrennedd cadarn ynghyd â sgiliau cydweithio, rheoli amser a gweithio mewn amgylchedd cymhleth. Bydd natur y cynnwys ar draws y rhaglen – o ran darpariaeth ac asesiad – yn darparu graddedigion gyda phrofiad o gyflwyno gwaith trwy amrywiaeth o gyfryngau. Mae’r rhain yn sgiliau trosglwyddadwy iawn a ddefnyddir mewn amrywiaeth o opsiynau cyflogaeth.

Costau Ychwanegol

Mae gan ein myfyrwyr fynediad i ystod amrywiol o offer ac adnoddau, sy’n ddigonol yn y rhan fwyaf o achosion i gwblhau eu rhaglen astudio. Fodd bynnag, mae’n debygol y bydd myfyrwyr yn gorfod talu costau sy’n ychwanegol i ffioedd dysgu’r brifysgol na ellir eu hosgoi. Mae’r rhain fel a ganlyn:

Costau Gorfodol

• Teithio i ysgolion lleoliad a’r Brifysgol
• Teithio oddi ar y safle i ddarpariaeth arbenigol (yn cynnwys ysgolion a darparwyr hyfforddiant eraill)
• Teithio i ysgolion ar gyfer ‘Diwrnodau Pontio’ a mentrau carfan gyfan eraill yn ôl y calendr
• Defnydd o liniadur (mae MS Office yn rhad ac am ddim i fyfyrwyr).

Achoswyd o Reidrwydd

• Prynu adnoddau addysgu
• Teithio i leoliadau ‘dewisol’
• Teithio i gymryd rhan mewn gweithgareddau cyfoethogi.
  
  Dewisol
  
  
• Teithiau astudio dewisol
• Costau argraffu.

Teacher Education Homepage.

Steffan Rhys Thomas
Penderfynais astudio’r cwrs ar ôl ymchwilio iddo, a darganfod y profiadau eang a chyfoethog cynigir y radd, gan gofio mai ymgeisio am swydd athro cynradd yn y sector Cymraeg oedd fy uchelgais yn y pen draw. Golyga’r profiadau a chynnwys y cwrs mi fyddaf â sylfaeni cadarn wrth ddechrau gweithio fel athro newydd gymhwyso yn y dyfodol agos, o ganlyniad i elfennau megis cyfnodau o brofiadau addysgu proffesiynol mewn ystod eang o ysgolion, le geir cyfleoedd i addysgu plant am gyfnod sylweddol o amser, a chwblhau amrywiaeth o dasgau disgwyliedig ar gyfer athro. Mantais enfawr yw astudio’r cwrs trwy gyfrwng y Gymraeg o ganlyniad i fodwl craidd ‘Gloywi Iaith’ a darparwyd gan diwtoriaid arbenigol i sicrhau cynnydd ieithyddol personol ar gyfer pob unigolyn, i ddatblygu’n gramadeg personol a’n ymwybyddiaeth o reolau iaith, gan gofio’r pwysigrwydd mai ni fydd modelau iaith y disgyblion yn y pen draw

Teleri Wilson
Gan fy mod wedi derbyn fy addysg gynradd ac uwchradd i gyd drwy gyfrwng y Gymraeg, roedd hi’n gam naturiol i mi barhau gyda fy astudiaethau yn y brifysgol drwy’r iaith Gymraeg. Ar ôl treulio cyfnod ar brofiad gwaith mewn ysgolion, roeddwn yn hollol sicr fy mod am yrfa yn y byd addysg ac roedd yr holl sylwadau a chanmoliaeth am raglen addysg Prifysgol Cymru y Drindod Dewi Sant wedi gwneud y penderfyniad yn un hawdd i mi wrth ddewis prifysgol. Mae astudio drwy’r Gymraeg yn cynnig nifer o fanteision yn enwedig gan fy mod yn rhan o grŵp blwyddyn gymharol fach sydd wedi fy ngalluogi i wneud ffrindiau gyda phob aelod o’r cwrs ac mae’r darlithwyr bob amser yn barod i ateb unrhyw gwestiynau neu bryderon sydd gennych. Mi fydden yn sicr yn annog unrhyw un sy’n ystyried astudio cwrs addysg drwy’r Gymraeg i fynd amdani ac mi fydd o fantais fawr i chi yn y dyfodol wrth ymgeisio am swydd.

Efallai y byddwch yn gymwys i gael cyllid i helpu i gefnogi eich astudiaeth. I gael gwybod am ysgoloriaethau, bwrsariaethau a chyfleoedd ariannu eraill sydd ar gael, ewch i'n hadran

Ysgoloriaethau a Bwrsariaethau

Ewch i dudalen Hafan Llety am ragor o wybodaeth.

Os hoffech gael rhagor o wybodaeth am astudio yng Nghaerfyrddin, gallwch ymweld â ni ar Ddiwrnod Agored.