Fy mhrofiad interniaeth ryngwladol yn Shanghai: Blog gan fyfyriwr graddedig

O siarad mewn cynhadledd arweinyddiaeth ryngwladol a chefnogi digwyddiad yn y Cenhedloedd Unedig, i raddio gydag Anrhydedd Dosbarth Cyntaf o raglen BA Rheolaeth Teithio a Thwristiaeth Ryngwladol Y Drindod Dewi Sant (PCYDDS), gwnaeth Angelika Jasnos manteisio i’r eithaf ar bob cyfle y cafodd yn ystod ei thaith fel myfyriwr.

Ar ôl graddio yn Haf 2026, teithiodd Angelika i Shanghai i ymgymryd ag interniaeth ryngwladol gyda’r cwmni rheoli cyrchfannau a digwyddiadau, CR Solutions. 

Yn y blog hwn, mae’n adfyfyrio ar y profiadau a’i helpodd i gyrraedd y pwynt hwn, yr hyn a ddysgodd o fyw a gweithio yn Tsieina, a sut mae’r cyfle wedi llunio ei huchelgeisiau gyrfaol ar gyfer y dyfodol.

Pan ddechreuais astudio Rheolaeth Teithio a Thwristiaeth Ryngwladol yn PCYDDS, roeddwn i’n gwybod fy mod eisiau i’m gyrfa yn y dyfodol gael elfen ryngwladol. Rwyf bob amser wedi mwynhau teithio, darganfod gwahanol ddiwylliannau a chwrdd â phobl, ond yn ystod fy ngradd dechreuais feithrin diddordeb arbennig mewn digwyddiadau a’r posibilrwydd o adeiladu gyrfa mewn rheolaeth digwyddiadau a chynadleddau rhyngwladol.

Rhoddodd fy amser yn PCYDDS gyfleoedd i mi ddatblygu ymhell y tu hwnt i’r ystafell ddosbarth. Dechreuais gymryd rhan mewn trefnu a chefnogi amrywiaeth o ddigwyddiadau, gan gynnwys cyd-gyflwyno Taste of Trinity, a groesawodd fwy na 250 o fynychwyr, a gweithio ar ddigwyddiadau proffesiynol a rhyngwladol maes ddangos i mi mai trywydd digwyddiadau yr oeddwn am ei ddilyn yn broffesiynol.

Tuag at ddiwedd fy ngradd, roeddwn i eisiau cymryd y cam nesaf ac ennill profiad proffesiynol yn rhyngwladol. Gyda chefnogaeth gan PCYDDS a chyllid rhannol trwy Taith, roedd modd i mi  ymgymryd ag interniaeth ryngwladol yn Shanghai a drefnwyd trwy Absolute Internship. Yno, ymunais â CR Solutions, cwmni rheoli cyrchfannau a digwyddiadau, gan ennill profiad uniongyrchol o weithio mewn amgylchedd digwyddiadau rhyngwladol.

Yn ystod yr interniaeth, canolbwyntiodd fy mhrif brosiect ar ymchwilio i leoliadau ar gyfer cleient corfforaethol posibl oedd yn chwilio am brofiadau yn ymgorffori AI, technoleg a roboteg. Ar ôl canfod opsiynau addas, fe wnaethom gynnal archwiliadau safle ar draws Shanghai a pharatoi deunyddiau cyflwyno ar gyfer y cleient. Roedd yn hynod foddhaus i glywed bod y cynnig wedi cael derbyniad da.

Mae’n debyg mai ymweld â’r lleoliadau oedd y rhan fwyaf cofiadwy o’r interniaeth ei hun. Roedd gweld pa mor bell ar y blaen yr oedd peth o’r dechnoleg a chael profiad uniongyrchol o robotiaid a chysyniadau uwch-dechnoleg eraill yn hollol wahanol i ymchwilio iddynt ar-lein. Roedd hefyd o law. Roeddwn i hefyd yn ymwneud â Sefydliad Arweinyddiaeth y Gymanwlad ac fe wnes i helpu i drefnu Arwain y Tu Hwnt i Ffiniau : Pobl, Lle a Phwrpas, gan ddod â siaradwyr a chynrychiolwyr o Awstralia, Ynysoedd Solomon a’r DU ynghyd. Yn raddol, fe wnaeth y profiadau hyn feithrin fy hyder gan wedi rhoi mewnwelediad ymarferol i mi ar sut mae cwmni rheoli cyrchfannau yn ymchwilio i brofiadau, yn gwerthuso lleoliadau ac yn datblygu syniadau o amgylch briff cleient.

Y tu allan i’r gwaith, roedd Shanghai ei hun yn brofiad na fyddaf byth yn ei anghofio. Cefais fy nghyfareddu gan ba mor gyfleus oedd bywyd bob dydd. O’r Didi (tacsi) a dosbarthu bwyd i’r dechnoleg a ddefnyddir ledled y ddinas, roedd cymaint o bethau yn ymddangos i fod yn gweithio’n anhygoel o effeithlon. Roeddwn i wrth fy modd â’r bwyd, yn enwedig y bwyd môr, a daeth bwyta allan yn rhan arferol o fywyd bob dydd. Hyd yn oed pan oedd rhwystr iaith, roeddwn i’n gweld pobl yn gyfeillgar yn gyffredinol ac roeddwn bob amser yn llwyddo i ddod o hyd i ffordd o gyfathrebu.

Fe wnaeth byw a gweithio yn Shanghai hefyd ddangos i mi y gallaf addasu i amgylchedd sy’n hollol wahanol. Gall symud i ochr arall y byd swnio’n frawychus, ond ar ôl i mi gyrraedd, fe wnes i ymgartrefu yno yn llawer mwy naturiol nag yr oeddwn i’n ei ddisgwyl. Pe bawn i’n gallu newid un peth am y profiad, byddwn i wedi aros yno’n hirach.

Mae’r interniaeth wedi cryfhau fy uchelgais i adeiladu gyrfa mewn rheolaeth digwyddiadau a chynadleddau rhyngwladol. Rwyf bellach yn chwilio am gyfleoedd lle gallaf barhau i ddatblygu fy sgiliau cynllunio a chydlynu digwyddiadau, lle gallaf weithio gyda phobl o wahanol wledydd ac, yn y pen draw, lle gallaf deithio yn rhyngwladol fel rhan o fy ngyrfa. Rhoddodd Shanghai flas i mi o’r math o amgylchedd gwaith rhyngwladol rwy’n gobeithio y bydd yn rhan llawer mwy o fy nyfodol.

Byddai fy nghyngor i unrhyw fyfyriwr sy’n ystyried interniaeth ryngwladol yn syml: ewch amdani, hyd yn oed os ydych chi’n ofnus. Byddwch yn feddwl agored, rhowch gynnig ar bethau newydd a manteisiwch i’r eithaf ar eich amser yno oherwydd mae’n mynd yn anhygoel o gyflym. Efallai y dewch chi adref gyda phrofiad proffesiynol, ond rydych chi hefyd yn dod adref yn gwybod llawer mwy amdanoch chi’ch hun a’r hyn rydych chi’n gallu ei wneud

Gwybodaeth Bellach

Mared Anthony

Swyddog Cyfathrebu a Chysylltiadau Cyhoeddus: Cysylltiadau Cyn-fyfyrwyr   
Cyfathrebu Corfforaethol a Chysylltiadau Cyhoeddus   
E-bost: mared.anthony@pcydds.ac.uk     
Ffôn: +447482256996