Dylunio Gemau Cyfrifiadurol (Llawn amser) (BA Anrh)
Ydych chi eisiau creu gemau? Mae ein gradd Dylunio Gemau Cyfrifiadurol yn berffaith i chi. Byddwch yn dysgu sut i fod yn Artist 3D, animeiddiwr neu ddylunydd gemau. Mae gennym bartneriaid diwydiant ardderchog i’ch cefnogi.
Byddwch yn defnyddio offer pwerus fel Unreal Engine a pheiriannau gemau Unity. Gan ddysgu gan weithwyr proffesiynol y diwydiant, sydd â phrofiad o’r byd go iawn, byddwn yn eich cefnogi i ddatblygu portffolio o waith sy’n barod ar gyfer gyrfa i arddangos eich sgiliau i gyflogwyr yn y dyfodol.
Yn ystod y cwrs, bydd eich astudiaethau yn cynnwys theori dylunio gemau, dylunio lefelau ac amgylcheddau a rhaglennu. Mae ein cyfleusterau datblygu gemau o’r safon uchaf yn cynnwys meddalwedd diweddaraf Adobe Creative Cloud (Adobe CC), sy’n rhoi’r holl offer angenrheidiol i chi lwyddo yn eich astudiaethau. Mae dosbarthiadau bach yn golygu y bydd ein staff, sy’n brofiadol yn y diwydiant, yn gallu eich arwain bob cam o’r ffordd.
Cewch brofiad ymarferol gyda datblygiad ac animeiddio Realiti Estynedig/Realiti Rhithwir (AR/VR), gan ddysgu’r technolegau Gemau diweddaraf. Bydd ein cwrs yn rhoi dealltwriaeth gynhwysfawr i chi o sgiliau creadigol, beirniadol, dadansoddol a dehongli sy’n angenrheidiol ar gyfer dylunio a gweithredu gemau cyfrifiadurol. Ein nod yw gwella eich datblygiad fel unigolyn ac fel aelod o dîm.
Erbyn i chi raddio, bydd gennych y sgiliau a’r profiad sydd eu hangen ar gyfer gyrfa yn y diwydiant gemau. Byddwch yn gallu gweithio gyda stiwdios blaenllaw neu ddechrau eich prosiectau eich hun. Bydd y radd hon yn eich rhoi ar y llwybr cywir ar gyfer gyrfa lwyddiannus mewn dylunio gemau.
Manylion y cwrs
- Ar y campws
- Llawn amser
- Saesneg
- Dwyieithog
Ffioedd Israddedig
Cartref (Llawn amser): £9,535 y flwyddyn
Tramor (Llawn amser): £15,525 y flwyddyn
Pam dewis y cwrs hwn
Beth fyddwch chi'n ei ddysgu
Rydym yn credu mewn rhoi’r grym i chi ddylunio a chreu prosiectau rhyngweithiol sy’n wirioneddol arddangos eich gwybodaeth datblygu gemau. Mae ein cwrs yn ymwneud ag annog eich archwiliad creadigol wrth sicrhau eich bod yn datblygu’r sgiliau technegol sydd eu hangen i lwyddo ym myd cystadleuol dylunio gemau cyfrifiadurol.
Trwy gydol y cwrs, byddwch yn dysgu cynhyrchu amrywiaeth eang o brosiectau dylunio gemau, gan eich paratoi ar gyfer rolau fel Artist Lefel, Modelydd Amgylcheddol, Artist Cymeriadau, Artist Gwead ac Artist Cysyniadau. Trwy ddeall y cylch cynhyrchu llawn a’i gyd-destunau cymdeithasol a diwylliannol, byddwch chi’n barod i ymuno â’r diwydiant gemau fel gweithiwr proffesiynol medrus a meddylgar.
Ym mlwyddyn gyntaf y cwrs dylunio gemau cyfrifiadurol byddwch yn dechrau archwilio byd datblygu gemau. Byddwch yn dechrau dysgu hanfodion creu cymeriadau, graffeg 3D ac animeiddio. Mewn seminarau a gweithdai, byddwch yn archwilio mecaneg gemau a systemau rheolau drwy brosiectau hwyliog, ymarferol, yn aml yn defnyddio modelau cysyniadol ar bapur i gael teimlad go iawn o sut mae gemau’n cael eu creu. Mae ein grwpiau tiwtorial bach yn golygu eich bod yn cael digon o gymorth personol gan eich darlithwyr, gan eich helpu i feithrin eich sgiliau a’ch hyder o’r dechrau.
(20 credydau)
(20 credydau)
(20 credydau)
(10 Credydau)
(10 Credydau)
(20 credydau)
(20 Credydau)
Wrth i chi symud i’r ail flwyddyn, byddwch yn adeiladu ar yr hyn rydych wedi’i ddysgu, gan fynd i’r afael â phynciau mwy datblygedig fel modelu cymeriadau ac amgylcheddau, gweadu a dylunio rhyngwynebau. Dyma pan fydd eich prosiectau yn dechrau mynd yn fwy cymhleth ac arloesol. Byddwch hefyd yn edrych ar y darlun ehangach gydag astudiaethau cyd-destunol, gan ddeall ochr gymdeithasol a diwylliannol dylunio gemau. Gyda mannau gwaith pwrpasol ar gyfer ein cwrs yn unig, bydd gennych yr amgylchedd perffaith i adael i’ch creadigrwydd a’ch sgiliau technegol ffynnu.
(20 credydau)
(20 Credydau)
(10 Credydau)
(20 credydau)
(20 credydau)
(20 Credydau)
(10 Credydau)
Yn eich blwyddyn olaf, mae’n ymwneud ag arbenigo yn yr hyn rydych chi’n ei garu fwyaf. P’un ai eich bod yn hoff o gelf cymeriadau, modelu amgylcheddol neu rywbeth arall, byddwch eich astudiaethau’n canolbwyntio ar yr hyn rydych chi’n angerddol amdano. Daw’r flwyddyn hon i ben gyda phrosiectau a gyfarwyddir yn bersonol, lle byddwch yn cynhyrchu gwaith o ansawdd proffesiynol sy’n arddangos eich arddull unigryw. Erbyn diwedd y cwrs, bydd gennych bortffolio trawiadol a byddwch yn barod i gamu i’r diwydiant gemau.
(40 credydau)
(20 credydau)
(20 credydau)
(20 Credydau)
(20 Credydau)
Course Page Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Dewch i ymweld â ni mewn Diwrnod Agored
Darganfyddwch fwy am eich cwrs, cwrdd â myfyrwyr presennol, y tîm addysgu, ac archwilio ein campws a’n cyfleusterau proffesiynol.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Facilities
Cyfleusterau
Mae ein graddau Dylunio Gemau Creadigol ac Animeiddio a VFX wedi’u lleoli yng nghampws y glannau ac yn ogystal â chyfleusterau arbenigol, bydd gan fyfyrwyr fynediad i lyfrgell gynhwysfawr a digonedd o fannau astudio.
Cwrdd â’n Myfyrwyr
Gwybodaeth allweddol
-
120 o bwyntiau tariff UCAS
-
e.e. Safon Uwch: ABB, BTEC: DDM, IB: 33 a Phortffolio
Mae’r sgôr tariff UCAS yn berthnasol i chi os ydych chi wedi astudio cymhwyster yn ddiweddar sy’n gyfwerth â thariff UCAS . Mae UCAS yn darparu cyfrifiannell tariff er mwyn i chi weithio allan beth yw gwerth eich cymhwyster o fewn tariff UCAS.
Mae gennym ddiddordeb mewn pobl greadigol sy’n arddangos ymrwymiad cryf i gelf a/neu ddylunio, ac felly rydym yn croesawu ceisiadau gan unigolion o amrywiaeth eang o gefndiroedd.
Rydym yn trefnu cyfweliadau ar gyfer pob ymgeisydd er mwyn asesu eu haddasrwydd ar gyfer y cwrs dan sylw. Caiff eich sgiliau, eich cyflawniadau a’ch profiad bywyd eu hystyried yn ogystal â’ch portffolio gwaith.
TGAU
Mae angen TGAU gradd A*-C (gradd 9-4 yn Lloegr) mewn Saesneg a Mathemateg hefyd.
Llwybrau mynediad amgen
Os ydy’r cwrs hwn o ddiddordeb i chi, ond nid oes gennych y gofynion mynediad i ymuno â’n gradd baglor, gallech ystyried:
-
Dylunio Gemau Cyfrifiadurol Tystysgrif Genedlaethol Uwch (HNC)
-
Dylunio Gemau Cyfrifiadurol Diploma Cenedlaethol Uwch (HND)
Cyngor a Chymorth Derbyn
Efallai y gwnawn ni roi cynnig is i chi yn seiliedig ar ystod o ffactorau, fel eich cefndir, profiadau ac amgylchiadau unigol. Gelwir hyn yn‘’Derbyniadau Cyd-destunol’. I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg eraill.
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa.
Ar gyfer cyrsiau sy’n fwy na chwe mis, bydd angen fisa myfyrwyr arnoch chi.
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.
I gael yr holl wybodaeth, darllenwch y dudalen gwneud cais am fisa a chanllawiau.
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais.
-
-
Cyfweliad
Rydym yn mwynhau’r broses gyfweld yn fawr, gan ddod i’ch adnabod chi a’ch gwaith, ac rydym yn teimlo mai dyma’r ffordd orau i ddod o hyd i’r myfyrwyr iawn i’n rhaglenni. Mae hyn hefyd yn sicrhau bod gan ein hymgeiswyr yr holl wybodaeth sydd ei hangen arnyn nhw i wneud y dewis iawn iddyn nhw hefyd.
Portffolio
Gofynnwn i chi ddod â phortffolio o beth gwaith o’r gorffennol ac yn gyfredol. Eich portffolio yw casgliad o’ch gwaith mwyaf cyffrous a chynrychiadol, gan arddangos eich galluoedd creadigol, sgiliau technegol, a gweledigaeth artistig. Mae’n adrodd stori eich taith greadigol, gan roi sylw i’ch arddull, diddordebau, a syniadau unigryw wrth iddyn nhw ddatblygu. Rydym yn dehongli’r term ‘portffolio’ yn eang ac yn hapus i chi wneud yr un peth. Gall hyn gynnwys darnau gorffenedig, gwaith ar ei hanner, llyfrau braslunio, lluniadau, a phrosiectau sy’n parhau i ddatblygu, am fod y rhain yn rhoi cipolwg i ni ar eich proses feddwl a chreadigol. P’un a ydyn nhw mewn fformat ffisegol neu ddigidol, mae’ch portffolio’n gyfle i arddangos eich taith greadigol mewn ffordd sy’n teimlo’n ddilys i chi, gyda phob darn yn rhoi sylw i’ch potensial creadigol a’ch brwdfrydedd dros y rhaglen rydych yn gwneud cais amdani.
Rydym yn deall bod llawer o ymgeiswyr yn parhau i fod ar ganol eu cymwysterau (e.e. Safon Uwch, BTEC, L3, Sylfaen) ac yn datblygu corff o waith, felly nid oes pwysau i bopeth fod wedi’i gwblhau nac yn gaboledig.
-
Cynhelir asesiadau drwy waith cwrs - ysgrifenedig ac ymarferol. Ni fydd unrhyw arholiadau ar y cwrs hwn. Mae myfyrwyr yn cael eu hasesu’n ffurfiannol drwy gydol pob modwl, mae asesu crynodol yn digwydd ar ddiwedd modwl.
Er mwyn cynnal uniondeb academaidd, defnyddir amrywiaeth o strategaethau. Mae’r rhan fwyaf o’r gwaith ymarferol yn cynnwys elfennau ysgrifenedig ffurfiol o ryw fath: popeth o fformat traethawd safonol i bethau megis adroddiadau defnyddioldeb, dogfennau diffinio cynnyrch, ymatebion i bapurau academaidd arloesol neu feirniadaethau ohonynt, cyfnodolion dysgu, cynlluniau busnes, ac ati. Bydd yn rhaid i bob myfyriwr Lefel 6 gwblhau Traethawd Hir.
O L4 ymlaen caiff myfyrwyr eu hasesu’n eang hefyd mewn cyflwyniadau, gan arwain ar L6 at y Prosiect Mawr. Gwelsom fod asesiad llafar (viva voce) yn addas iawn i’r gwaith a wnawn yn yr Ysgol, sydd yn debyg iawn i arfer celf gain ond â sail dechnegol.
-
Gall ein myfyrwyr gyrchu ystod amrywiol o offer ac adnoddau, sydd yn y rhan fwyaf o achosion yn ddigonol i gwblhau eu rhaglen astudio. Rydym yn darparu’r deunyddiau sylfaenol sydd eu hangen ar fyfyrwyr i ddatblygu eu gwaith ymarferol o fewn ein cyfleusterau gweithdy a stiwdio helaeth.
Fodd bynnag, mae’n debygol y bydd myfyrwyr celf a dylunio yn gorfod talu rhai costau ychwanegol i ymestyn eu harchwiliad o’u harfer personol. Er enghraifft, prynu eu deunyddiau a’u hoffer arbenigol eu hunain, ymuno mewn gwibdeithiau astudio dewisol, ac argraffu.
Mae disgwyl i fyfyrwyr ddod â’u hoffer celf a dylunio personol eu hunain gyda nhw pan fyddant yn dechrau’r cwrs. Gallwn roi cyngor ar yr offer cywir sydd ei angen ar gyfer eich rhaglen astudio a chyfeirio at gyflenwyr priodol os byddwch yn dymuno prynu eitemau hanfodol cyn, neu yn ystod, eich astudiaethau.
Bydd ‘pecyn celf a dylunio’ sylfaenol yn costio tua £100 ond mae’n bosibl y bydd gennych lawer o’r offer sydd ei angen yn barod, felly cysylltwch â ni yn gyntaf. Hefyd, er bod gennym stiwdios dylunio digidol pwrpasol helaeth (PC a MAC) i chi wneud eich gwaith cwrs, efallai y byddwch yn dymuno dod â’ch dyfeisiau digidol eich hunain gyda chi, felly cysylltwch â ni cyn prynu unrhyw beth.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol.
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Ewch i dudalen Teithio’r Byd gyda’r Drindod Dewi Sant i ddysgu rhagor am gyfleoedd i astudio dramor.
-
Gallai graddedigion o’n rhaglen Dylunio Gemau Cyfrifiadurol ddatblygu arbenigedd mewn unrhyw rai o’r cyd-destunau diwydiannol canlynol:
- Gemau ar y We a Dyfeisiau Symudol: dylunydd, artist 2D, artist 3D, cyfarwyddwr prosiect.
- Datblygu Gemau Consol/PC: dylunydd lefel, dylunydd cymeriadau, modelydd cymeriadau, animeiddiwr, artist deunyddiau, artist goleuo, artist bwrdd stori, dylunydd lefel cynorthwyol, modelydd cymeriadau cynorthwyol, cynorthwyydd goleuo, artist gwead cynorthwyol, artist cysyniadau cynorthwyol, dylunydd gemau dan hyfforddiant, modelydd asedau, rhestr cwestiynau ac atebion am y gêm.
- Tŷ Cynhyrchu Animeiddio: dylunydd cymeriadau, modelydd cymeriadau, animeiddiwr, artist deunyddiau, artist goleuo, artist bwrdd stori, cyfarwyddwr prosiect.
- Newyddiadurwr gemau.
Mae myfyrwyr ar y cwrs wedi gweithio ar nifer o gemau sydd wedi’u canmol dros yr ychydig flynyddoedd diwethaf gan gynnwys Grand Theft Auto 5, Alien: Isolation, a Lego Star Wars 3. Mae gan y cwrs gysylltiadau â chwmnïau gemau megis:
- EA
- Rockstar North
- Creative Assembly
- Media Molecule
- Traveller’s Tales
- Fusebox Games
- Blizzard