Rheolaeth Digwyddiadau a Gwyliau Rhyngwladol (Llawn amser) (BA Anrh)
Mae ein gradd Rheolaeth Digwyddiadau a Gwyliau Rhyngwladol yn cynnig cymysgedd o ddysgu academaidd a phrofiad ymarferol i’ch helpu i ddatblygu eich sgiliau a pharatoi ar gyfer gyrfa mewn digwyddiadau.
Mae’r rhaglen hon yn darparu cyfleoedd i feithrin eich gwybodaeth a gwella eich doniau proffesiynol. Byddwch yn dysgu am Wyliau, Digwyddiadau Chwaraeon, Cyfarfodydd, Cynadleddau a Phriodasau. Nod ein cwrs yw gwella eich dealltwriaeth reolaethol a’ch helpu i weithio’n greadigol ac yn arloesol.
Byddwch yn ymdrin ag ystod eang o bynciau, gan gynnwys effeithiau Digwyddiadau a Gwyliau a’u gwaddol. Byddwch hefyd yn dysgu am ymgysylltu â rhanddeiliaid, gweithrediadau digwyddiadau, cynllunio gwaddol, cwmpasu, ariannu a marchnata. Bydd hyn yn eich galluogi i reoli digwyddiadau yn effeithiol a deall y diwydiant digwyddiadau byd-eang, ei strategaethau a chyrchfannau. Byddwch hefyd yn astudio materion sy’n ymwneud â chynaliadwyedd.
Mae ein cwrs yn 100% gwaith cwrs, heb unrhyw arholiadau. Mae hyn yn cynnwys asesiadau diwydiant arloesol ac asesiadau yn seiliedig ar ddigwyddiadau. Mae’r dull hwn yn sicrhau eich bod yn cael profiad uniongyrchol mewn meysydd fel llwyfannu a chynhyrchu digwyddiadau, marchnata a hyrwyddo digwyddiadau, rheoli prosiectau, diogelwch a thrwyddedu a rheolaeth strategol.
Erbyn diwedd y cwrs, byddwch wedi eich paratoi’n dda ar gyfer gyrfa mewn Rheolaeth Digwyddiadau. Byddwch hefyd yn deall cyllid digwyddiadau ac yn barod i wneud gwahaniaeth mewn economïau lleol a digwyddiadau cymunedol. Bydd y sgiliau a’r wybodaeth a gewch yn eich helpu i lwyddo i reoli gwahanol fathau o ddigwyddiadau.
Mae’r radd hon yn berffaith i’r rhai sy’n angerddol am ddigwyddiadau ac yn awyddus i adeiladu gyrfa yn y maes cyffrous hwn.
Manylion y cwrs
- Ar y campws
- Llawn amser
- Saesneg
Ffioedd Israddedig
Cartref (Llawn amser): £9,535 y flwyddyn
Tramor (Llawn amser): £15,525 y flwyddyn
Pam dewis y cwrs hwn
Beth fyddwch chi'n ei ddysgu
Mae digwyddiadau a gwyliau yn chwarae rhan allweddol wrth ysgogi datblygiad economaidd a chymdeithasol-ddiwylliannol ar gyfer dinasoedd a chyrchfannau. Mae galw mawr am raddedigion ym maes digwyddiadau.
Mae ein cwrs yn sicrhau eich bod yn deall strwythur a swyddogaethau’r diwydiant, gan gynnwys pwysigrwydd lletygarwch a gwasanaeth gwesteion. Rydym yn canolbwyntio ar ddysgu ymarferol, cysylltiadau â diwydiant, a datblygu eich sgiliau creadigol a rheoli, a phwysigrwydd marchnata a chyfryngau cymdeithasol yn y sector digwyddiadau.
Wrth i’r rhaglen fynd rhagddi, bydd myfyrwyr yn rhoi damcaniaethau academaidd ar waith ar gyfer astudiaethau achos bywyd go iawn. Mae hyn yn cynnwys cynllunio a rheoli digwyddiadau byw, a datblygu gwybodaeth am reoli’n weithredol trwy ddysgu yn yr ystafell ddosbarth, ymweliadau â digwyddiadau y tu ôl i’r llenni, lleoliadau gwaith â thâl, a chyfleoedd i wirfoddoli.
Bydd myfyrwyr hefyd yn datblygu dealltwriaeth strategol ac arbenigeddau ym maes Digwyddiadau Chwaraeon, Gwyliau, Cyfarfodydd, Cymhellion, Confensiynau, Priodasau a Gwleddoedd.
Lle bo’n bosibl, bydd myfyrwyr yn cymryd rhan mewn prosiectau, digwyddiadau, a phrofiadau addysgol yn y DU a thramor sy’n cefnogi dysgu academaidd a gwerthfawrogiad o ddiwydiant*.
Bydd myfyrwyr yn cael cyfle i gwrdd ag arweinwyr diwydiant byd-eang a graddedigion yn rhithiol i drafod materion cyfoes a chymryd rhan mewn ymweliadau y tu ôl i’r llenni â diwydiant, yn ddigidol neu’n bersonol.
Trwy eu hastudiaethau, lleoliadau a gweithgareddau allgyrsiol, gall myfyrwyr ennill cymwysterau ychwanegol sy’n seiliedig ar ddiwydiant. Gall hyn gynnwys amrywiaeth o gyfleoedd i gael cymwysterau ardystiedig gan ABTA a Travel Trade, Hyfforddiant Gwin gan WSET* a chael amrywiaeth o brofiadau Digwyddiadau. Mae’r Drindod Dewi Sant hefyd yn un o Bartneriaid Addysg ABTA, un o Bartneriaid Addysg y Sefydliad Teithio a Thwristiaeth ac mae’r myfyrwyr yn aelodau o’r Sefydliad Lletygarwch.
*gall hyn olygu costau ychwanegol
Yn eich blwyddyn gyntaf, byddwch yn archwilio hanfodion Rheolaeth Digwyddiadau, gan gynnwys egwyddorion lletygarwch, twristiaeth ac effeithiau digwyddiadau ar economïau lleol. Byddwch yn meithrin sgiliau rhagarweiniol mewn gweithrediadau digwyddiadau, marchnata a rheoli prosiectau, gan osod y sylfaen ar gyfer eich astudiaethau.
(20 credydau)
(20 credydau)
(20 credydau)
(20 credydau)
(20 Credyd)
(20 Credyd)
Mae’r ail flwyddyn yn edrych yn ddyfnach ar farchnata a hyrwyddo digwyddiadau, llwyfannu a chynhyrchu digwyddiadau, ac ymgysylltu â rhanddeiliaid. Byddwch yn ffocysu ar ddatblygu profiad o ddigwyddiadau proffesiynol a sgiliau rheoli gweithredol, gan gyfoethogi eich dealltwriaeth o gyd-destun ehangach y diwydiant. Bydd aseiniadau ymarferol yn datblygu eich gallu i gynllunio a gweithredu digwyddiadau.
(20 credydau)
(20 credydau)
(20 credydau)
(20 credydau)
(20 Credyd)
(20 Credyd)
Yn eich blwyddyn olaf, byddwch yn canolbwyntio ar bynciau datblygedig fel cynllunio gwaddol, ariannu a chyllid digwyddiadau. Byddwch yn rhoi eich dysgu ar waith mewn prosiectau byd go iawn, gan gael profiad mewn diogelwch a thrwyddedu, a digwyddiadau cymunedol. Mae’r flwyddyn hon yn eich paratoi ar gyfer rôl broffesiynol yn y sector digwyddiadau, gan bwysleisio arloesedd a chreadigrwydd.
(20 credydau)
(20 credydau)
(20 credydau)
(20 credydau)
(40 credydau)
Course Page Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Dewch i ymweld â ni mewn Diwrnod Agored
Darganfyddwch fwy am eich cwrs, cwrdd â myfyrwyr presennol, y tîm addysgu, ac archwilio ein campws a’n cyfleusterau proffesiynol.
Staff
Ein Pobl
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
88 o bwyntiau tariff UCAS
-
e.e. Safon Uwch: B/A, BTEC: DMM, IB: 29
Mae’r sgôr tariff UCAS yn berthnasol i chi os ydych chi wedi astudio cymhwyster yn ddiweddar sy’n gyfwerth â thariff UCAS . Mae UCAS yn darparu cyfrifiannell tariff er mwyn i chi weithio allan beth yw gwerth eich cymhwyster o fewn tariff UCAS.
TGAU
Mae angen TGAU gradd A*-C (gradd 9-4 yn Lloegr) mewn Saesneg a Mathemateg hefyd.
Llwybrau mynediad amgen
Os ydy’r cwrs hwn o ddiddordeb i chi, ond nid yw’r gofynion mynediad gennych i ymuno â’n gradd baglor, gallech ystyried:
-
‘gyda Blwyddyn Sylfaen’. Mae’r llwybr hwn wedi’i gynllunio i roi cymorth ychwanegol i chi am ei fod yn rhoi blwyddyn ychwanegol (llawn amser) i chi o astudio wedi’i gefnogi.
Unwaith y byddwch chi wedi cwblhau eich astudiaethau Blwyddyn Sylfaen, byddwch yn symud ymlaen yn awtomatig i’r brif radd.
-
Tystysgrif Addysg Uwch (TystAU). Cwrs un flwyddyn yw hwn ac mae’n gyfwerth â blwyddyn gyntaf y radd baglor tair blynedd, llawn amser.
Unwaith y byddwch wedi cwblhau eich astudiaethau TystAU, byddwch yn gymwys i symud ymlaen i’r ddwy flynedd sy’n weddill o’r radd baglor.
Mae’r rhain yn llwybrau delfrydol os ydych yn dychwelyd i astudio ar ôl seibiant, neu os nad ydych wedi astudio’r pwnc hwn o’r blaen, neu os na wnaethoch chi gyflawni’r graddau sydd eu hangen i gael lle ar y radd hon.
Cyngor a Chymorth Derbyn
Efallai y gwnawn ni roi cynnig is i chi yn seiliedig ar ystod o ffactorau, fel eich cefndir, profiadau ac amgylchiadau unigol. Gelwir hyn yn‘’Derbyniadau Cyd-destunol’. I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg eraill.
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa.
Ar gyfer cyrsiau sy’n fwy na chwe mis, bydd angen fisa myfyrwyr arnoch chi.
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.
I gael yr holl wybodaeth, darllenwch y dudalen gwneud cais am fisa a chanllawiau.
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais.
-
-
Caiff y rhaglen ei hasesu trwy gyfuniad strwythuredig o asesiadau ymarferol, digwyddiadau, lleoliadau, astudiaethau achos, archwiliadau, ymarferion hyfforddi, adroddiadau rheoli, cyflwyniadau, traethodau, adolygiadau digwyddiadau, DVD/fideos, flogiau/blogiau, astudiaethau dichonoldeb, prosiectau, cyflwyniadau cynnig a’r cyfle i gynllunio, trefnu ac asesu teithiau digwyddiadau a phrofiadau.
Ble bynnag y bo modd, llunnir asesiadau i ddatblygu sgiliau proffesiynol yn ogystal â datblygu meddwl beirniadol, arweinyddiaeth, rheolaeth digwyddiadau, gwasanaeth gwesteion a gwaith tîm wrth baratoi ar gyfer gyrfaoedd yn y digwyddiadau. NI fydd arholiadau ar y cwrs hwn.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol.
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg
-
Gall ein myfyrwyr gyrchu ystod amrywiol o offer ac adnoddau, sydd yn y rhan fwyaf o achosion yn ddigonol i gwblhau eu rhaglen astudio. Rydym yn darparu’r deunyddiau sylfaenol sy’n angenrheidiol i fyfyrwyr ymgymryd â’u modylau.
Fodd bynnag, mae’n debygol y bydd myfyrwyr lletygarwch, hamdden a thwristiaeth yn cael costau ychwanegol yn gysylltiedig â theithiau maes. O flwyddyn i flwyddyn mae’r costau hyn yn amrywio o £25 ar lefel 4, i £500 ar lefel 5 a hyd at £1,000 ar lefel 6, fodd bynnag mae’r rhain i gyd â chymhorthdal.
Mae teithiau maes preswyl yn ddewisol a gall y costau amrywio ond maent yn debygol o fod oddeutu £150 ar gyfer Teithiau Preswyl yn y DU, £500 ar gyfer Teithiau Ewropeaidd a £1,000 ar gyfer Teithiau Byd-eang. Yn ogystal, bydd myfyrwyr yn cael cyfle, pan fydd ar gael, i wneud cais am gyllid Taith i gynorthwyo gyda Theithiau a Lleoliadau Rhyngwladol hwy.
-
Mae bwrsarïau datblygu gyrfa hyd at £1,000 ar gael i fyfyrwyr i gefnogi lleoliadau, interniaethau a gwirfoddoli mewn digwyddiadau. Efallai y bydd myfyrwyr yn gymwys i wneud cais am y Prosiect Darganfod er cefnogi Symudedd Rhyngwladol i gefnogi Profiadau Lleoliadau Rhyngwladol byr.
Ewch i’n hadran Scholarships and Bursaries i ddysgu rhagor.
-
- Rheolwr Digwyddiadau
- Cyfarwyddwr Digwyddiadau
- Rheolwr Gwyliau
- Diogelwch Digwyddiadau
- Rheolwr Marchnata
- Rheolwr Cysylltiadau Cyhoeddus
- Rheolwr Digwyddiadau a Lleoliadau Chwaraeon
- Rheolwr Prosiectau
- Cydlynydd Priodasau
- Trefnydd Cynadleddau Proffesiynol
Mae digwyddiadau a gwyliau yn chwarae rôl allweddol wrth yrru datblygiad economaidd a chymdeithasol-ddiwylliannol dinasoedd a chyrchfannau. Mae galw mawr am raddedigion digwyddiadau.