Becky Williams

Mae Becky yn artist gweithredol a hi yw un hanner o’r ddeuawd gydweithredol Jason&Becky, y mae ei gwaith yn cwmpasu amryw ddulliau gan gynnwys sain, mapio tafluniad fideo, a pherfformio byw. 

Gan gynhyrchu gwaith ar gyfer orielau ac amgueddfeydd yn ogystal â phrosiectau cymunedol sy’n ymgysylltu â chymdeithas, maent wedi ymgymryd â chyfnodau preswyl ac arddangos yn genedlaethol ac yn rhyngwladol, gan gynnwys yn Fenis, Colorado, Tsieina a Japan. 

Maent wedi gweithio gyda sefydliadau megis Disney ac Universal Studios yn y gorffennol, ac wedi darparu cymorth technegol wrth osod arddangosfeydd celf amrywiol yn y DU, gan gynnwys gosodiadau clyweledol sy’n cynnwys tafluniadau aml-sgrin a sain, yn ogystal ag atebion creadigol ar gyfer amgáu neu arddangos gwaith gweledol a cherfluniol. 

Mae eu harfer celf gain bresennol yn archwilio dulliau newydd o ymgysylltu â chelf yn y parth cyhoeddus, gan ddilyn dau PhD seiliedig ar arfer yn ymchwilio i’r cyfarfyddiad a llesiant mewn perthynas â phrofiad cyfranogwyr.