Kara Lewis

Mae Kara wedi gweithio ym maes addysgu’r Gymraeg drwy gydol ei gyrfa.  

Mae’n darlithio yn PCYDDS ers 2015 ag arbenigedd yn y Gymraeg ac addysgeg dysgu iaith, ac yn cydlynnu prosiectau amrywiol gyda Rhagoriaith a Peniarth. Mae’n arwain modylau Cymraeg Mewn Blwyddyn, ac yn Rheolwr Rhaglen y Dystysgrif Ôl-Raddedig mewn Polisi a Chynllunio Iaith. 

Mae ganddi brofiad helaeth o sefydlu a rheoli prosiectau, er enghraifft yn ei rôl fel Cyfarwyddydd Canolfan Madog, Prifysgol Rio Grande, trefnai ddigwyddiadau, prosiectau ymchwil a chynnal gweithgarwch rhyngwladol ynghyd â rheoli rhaglen cyrsiau Cymraeg a Chymreig is-raddedig. 

Am gyfnod buodd yn ddarlithydd Is-deitlo i Brifysgol Cymru, Llanbedr Pont Steffan, ac wedi cyfrannu at y Dystysgrif Ôl-raddedig is-deitlo yn PCYDDS. 

Mae wedi teithio’n helaeth ledled gogledd America yn darlithio, dysgu a chynnal gweithdai gyda chyrff fel Cymdeithas Madog, NAASWCH a’r NAFOW. Mae’n parhau â’r cysylltiadau hyn hyd heddiw.