Profiad Mark yn PCYDDS
Profiad Mark ar BSc Pensaernïaeth
Beth yw eich hoff beth am gampws Abertawe?
Mae’n agos at ganol y ddinas a’r glannau, mae popeth o fewn pellter cerdded i’r campws, gan ei gwneud yn ddelfrydol ar gyfer cymdeithasu ac ymlacio ar ôl diwrnod hir o astudio yn y Llyfrgell neu’r Stiwdio.
Pam y gwnaethoch chi ddewis PCYDDS?
Roedd PCYDDS yn un o’r opsiynau ar fy rhestr fer ac roedd ffrindiau gen i yn lleol a oedd wedi siarad yn gadarnhaol am yr ardal. Felly cysylltais â PCYDDS a throsglwyddais i’r cwrs. Roedd y dull addysgu a’r bobl ar y cwrs wedi’i wneud yn brofiad gwych.
Beth ydych chi’n mwynhau ei wneud tu allan i’ch astudiaethau?
Ar wahân i’r llwyth gwaith hynod heriol a oedd yn ofynnol ar gyfer y cwrs hwn a oedd rhywsut yn dal i fod yn hwyl, llwyddais neilltuo amser ar gyfer gwneud y pethau roeddwn i’n eu hoffi gyda’r bobl anhygoel ar fy nghwrs. Roedd y rhain yn cynnwys mynd am dro i wahanol lefydd, bwyta allan, gwylio ffilmiau a mynychu gigiau.
Beth ydych chi’n gobeithio gwneud pan fyddwch yn graddio?
Yn y tymor byr, rwy’n bwriadu ymlacio, cynilo a theithio. Ar ôl amser i ffwrdd i ymlacio, hoffwn ddilyn fy ngyrfa trwy ennill sgiliau gan weithio i bractis a gobeithio bydd hyn yn arwain at gymhwyster Rhan 2.
Beth yw eich hoff beth am y cwrs?
Y cydweithio a’r cymorth gan ddarlithwyr a fy nghyfoedion ar y cwrs. Wedi trosglwyddo o brifysgol wahanol, roedd hyn yn newid i’w groesawu nad oeddwn i wedi’i brofi o’r blaen. Roedd y cyfuniad o gystadleuaeth gyfeillgar a chefnogaeth gan fy nghyfoedion wedi creu amgylchedd a oedd wedi fy annog i wneud fy ngorau, ochr yn ochr â dysgu sgiliau newydd gan bawb. Allwn i ddim fod wedi gofyn am grŵp gwell o bobl i dreulio amser yn eu cwmni wrth astudio yn PCYDDS.
A fyddech chi’n argymell PCYDDS a pham?
Mae’r darlithwyr yn angerddol am y cwrs, ac yn wahanol i fy mhrofiadau yn y gorffennol, maen nhw’n mynd y tu hwnt i’r gofyn gan baratoi myfyrwyr gyda sgiliau bywyd sy’n bwysig Yn ogystal, nid ydynt yn cyfyngu’r dysgu i sgiliau dylunio yn unig, ond maent yn archwilio’r ochr dechnegol a busnes hefyd. Mae cyfathrebu’n allweddol, ac roedd digon o hyn ar y cwrs, gyda’r darlithwyr bob amser yn hapus i helpu, hyd yn oed ar ddiwrnodau y tu allan i’r stiwdio.
