Joio mas draw yn y Brifwyl

29 Gorffennaf 2026

Rydyn ni’n edrych ‘mlaen yn fawr at yr Eisteddfod y Garreg Las a’r llu o weithgareddau sydd wedi’u trefnu ar ein stondin i ddiddanu, difyrru ac i addysgu.

Dewch i’n gweld ar stondin 803 – 806 ar y maes lle cewch groeso cynnes a chyfle i ddysgu mwy am ein cyrsiau israddedig ac ôl-raddedig, yn cynnwys ein gradd-brentisiaethau.

Dewch heibio i ddysgu mwy am wneud cais i’r Brifysgol a’n trefniadau dros gyfnod Clirio eleni.

Dyma rhai o’r pigion dros yr wythnos:

Lansiad gradd newydd BA Plentyndod, Addysg a Chymdeithas yng nghwmni Ann Davies, AS, sy’n gyn-fyfyriwr a chyn ddarlithydd y cwrs blynyddoedd cynnar.
Dewch i ddysgu mwy am ein gradd-brentisiaethau a chlywed gan Lowrie Proctor, cyn-fyfyrwraig o’r cwrs BSc mewn Cyfrifiadura, Systemau Data a Gwybodaeth am ei thaith a’i chynnydd yn ei gweithle.
Ymunwch â’r ymchwilydd PhD, Mark Rees, wrth iddo archwilio sut y bu tirweddau dramatig Cymru ac artistiaid gweledigaethol yn helpu i lunio genre a roddodd i ni glasuron fel Frankenstein a Dracula.
Byddwn yn croesawu athrawon i glywed awduron a darlithwyr yn trafod pwysigrwydd dod â llyfrau’n fwy i’n plant a phobl ifanc.
Bydd Dr Christine Jones yn trafod tafodieithoedd Bro’r Eisteddfod ac yn cynnig cyfle ichi bori drwy’r archif.
Cewch greu celf, dylunio car rasio, ymweld â’r Alpau drwy realiti rhithwir a phori dros adnoddau addysgiadol ac unigryw Peniarth.

Edrychwn ymlaen at eich gweld!