Y Drindod Dewi Sant yn penodi arloeswr ac academydd nodedig fel athro ymarfer

Mae Prifysgol Cymru Y Drindod Dewi Sant wedi penodi’r Athro Roderick Thomas yn Athro Ymarfer i gefnogi’r gwaith o ddatblygu mentrau iechyd a STEM ar draws y Brifysgol.

Dyfernir y teitl Athro Ymarfer i gydnabod rhagoriaeth academaidd a phroffesiynol sylweddol o unigolion y mae eu harbenigedd yn cyd-fynd â bwriadau strategol a chenhadaeth y Brifysgol. 

Yr Athro Thomas yw Cyfarwyddwr Portffolio Arloesi yn y Rhwydwaith Arloesi Iechyd De Orllewin Lloegr, sydd wedi’i leoli yng Nghaerwysg a ariennir gan y GIG a’r Swyddfa Gwyddorau Bywyd.  Fel Uwch Arweinydd mae ganddo brofiad o ehangu prosiectau arloesi sy’n gwneud mwyafu impact y cyhoedd a chleifion, mynd i’r afael ag anghenion y gweithlu, a gyrru twf economaidd.  Yn ogystal, mae wedi arwain ar strategaeth sefydliad gyfan, cyflwyno cynlluniau busnes blynyddol, rheoli risg, ac ymgysylltu â rhanddeiliaid ar lefel genedlaethol gan gynnwys o fewn y GIG, awdurdodau lleol, y Swyddfa Gwyddorau Bywyd, a phartneriaid masnachol.

Mae gan yr Athro Thomas hanes profedig o ran rheoli, llwyddiant grantiau, a datblygu mentrau ymchwil ac addysgu a gydnabyddir yn rhyngwladol. Mae ei feysydd arbenigedd yn cynnwys arweinyddiaeth ymchwil a chaffael grantiau, partneriaethau sefydliadol strategol, rhyngwladoli a masnacheiddio, yn ogystal â dylunio cwricwlwm ôl-raddedig, goruchwylio ymarfer doethurol a phroffesiynol, achredu a sicrhau ansawdd.   Dywedodd: “”Mae’r teitl anrhydeddus hwn yn gydnabyddiaeth werthfawr o fy ymrwymiad i hyrwyddo arloesedd, partneriaeth ac effaith ar draws gofal iechyd a chymuned STEM, ac rwy’n falch iawn o gefnogi’r Brifysgol yn y blaenoriaethau hyn.”

Dywedodd Dr Mark Cocks, Deon Athrofa Gwyddoniaeth a Chelf Cymru yn y Drindod Dewi Sant: “Rwy’n falch iawn o groesawu’r Athro Roderick Thomas i weithio ochr yn ochr â’n timau academaidd.  Mae’n arloeswr ac academydd nodedig gyda dros 35 mlynedd o brofiad mewn addysg uwch, ymchwil ac arloesi iechyd. Bydd ei arweinyddiaeth a’i arbenigedd unigryw yn y sectorau iechyd a STEM yn amhrisiadwy i’r Brifysgol.”

Ychwanegodd yr Athro Gareth Davies, Deon y Sefydliad Rheolaeth ac Iechyd: “Mae’r Athro Thomas yn enwog am ei raglenni ôl-raddedig cyfunol arloesol, arwain portffolios arloesi mawr ar draws sectorau addysg uwch a’r GIG yn ogystal â’i ymrwymiad i feithrin cydweithrediadau strategol, ymhelaethu ar effaith sefydliadol, a mentora arweinwyr sy’n dod i’r amlwg yn y byd academaidd a diwydiant. Bydd ei arweinyddiaeth yn y meysydd hyn yn cael effaith sylweddol ar ddatblygiad y mentrau rheoli, iechyd a STEM yn y Drindod Dewi Sant.”

Mae’r Athro Thomas wedi arwain Academi Dysgu Dwys Cymru Gyfan ar gyfer Arloesi (ILA) mewn Iechyd a Gofal Cymdeithasol ym Mhrifysgol Abertawe. Mae wedi goruchwylio dros 20 o gyflwyniadau PhD ac mae ganddo dros 50 o gyhoeddiadau i’w enw. 

Mae rolau anrhydeddus a phroffesiynol yr Athro Thomas yn cynnwys: 

• Athro Gwadd, Prifysgol y Gogledd-Orllewin, De Affrica (2019–2024)
• Aelod, Pwyllgor Polisi Cymrodoriaeth IET (er 2023).
• Athro Gwadd, Prifysgol De Cymru (2013–2018).
• Beirniad / Cadeirydd y Panel, Gwobrau Horizon, Diamond / IET.
• Tyst Arbenigol Cofrestredig mewn Rheoli Asedau a Thermograffeg Is-goch. 
• Cyn aelod o Reoleiddiwr Llywodraeth y DU, OFWAT.
• Bwrdd Golygyddol: Imaging Science Journal. 
• Golygydd Gwadd: Journal of Decision Systems. 
• Cadeirydd y Panel: Cyfres Cynhadledd IEEE.

Gwybodaeth Bellach

Eleri Beynon

Pennaeth
Cyfathrebu Corfforaethol a Chysylltiadau Cyhoeddus     
E-bost: e.beynon@pcydds.ac.uk     
Ffôn: 01267 676790