88-104 o Bwyntiau Tariff UCAS

Mae’r sgôr tariff UCAS yn berthnasol i chi os ydych chi wedi astudio cymhwyster yn ddiweddar sy’n gyfwerth â thariff UCAS . Mae UCAS yn darparu cyfrifiannell tariff er mwyn i chi weithio allan beth yw gwerth eich cymhwyster o fewn tariff UCAS.

Llwybrau mynediad amgen

Os ydy’r cwrs hwn o ddiddordeb i chi, ond nid yw’r gofynion mynediad gennych i ymuno â’n gradd baglor, gallech ystyried:  

• ‘gyda Blwyddyn Sylfaen’. Mae’r llwybr hwn wedi’i gynllunio i roi cymorth ychwanegol i chi am ei fod yn rhoi blwyddyn ychwanegol (llawn amser) i chi o astudio wedi’i gefnogi.   

Unwaith y byddwch chi wedi cwblhau eich astudiaethau Blwyddyn Sylfaen, byddwch yn symud ymlaen yn awtomatig i’r brif radd.  

• Tystysgrif Addysg Uwch (TystAU). Cwrs un flwyddyn yw hwn ac mae’n gyfwerth â blwyddyn gyntaf y radd baglor tair blynedd, llawn amser.  

 Unwaith y byddwch wedi cwblhau eich astudiaethau TystAU, byddwch yn gymwys i symud ymlaen i’r ddwy flynedd sy’n weddill o’r radd baglor.  

Mae’r rhain yn llwybrau delfrydol os ydych yn dychwelyd i astudio ar ôl seibiant, neu os nad ydych wedi astudio’r pwnc hwn o’r blaen, neu os na wnaethoch chi gyflawni’r graddau sydd eu hangen i gael lle ar y radd hon.  

Cyngor a Chymorth Derbyn  

Efallai y gwnawn ni roi cynnig is i chi yn seiliedig ar ystod o ffactorau, fel eich cefndir, profiadau ac amgylchiadau unigol. Gelwir hyn yn‘’Derbyniadau Cyd-destunol’. I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad. 

Gofynion Iaith Saesneg  

Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg eraill.  

Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw. 

 Gofynion fisa ac ariannu 

Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa.  

Ar gyfer cyrsiau sy’n fwy na chwe mis, bydd angen fisa myfyrwyr arnoch chi.  

Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.   

I gael yr holl wybodaeth, darllenwch y dudalen gwneud cais am fisa a chanllawiau.    

Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais.

Mae asesu yn amrywiol, felly gallwch ddatblygu sgiliau gwahanol wrth i chi astudio. Gallwch gwblhau gwaith ysgrifenedig, astudiaethau achos, cyflwyniadau, chwarae rôl, tasgau ymarferol, portffolios, cyfweliadau academaidd a gweithgareddau grŵp. Byddwch yn derbyn adborth ffurfiannol i’ch helpu i wella cyn asesiadau terfynol. Mae asesiadau wedi’u cynllunio i gysylltu dysgu ag ymarfer iechyd a gofal cymdeithasol go iawn ac i’ch helpu i adeiladu hyder mewn cyfathrebu, myfyrio, meddwl beirniadol a datrys problemau. 

Bydd angen mynediad at galedwedd a meddalwedd cyfrifiadurol addas arnoch. Mae’r rhaglen yn rhoi cost dangosol o tua £400. Gall myfyrwyr nad ydynt yn gallu prynu dyfais oherwydd cost wneud cais am fwrsariaeth cysylltedd digidol y Drindod Dewi Sant, hyd at £300 ar hyn o bryd.  

Efallai y bydd angen gwiriad DBS uwch hefyd ar gyfer rhai myfyrwyr, yn dibynnu ar leoliad neu weithgaredd ymchwil sy’n ymwneud â phobl agored i niwed. Y gost ddangosol a nodwyd yw £49.50.  

Mae’r holl gostau yn arwyddocaol a gallant newid. 

Astudio drwy gyfrwng y Gymraeg neu Ddwyieithog

Mae’r Drindod Dewi Sant yn ymfalchïo yn y ffaith ei bod yn Brifysgol ddwyieithog ac mae modiwlau ar y cwrs hwn ar gael i’w hastudio drwy gyfrwng y Gymraeg naill ai’n llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig drwy gyfrwng y Gymraeg.

Os byddwch yn dewis astudio’ch cwrs naill ai’n llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau. 

Mae argaeledd modiwlau cyfrwng Cymraeg yn cael ei adolygu’n rheolaidd a gall amrywio bob blwyddyn yn dibynnu ar staffio, diddordebau ymchwil, amserlenni, galw myfyrwyr, ac isafswm niferoedd cofrestru, felly ni ellir gwarantu modiwlau penodol bob amser, cysylltwch â ni i drafod mwy.

Cyfleoedd Cymraeg a Chymreig

A ninnau’n brifysgol flaenllaw yng Nghymru, rydym yn falch o gynnig gwasanaethau cymorth a neuaddau preswyl arbennig i fyfyrwyr Cymraeg eu hiaith, gan annog ymdeimlad o gymuned a chartref oddi cartref, gan gynnwys ymuno â chlybiau a chymdeithasau i siaradwyr Cymraeg a dod yn aelod o’n cangen fywiog y Coleg Cymraeg Cenedlaethol.    

Cyfleoedd i Ddysgu Cymraeg

Rydym hefyd yn darparu amrywiaeth o gyfleoedd i ddysgu a datblygu eich sgiliau Cymraeg.

Efallai eich bod yn gymwys i gael arian i helpu i gefnogi eich astudiaethau.  I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.

• Gweithio mewn rolau cymorth ar draws gwasanaethau iechyd, gofal cymdeithasol a chymunedol. 

• Archwilio cyfleoedd mewn timau cydlynu gofal a gofal integredig.  

• Datblygu sgiliau a all gefnogi dilyniant i rolau rheoli gwasanaeth.  

• Adeiladu profiad ar gyfer rolau mewn gofal a chymorth cymunedol.  

• Archwilio cymorth iechyd cyhoeddus a chyfleoedd trydydd sector ehangach.  

• Defnyddiwch y radd fel sylfaen ar gyfer hyfforddiant a datblygiad proffesiynol pellach.