Profiad Riham yn PCYDDS
Profiad Riham ar BSc Pensaernïaeth
Beth yw eich hoff beth am gampws Abertawe?
Fy hoff beth am y campws oedd pa mor hawdd roeddwn i’n gallu gwneud ffrindiau agos a dod o hyd i gymunedau clos ar y campws bach. Roedd hi’n gyffyrddus a theimlais fod fy hyder yn tyfu pob tro yr oeddwn i’n siarad â’m cyd-ddisgyblion a chyflwyno iddynt. Yn ogystal, roeddwn i wrth fy modd â’r llyfrgell, yn enwedig yr ystafelloedd astudio preifat. Roedden nhw’n llefydd mor gyfleus i mi weithio gyda ffrindiau mewn gofod mwy tawel â ffocws gyda chymaint o wybodaeth yn hygyrch i ni.
Pam y gwnaethoch chi ddewis PCYDDS?
Dewisais PCYDDS gan fod y campws yn agos at fy nghartref, felly roeddwn i’n gallu bod yn agos at fy nheulu a’m ffrindiau. Yn ogystal, mae’r campws mewn lleoliad hyfryd sy’n agos at y dref a chaffis/bwytai cyfagos. Roedd y cyfleusterau hyn bob amser wedi rhoi cyfle i mi fwynhau fy hun ar ôl diwrnod yn y brifysgol.
Beth ydych chi’n mwynhau ei wneud tu allan i’ch astudiaethau?
Treuliais i lawer o’m amser rhydd gyda fy ffrindiau, fy nheulu a’m ffrind gorau. Yn ogystal, rwyf wedi teithio, ac yn ddiweddar, ymwelais i â lleoliad fy mreuddwydion. Roedd yn gymaint o uchafbwynt gan fy mod i’n gallu gweld a deall pensaernïaeth mewn gwlad wahanol wrth ymweld â’m chwaer a’m nithoedd. Yn ogystal, treuliais i amser ar rai hobïau megis prosiectau celf personol, darllen a gemau fideo. Rwyf bob amser yn dod yn ôl atyn nhw pan rwyf eisiau ymlacio a mwynhau fy hun.
Beth ydych chi’n gobeithio gwneud pan fyddwch yn graddio?
Rwy’n gobeithio dod o hyd i swydd ym maes pensaernïaeth er mwyn ehangu fy set sgiliau a’m profiad. Byddai’n braf hefyd dysgu mewn amgylchedd mwy ymarferol y mae fy astudiaethau wedi fy mharatoi ar ei gyfer. Rwy’n hynod gyffrous i gamu ymhellach o fewn y proffesiwn, nawr rwyf wedi cwblhau cam cyntaf fy nhaith. Yn ogystal, rwyf yn gobeithio teithio hyd yn oed yn fwy yn y blynyddoedd nesaf a dysgu gwersi bywyd newydd ar yr un pryd.
Beth yw eich hoff beth am y cwrs?
Un o’m hoff bethau am y cwrs oedd y bobl a’r amgylchedd o’m cwmpas yn ystod fy astudiaethau. Roedd teimlo’n gartrefol ymhlith fy nghyd-myfyrwyr mor bwysig yn fy nhaith brifysgol ac fe wnaeth fy helpu i ennill cymaint o hyder dros y blynyddoedd. Rwyf hefyd wedi defnyddio’r adnoddau a oedd ar gael ar fy nghwrs, ac roedden nhw’n ddefnyddiol iawn.
A fyddech chi’n argymell PCYDDS a pham?
Byddwn i’n argymell PCYDDS achos fy mod i wedi cael profiad cadarnhaol, gwneud ffrindiau oes ac ennill hunan hyder yn ystod y tair blynedd. Mae’r lleoliad yn cyfrannu at fy nheimladau cadarnhaol am PCYDDS ac mae llawer i’w wneud sy’n holl bwysig i fyfyriwr prifysgol.
