Mae ein Tystysgrif Addysg Uwch (TystAU) flwyddyn mewn Rheolaeth Digwyddiadau a Gwyliau Rhyngwladol yn cyfuno dysgu academaidd â phrofiad ymarferol i ddarparu sylfaen gadarn yn y diwydiant digwyddiadau. Bydd y rhaglen hon yn eich cyflwyno i gysyniadau craidd a sgiliau hanfodol, gan eich paratoi ar gyfer rolau rheolaeth digwyddiadau a gwyliau.

Byddwch yn astudio hanfodion rheoli digwyddiadau amrywiol, gan gynnwys gwyliau, digwyddiadau chwaraeon, cynadleddau, a phriodasau, gan ddysgu sgiliau allweddol ar gyfer cynllunio, gweithrediadau a gweithio yn y sector digwyddiadau byd-eang.

Drwy gydol y cwrs byddwch yn meithrin eich dealltwriaeth o gynllunio digwyddiadau o safbwynt rheolaethol, gan ganolbwyntio ar ymagweddau creadigol ac arloesol sy’n hanfodol i lwyddo yn y diwydiant deinamig hwn.

Mae’r cwrs seiliedig ar waith cwrs hwn yn cwmpasu ystod o bynciau hanfodol, gan gynnwys effeithiau ac etifeddiaethau digwyddiadau, ymgysylltu â rhanddeiliaid, cwmpasu a chyllido, a strategaethau marchnata rhagarweiniol. Bydd cynaliadwyedd digwyddiadau hefyd yn thema allweddol, gan eich paratoi i ymgorffori arferion cyfrifol yn eich gwaith. Trwy asesiadau ymarferol a phrosiectau sy’n canolbwyntio ar ddiwydiant, byddwch yn ennill profiad ymarferol sy’n uniongyrchol berthnasol i ddigwyddiadau byd go iawn.

Erbyn diwedd y DystAU, bydd gennych ddealltwriaeth sylfaenol o reolaeth digwyddiadau, yn barod i gael effaith yn y diwydiant neu i ddatblygu eich astudiaethau yn y maes. Mae’r rhaglen hon yn ddelfrydol ar gyfer y rhai sy’n frwdfrydig am ddigwyddiadau ac yn awyddus i ddilyn gyrfa yn y diwydiant cyffrous hwn.