Antoinette Milne

Mae gan Antoinette fwy na thri degawd o brofiad yn y maes lletygarwch, yn bennaf yn y diwydiant gwin, gan gyfuno rolau yn y diwydiant â gwybodaeth arbenigol a sylfaen academaidd. Cyn addysgu, bu’n dal swyddi rheolwr canol gwin a gwirodydd ym maes gwerthu a marchnata.

Sefydlodd Antoinette y cwmni addysg gwin achrededig, Wine For Life Learning, sy’n cyflwyno cymwysterau’r Ymddiriedolaeth Addysg Gwin a Gwirodydd (WSET) i weithwyr gwestai/bwytai a defnyddwyr. Bu hefyd yn addysgu cymwysterau gwin i fyfyrwyr gwin ar-lein ar gyfer yr WSET.

Mae gan Antoinette flynyddoedd lawer o brofiad yn y diwydiant lletygarwch, yn gweithio mewn rolau gwerthu a marchnata gwin yng Nghanada a’r DU, yn berchen ar fusnes addysg gwin ac yn addysgu lletygarwch a gwin.

Derbyniodd Antoinette ei gradd Baglor Masnach mewn Lletygarwch a Rheoli Twristiaeth, gan ennill gwobr am bapur ymchwil eithriadol. Yna bu’n gweithio i un o’r asiantaethau gwin annibynnol mwyaf yng Nghanada, fel Rheolwr Gwerthu a Marchnata Gwin Ontario. Yng Nghymru, Antoinette oedd y Rheolwr Prosiect Gwin ym Mragdy a Chwmni SA Brains yng Nghaerdydd. Tra oedd yn gweithio, cyflawnodd Ddiploma’r Ymddiriedolaeth Addysg Gwin a Gwirodydd (WSET), gyda gwobr ranbarthol (Bryste), a daeth yn Addysgwr Ardystiedig WSET.

Mae diddordebau ymchwil Antoinette yn cynnwys twristiaeth gwin a diodydd, ac arwain a rheoli. Mae ei phrofiadau proffesiynol, entrepreneuraidd ac academaidd yn helpu i lywio ei haddysgu trwy ddarparu cysylltiad trylwyr a grymus rhwng damcaniaeth ac arfer.