Blossom yn PCYDDS
Enw: Blossom Evans
Cwrs: BA mewn Patrwm Arwyneb a Thecstilau
Astudiaethau Blaenorol: Diploma Sylfaen mewn Celf, Dylunio ac Ymarfer y Cyfryngau yn KEVICC, Totnes
Tref eich cartref: Teignmouth
Profiad Blossom ar BA mewn Patrwm Arwyneb a Thecstilau
Beth oedd eich hoff beth am gampws Abertawe?
Fy hoff beth am gampws Coleg Celf Abertawe yw ein gofod stiwdio lle gallwn ni weld ein gilydd yn gweithio a siarad â’n gilydd am syniadau, a pha mor agos a hygyrch yw gwahanol weithdai.
Pam y gwnaethoch chi ddewis PCYDDS?
Dewisais i PCYDDS oherwydd yr ystod eang o gyfleoedd a briffiau byw sydd ar gael i fyfyrwyr.
Beth y gwnaethoch chi fwynhau ei wneud tu allan i’ch astudiaethau?
Rwy wedi mwynhau teithio i draethau a threfi cyfagos, hwn yw’r tro cyntaf i mi dreulio amser yn ne Cymru felly bu llawer i’w archwilio.
Beth ydych chi’n ei wneud nawr, sut y gwnaethoch chi gyrraedd y fan honno ac a yw eich cwrs wedi eich helpu gyda’ch gyrfa?
Rwy’n gobeithio y galla i wneud cysylltiadau trwy ddylunwyr newydd a dod o hyd i swydd yn ddylunydd ar gyfer brand waliau mewnol a thecstilau.
Bydda i ar interniaeth un mis yn y grŵp dylunio IG ym mis Gorffennaf, a gobeithio y bydd hon yn rhoi dechrau da i mi yn y diwydiant, lle galla i ennill profiad a dealltwriaeth.
Beth oedd eich hoff beth am y cwrs?
Fy hoff beth am y cwrs yw’r briffiau byw gan eu bod nhw wedi caniatáu i mi greu casgliadau ar gyfer ystod o gyd-destunau gwahanol ac wedi fy nysgu i ddilyn briff.
A fyddech chi’n argymell PCYDDS a pham?
Byddwn i’n argymell PCYDDS ar gyfer y cyfleoedd sydd ar gael a’i maint gan fod yna bob amser rhywun o gwmpas i helpu.
News
Mae Sarah Davies yn myfyrio ar ei dychweliad i addysg ar ôl 18 mlynedd, yn astudio Patrwm Arwyneb a Thecstilau. Mae’r blog personol hwn yn archwilio sut y bu briffiau byw, interniaethau a phrofiadau diwydiant, gan gynnwys Laura Ashley, yn ei helpu i ailadeiladu hyder, llywio ei chyfeiriad creadigol a pharatoi ar gyfer graddio a gyrfa yn y diwydiant dylunio.
Mae Prifysgol Cymru Y Drindod Dewi Sant (PCYDDS) yn cefnogi’r gydnabyddiaeth lwyddiannus mae Abertawe wedi’i chael fel Dinas Bioffilig drwy gyfranogiad dwy o'i chanolfannau ymchwil: Canolfan Arloesi Technolegau Cynorthwyol (ATiC) a Chanolfan Ymchwil UNESCO-MOST BRIDGES. Gyda'i gilydd maent yn cyfrannu arbenigedd ymchwil, ymgysylltiad myfyrwyr ac arloesedd cydweithredol i helpu i roi natur, llesiant a meddwl cynhwysol wrth wraidd datblygiad trefol yn Abertawe.
Mae myfyrwraig drydedd flwyddyn mewn Patrymau Arwyneb a Thecstilau yn adlewyrchu ar y Graduate Symposium, gan archwilio sgyrsiau diwydiant, briffiau byw, a theithiau gyrfa cyn-fyfyrwyr. O interniaethau a chyngor ar eiddo deallusol i lwybrau gyrfa ysbrydoledig, roedd y digwyddiad yn cynnig mewnwelediad gwerthfawr, hyder a chyfeiriad ar gyfer bywyd ar ôl graddio.
Bydd myfyrwyr o Brifysgol Cymru Y Drindod Dewi Sant (PCYDDS) yn cyflwyno eu prosiectau mawr terfynol yr haf hwn yn rhan o Arddangosfa Haf 2026 y Brifysgol. Bydd y rhaglen yn lansio gydag arddangosfeydd Coleg Celf Abertawe fydd yn agor ar 15 Mai yn Abertawe, a bydd yn parhau ar draws Caerfyrddin, Caerdydd a Llundain hyd at fis Gorffennaf.
Mae'r artist adnabyddus Julia Griffiths Jones wedi bod yn gweithio gyda myfyrwyr BA Patrwm Arwyneb a Thecstilau fel rhan o gyfres o ddigwyddiadau i nodi dathliadau Dydd Gŵyl Dewi yng Ngholeg Celf Abertawe y Drindod Dewi Sant.
Mae Emily Elias, un o raddedigion Patrymau Arwyneb a Thecstilau (BA Anrh) Prifysgol Cymru Y Drindod Dewi Sant (PCYDDS) (Dosbarth 2025), wedi arddangos ei gwaith ar lwyfan rhyngwladol ar ôl cael ei dewis ar gyfer yr Ardal Talent Newydd yn Heimtextil, ffair fasnach ryngwladol fwyaf blaenllaw’r byd ar gyfer tecstilau mewnol, a gynhaliwyd eleni yn Frankfurt, yr Almaen.
Cynhaliodd Coleg Celf Abertawe Prifysgol Cymru Y Drindod Dewi Sant (PCYDDS) arddangosfa o waith myfyrwyr Patrymau Arwyneb a Thecstilau a ddatblygwyd mewn ymateb i friff byw yn y diwydiant gan frand eiconig o Brydain, sef Laura Ashley.
Mae cymryd rhan yng Nghystadleuaeth Sgiliau Cymru yn profi i fod yn garreg camu allweddol i fyfyrwyr sy'n mynd ymlaen i addysg uwch ym Mhrifysgol Cymru Y Drindod Dewi Sant (PCYDDS). Trwy brofi cyfleusterau, amgylcheddau addysgu a briffiau creadigol lefel prifysgol yn uniongyrchol, mae myfyrwyr yn gallu gwneud dewisiadau hyderus a gwybodus am eu dyfodol academaidd a phroffesiynol.
Mae Georgia McKie, Rheolwr Rhaglen ar gyfer Patrwm Arwyneb a Thecstilau yng Ngholeg Celf Abertawe, PCYDDS, yn angerddol am baratoi myfyrwyr ar gyfer realiti'r diwydiannau creadigol. Yn yr erthygl hon, mae hi'n archwilio sut mae cydweithio diwydiant yn cyfoethogi addysg greadigol, yn datblygu graddedigion sy'n barod ar gyfer y dyfodol, ac yn dathlu'r bartneriaeth ddiweddar rhwng Coleg Celf Abertawe a'r brand Prydeinig eiconig Laura Ashley.
Mae myfyrwyr o'r cwrs Patrymau Arwyneb a Thecstilau yng Ngholeg Celf Abertawe, Prifysgol Cymru Y Drindod Dewi Sant (PCYDDS), yn cychwyn ar waith cydweithredol newydd cyffrous gyda'r brand Prydeinig eiconig Laura Ashley, a lansiwyd i ddathlu yr hyn a fyddai wedi bod yn ben-blwydd y dylunydd yn 100 oed.
